1 Pita 2:21 - Nupela Testamen long tokples Kandas

²¹ O God i sa kabo pas mot sur mot in tur dekdek, ra mot taramo a ngunungut. Uni o Karisito i taramo a ngunungut un mot, ma i ese tar mot una magirano ra, sur mot in mur a kiwino.

1 Pita 2:21 ပူးပေါင်းရင်းမြစ်များ

Matiu 10:38

Osi ra ke rakon pas anun in nanai kutus sur in mur iau, ke topasi sur i anung a nat na ususer.

Matiu 11:29

Mot in los anung in nikip, ma mot in ususer tang, uni a magirang i wowowon ma a ser unatino pas iau. Mot in los in nikip ri sur a niomot in mana.

Matiu 16:24

Ra o Iesu i watungi tan anun a kum nat na ususer lena, “Ra taio i nemi sur in mur iau, gong i mur a nuknukino. In los pas anun in nanai kutus ma in mur iau.

Luk 24:26

Det watungi lena, a Karisito in taramo a kum ngunungut ri, ra numur in ruk una nun a minamar.”

A Wakak na Wasiso un o Iesu Karisito o Jon i tumusi 13:15

A sa pam tar a larlar ri torom mot, i wakak sur mot kai mot in pami lenri a pami.

A Wakak na Wasiso un o Iesu Karisito o Jon i tumusi 16:33

“A watung a kum wasiso ri tamot sur mot in laun un iau, ma a balamot in bukus nama malmal. Nin una rakrakon bual, mot in taramo a mamaut. Ikut gong mot ngara, uni a sa winim pas a rakrakon bual.”

Aposel 14:22

Ra der uragot a taro na ususer tagun a tulu tamon ra, ma der wasiso na warut torom det, sur det in tur dekdek una nurnur anundet. Der watungi lena, “A susut na utna in monong mugu tar dat, numur dat in ruk una matanitu anun o God.”

Aposel 17:3

I watung palosi ma i upuaso i lena, i sot ut sur a Karisito in los a ngunungut ma in mat ma in katutur melet gusun a minat. Ma i watungi kai lena, “O Iesu ri a inanos mot nami, i ut a Karisito ra o God i tulu ru i urin.”

Aposel 9:16

Ma an inanosi lena, in taramo a susut na mamaut una risang.”

A Pas anun o Pol torom a taro Rom 8:29

Numugu utmakai o God i sa tasman anun a taro. Ma numugu utmakai, i sa pilok pas det sur det in elar nam o Nutunu, sur i a mugano tan a susut na tistisino.

1 Korin 11:1

Mot in mur a magirang, elar nami ra a mur a magiran o Karisito.

Epeses 5:2

Mot in laun nama marmaris, elar nam o Karisito i maris dat, ra i pitar tar anun a nilaun sur dat, elar nama etabor ra i sangnain wakak torom o God.

Pilipai 2:5

A nuknuki mot in elar nama nuknukin o Karisito Iesu.

1 Tesalonaika 3:3

sur gong taio tagun mot a nuknukino i talara kibino una kum mamaut ra i monong mot. Uni mot tasmani ut lena, a kum mamaut in monong dat.

1 Tesalonaika 4:2

Uni mot sa tasman a kum etowo ra metul sa ususer tar mot nami. A kum etowo ra, det wanpat ut tan a Labino o Iesu.

2 Timoti 3:12

Ma i lingmulus, det rop ra det laun un o Karisito Iesu ma det nem na mur a nilaun elar nama nemnem anun o God, a taro det in ban laulau det ut.

Ibru 2:10

O God i ukis tar a kum utna rop suri ut, ma i nemi sur in ben pas a susut na nutnutunu sur det in rakon pas a minamar. I mo ra i tokodos sur in mulaot tar o Iesu sur in taramo a ngunungut, sur in papos a kisapi sur o God in ulaun pas det.

1 Pita 1:20

O God i sa pilok pasi numugu utmakai ra ke ukisi utmakai a rakrakon bual, ma uniri, una kum ururop na bung, i sa wanpat sur in warut mot.

1 Pita 2:24

O Karisito ut i los pas anundat a kum sakino petutna una pinino ra i mat unin nanai kutus, sur dat in mat gusun a sakino petutna, ma dat in laun sur a tokodos na petutna. Ma una kum iniru una pinino, i ulangolango pas mot.

1 Pita 3:18

Uni o Karisito kai i taramo a ngunungut ra i mat ara dino kut, una nundat a kum sakino petutna. A Tene Tokodos i mat sur det ra ka det tokodos, sur in ben pas mot torom o God. Det um doko ru a pinino, ikut di ulaun pasi una nion.

1 Pita 3:9

Gong mot balu a laulau ino nama laulau ino, ma gong mot balu a sakino wasiso nama sakino wasiso. Mot in watung udan det ra det pam a laulau ino torom mot, uni o God i kabo pas mot sur mot in pami lenra, ra in watung udan mot.

1 Pita 4:1

O Karisito i taramo a ngunungut una pinino. I mo ra, mot kai, mot in waninar sur mot in taramo a ngunungut elar nami. Uni osi ra i taramo a ngunungut una pinino, i sa mana gusun a pam a sakino petutna.

1 Pita 4:13

Ikut mot in gas ra mot in taramo a ngunungut elar nam o Karisito i taramo i, sur mot in bukus nama gasgas ra o Karisito in nanpat nam anun a minamar.

1 Jon 2:6

Osi ra i watungi uni lena, i anun o God, in laun elar nama nilaun anun o Iesu.

1 Jon 3:16

Dat in tasman a marmaris mulus lenri: O Iesu Karisito i pitar anun a nilaun ma i mat sur dat. I wakak sur dat kai, dat in pitar anundat a nilaun ma dat in mat sur a kum tistisin dat.

Tamtama 12:11

A kum tistisin dat det sa winim pasi nama gapin a Barman na Sipsip, ma nama nundet a wasiso puaso. Ma ka det maris bat anundet a nilaun gusun a minat.