1 Pita 2:19 - Nupela Testamen long tokples Kandas

¹⁹ Ra ka mot pam tu sakino petutna, ikut mot taramo a kum maut tan a taro, o God in gas nam mot, ra mot mur a nuknukino, ma mot tur dekdek.

1 Pita 2:19 ပူးပေါင်းရင်းမြစ်များ

Luk 6:32

“Ra mot nem det kut ra det nem mot, din watung ulabo pas mot pepetlai? Uni a kum tene sakino kai det nem etetalai det ut.

A Wakak na Wasiso un o Iesu Karisito o Jon i tumusi 15:21

Det in ban laulau mot kibino una risang, uni ka det tasman o naro ra i tulu ru iau urin.

Aposel 11:23

O Banabas i ara wakak na musano, i bukus nama Tokodos na Nion ma a nurnur. Ra i wanpat, i tama asau ra a marmaris anun o God i pami una nundet a nilaun, ra i gas doko. Ra i uragot det rop sur det in tur dekdek mulus nama nurnur torom a Labino una nundet a nilaun rop. Ra a susut na taro det tupukus torom a Labino.

A Pas anun o Pol torom a taro Rom 13:5

I mo ra i wakak sur dat in unatino pas dat utuntudu ina mugumugu tagun a gapman. Awu sur i kibino kut uni a mugumugu in pitar a warkurai na minabalu torom dat, i kibino utkai uni a wakak na nuknuk una balandat i inanos dat lena dat in pami lenra.

1 Korin 15:10

Ikut, o God i pitar tar a nilaun ri a laun nami, kibino ut una nun a marmaris. Ma ke urop oros tari kut anun a marmaris un iau, awu. A papam dekdek doko taun det rop. Ikut, awu sur iau ut a papam, a marmaris anun o God i papam tomo nam iau.

2 Korin 1:12

Iri a utna ra met warango met nami: a balamet ke takun met un tu utna, uni met tasmani lena, ka met toro, met muri ut a tokodos na petutna tan o God, una numet a nilaun nin upiso, ma una numet a kinkinis tomo nam mot. Ka met mur a mananos anun a taro, met papam murmuri ut a marmaris anun o God.

2 Korin 8:1

A kum tistising, met nemi sur mot in talapor una marmaris ra o God i pitar tari torom a taro na lotu tong una papor Masedonia.

2 Timoti 1:12

Iri a kibino ra a taramo a ngunungut lenri. Ikut, ka maimai, uni a tasman o naro ra a nurnur uni, ma a tasman mulusi lena, in pet lar pasi sur in tamtamabat a pinapam, ra i sa pitar tari tang, tuk una bung na warkurai.

Ibru 10:2

Ra gunuk in utokodos det, ka det in pitari mo a kum etabor. Uni a kum etabor ra, in gos talapor pas a kum tene lotu ara dino kut, ma a nuknukin det ken takun det melet mo una nundet a kum sakino petutna.

1 Pita 2:20

Ra mot pam a sakino petutna ra di um mot, ra mot taramo a ngunungut uni, o God ken watung ulabo pas mot. Ikut ra mot pam a tokodos na petutna, ra di ukadik mot uni, o God in gas nam mot ra mot tur dekdek.

1 Pita 4:15

Gong taio tagun mot i los a ngunungut, uni i a tene um doko a taro, o a tene wolong, o a tene sakino, o a tene uruk lorino una utna ra awu sur anunu.