1 Pita 2:24 - Nupela Testamen long tokples Kandas

²⁴ O Karisito ut i los pas anundat a kum sakino petutna una pinino ra i mat unin nanai kutus, sur dat in mat gusun a sakino petutna, ma dat in laun sur a tokodos na petutna. Ma una kum iniru una pinino, i ulangolango pas mot.

1 Pita 2:24 ပူးပေါင်းရင်းမြစ်များ

Matiu 27:26

O Pailat i palos ru o Barabas torom det. Ra di sa takalo tatar o Iesu, i pitar tari tan a kum tene inaim sur det in sak wati unin nanai kutus.

Matiu 5:20

Lenra, a watungi tamot, ra anumot a tokodos na petutna ken wakak taun a tokodos na petutna anun a kum tene ususer tagun a Warkurai ma a kum Parisi, mot in lagano ruk una matanitu sapat una langit.

Matiu 8:17

A utna ri i wanpat sur din pam sot pas a kum wasiso, ra a poropet Aisaia i sa wasiso taru uni lenri, “I ut i los pas anundat a kum misait, ma i rakon ru anundat a kum ngunungut.” Ais 53:4

A Wakak na Wasiso un o Iesu Karisito o Mak i tumusi 15:15

O Pailat i nemi sur in ugasgas a taro, ra i palos ru o Barabas torom det. Ra di sa takalo tatar o Iesu, o Pailat i pitar tari tan a kum tene inaim sur det in sak wati unin nanai kutus.

Luk 4:18

“A Nion a Labino i kis un iau, uni i sa pilok pas iau sur an warawai nama wakak na wasiso torom a kum sibo na taro. I tulu ru iau sur an warawai lenri, din palos ru det ra di sa ker ukai tar det, din utamtama melet a kum pulu, din ulangolango ru det ra det taramo a mamaut ra di sa pam tari un det,

A Wakak na Wasiso un o Iesu Karisito o Jon i tumusi 1:29

Ara bung numur, o Jon i tama o Iesu i wan nanan toromi, ra i watungi uni lena, “Mot tama i, a Barman na Sipsip anun o God, ra in lakro ru a sakino petutna anun a rakrakon bual.

A Wakak na Wasiso un o Iesu Karisito o Jon i tumusi 19:1

Ra o Pailat i itula sur din ben gisen pas o Iesu ma din mirasi namin narus na inaim.

Aposel 10:35

I gas pas a taro tagun a kum kamkabo taro rop, ra det ru i ma det pam a tokodos na petutna.

Aposel 10:39

“Ma met a kum tene wasiso puaso una kum utna rop ra met tama i, ra i ser pami una kum tamon anumet a taro Juda, ma sapat o Jerusalem kai. Di sak wati unin nanai kutus, ra i mat.

Aposel 13:29

Ra det sa pam sot rop tar a kum wasiso ra di sa tumus tari uni, det palos pirso ru i gusun in nanai kutus, ma det inep tari una kulam na minat.

Aposel 5:30

A God anun a kum tumtubun dat tagun numugu, i ukatutur melet pas o Iesu, i ra mot sak wat tari unin nanai kutus.

A Pas anun o Pol torom a taro Rom 6:11

Lenkutkai ra, mot in nuk pas mot lena mot sa mat gusun anumot a kum sakino petutna, ma mot, ra tagun o Karisito Iesu, mot laun sur mot in mur a nemnem anun o God.

A Pas anun o Pol torom a taro Rom 6:13

Gong melet mo mot pitar tar tu du pinimot sur in elar nama utna na pinapam sur a pam sakino. Mot in pitar tar mot torom o God, uni mot sa laun melet gusun a minat. Ma mot in pitar tar a kum du pinimot rop torom o God, sur in elar nama kum utna na pinapam sur a tokodos na pinapam.

A Pas anun o Pol torom a taro Rom 6:16

Pepetlai, ka mot tasmani lena, ra mot pitar tar mot torom taio sur mot in longoro i, mot a kum tene ititula anunu? Ra mot a kum tene ititula anun a sakino petutna, in pitar a minat torom mot. Ikut, ra mot a kum tene ititula anun o God ma mot ser longoro i, mot tokodos umatano.

A Pas anun o Pol torom a taro Rom 6:2

Awu! Dat mat gusun anundat a sakino petutna. Dat in laun pepetlai melet mo uni?

A Pas anun o Pol torom a taro Rom 6:22

Ikut uniri di sa ulangolango pas mot gusun a sakino petutna, ma mot tene ititula mukut anun o God. A win a ngas na nilaun ra, i ben mot sur mot in talapor, ma katu dur un mot, ra o God in pitar a nilaun tukum torom mot.

A Pas anun o Pol torom a taro Rom 6:7

Uni osi ra i mat tomo nam o Karisito, i sa langolango gusun a sakino petutna.

A Pas anun o Pol torom a taro Rom 7:6

Ikut uniri, dat mat gusun a kum Warkurai ra i ker ukai dat numugu. Ma di sa ulangolango pas dat gusun a dekdekin a Warkurai, ma dat papam torom o God nama matok na kisapi, ra a Tokodos na Nion i pitari torom dat. Awu sur i elar nama mugano kisapi, ra dat muri kut a kum Warkurai ra di tumus tari.

1 Korin 15:3

Uni a wasiso ra i labo doko, ra a sa los pasi, a sa pitar tari tamot. A wasiso ra i lenri: O Karisito i mat una nundat a kum sakino petutna, elar nami ra di sa tumus tari una Buk Tabu.

2 Korin 6:17

Ma a Labino i watungi kai lena, “Mot in pirso gusun det, ma mot in kis gisen gusun det. Ma gong mot patop una kum dur na petutna, ra iau an gas pas mot.” Ais 52:11

Galesia 3:13

A kum Warkurai i ubek tar dat una dekdek na kankan anun o God. Ikut o Karisito i kul langolango pas dat gusun a kankan ra. I ut i tur keles dat, ra i rakon pas a dekdek na kankan. I elar nami ra di sa tumus tari una Buk Tabu lena, “Osi ra di ukete i netes unin nanai, a dekdek na kankan anun o God i kis uni.” Lo 21:23

Epeses 5:9

Uni a nilaun anun o naro ra i kis una talapor i wu a wino lenri: a kum wakak na petutna, a kum tokodos na petutna, ma a lingmulusino.

Pilipai 1:11

Ma a wararing sur mot in bukus nama tokodosino, ra o Iesu Karisito in pam pati una numot a nilaun, sur a taro det in watung ulabo pas o God, ma det in rakon lekeleke pasi.

Kolosi 2:14

Dat ser rosumur gusun a kum Warkurai anun o Moses, ra a etakun i kis un dat. Ikut o God i unus ru a etakun, ra i sak wat tari sapat netes unin nanai kutus.

Kolosi 2:20

Mot sa mat tomo nam o Karisito, ma mot sa langolango gusun a kum etowo tan a kum laulau na nion tagun a rakrakon bual. Asau a kibino ra mot laun melet kut elar nam mot taginin una rakrakon bual ma mot mur a kum warkurai taginin? A kum warkurai lenri:

Kolosi 3:3

Uni mot sa mat gusun a ngas na nilaun tagun a rakrakon bual, ma uniri anumot a nilaun i kis eno tomo nam o Karisito, un o God.

Ibru 10:10

O Iesu Karisito i mur sot pas a nemnem anun o God ra i pitar tar a pinino ut, sur a etabor torom o God. I pitar tari ara dino kut ma ken pam meleti mo. Ra anun a etabor ra i gos talapor pas dat umatan o God.

Ibru 10:5

I mo ra o Karisito i wanpat urin una rakrakon bual ra i watungi torom o God lena, “A kum etabor, ra ka di tuni, ma a kum etabor ra di ser tuni ko nemi, ikut u sa waninar a pining sur an etabor nami torom ui.

Ibru 12:13

Ma “mot in nanan una tokodos na kisapi,” Snd 4:26 sur a kikimot ra ke dekdek gong i tikiras, in wakak melet kut.

Ibru 7:26

O Iesu i a mugumugu na tene etabor, ra i sot sur in warut dat. Uni i tasur umatan o God, ma ka din takun lar pasi un tu sakino petutna, ma katu dur umatan o God. O God i ulabo gisen pasi sapat netes una langit, gusun a sakino taro.

Ibru 9:28

Lenkutkai ra o Karisito i pitar tari ut sur i a etabor torom o God ara dino kut, sur in los gisen ru a kum sakino petutna anun a susut na taro. Ma in nanpat melet a manru na dino. Awu mo sur in los gisen ru a kum sakino petutna, awu. In nanpat sur in ulaun pas det ra det kis langlang suri.

Jems 5:16

I mo ra mot in wasiso puaso etetalai torom mot una numot a kum sakino petutna, ra mot in wararing un mot etetalai, sur a Labino in ulangolango pas mot. A niaring anun a tene tokodos i dekdek sakit, ma i wu pat a wino.

1 Jon 2:29

Mot tasmani lena, o God a tene tokodos, ma mot tasmani kai lena, det rop ra det pam a tokodos na petutna, det a kum nutnutun o God.

1 Jon 3:7

A kum nutnutung liklik, gong mot madek tar taio sur in ben raro mot. Osi ra i pam a tokodos na magirano, i tokodos elar nam o Karisito.

Tamtama 22:2

ma i sal epotor una labino kisapi, una tamon ra. In nanai na nilaun, i tur un aru papor ina danim ra. I ser wu a noino ma aru ngas na wino. Una kum kalang rop, i ser wu, a noino ma aru dino una arara kilalo. Ma a kum dono det ser ulangolango a taro tagun a kum gapman rop gusun a kum misait.