1 Pita 2:12 - Nupela Testamen long tokples Kandas

¹² Mot in pam a wakak na petutna epotor tan a taro ra ka det nurnur, sur det ra det takun mot lena mot a kum tene pam sakino, det in tama anumot a kum wakak na pinapam, ma det in watung ulabo pas o God una bung ra in nanpat uni.

1 Pita 2:12 ပူးပေါင်းရင်းမြစ်များ

Matiu 10:25

I topasi sur a nat na ususer in elar kut nam anun a tene ususer ma a tultul in elar nam anun a labino. Ra di sa watung iau nam o Belsebul, mot kai ra mot kis tomo nam iau, din watung mot nama kum rising i sakino taun a rising ri.

Matiu 5:11

“Mot dan ra di watung laulau mot, ma di ban laulau mot, ma di watung a kum torotoro na wasiso un mot lena mot pam a kum sakino petutna, uni mot tagun iau.

Matiu 5:16

Lenkutkai ra, anumot a talapor in sisio umatan a taro, sur det in tama anumot a kum wakak na pinapam, ma det in watung ulabo pas a Tamamot ra i kis sapat una langit.

Matiu 9:8

A kunur na taro det tama i, ra det kisin doko uni, ma det rakon lekeleke pas o God, uni i pitar a dekdek lenri torom a taro.

Luk 1:68

“Dat in watung ulabo pas a Labino, a God anun a taro Israel, uni i sa wanpat taru torom anun a taro, ma i sa ulangolango tar det.

Luk 19:44

Ma det in rege ginogino ru a tamon, ma det in um doko mot kai ra mot kis uni. Ma ka det in madek tar tu wat in inep netes un tu wat, uni ka mot tasman lele a du bung ra o God i wanpat uni torom mot.”

Luk 6:22

Mot dan ra a taro det nget mot, o det pilok ru mot ma det watung laulau mot, ma det ban laulau a risamot, uni mot tagun a Nutun a Musano.

A Wakak na Wasiso un o Iesu Karisito o Jon i tumusi 13:31

Ra o Judas i sa wan taru, o Iesu i watungi tandet lena, “Uniri din mar a Nutun a Musano, ma o God kai in los a minamar uni.

Aposel 15:14

O Saimon i sa inanos tar dat una mugano dino ra o God i maris det ra awu sur a taro Juda, ra i pilok pas ara taro tagun det sur det anun a taro ut.

Aposel 24:13

Ma ka det in ulingmulus lar pas anundet a kum etakun una kum utna ri ra det takun iau nami.

Aposel 25:7

Ra o Pol i sa wanpat, a taro Juda tagisapat o Jerusalem det tur talilis pasi, ma det takuni nama susut na maut na etakun, ikut ka det watung tu utna sur in ulingmulus anundet a kum etakun uni.

Aposel 28:22

Met nemi sur met in longoro a nuknukim, uni met sa tasmani lena, una kum tamon rop di watung laulau a matok na lotu ri.”

A Pas anun o Pol torom a taro Rom 12:17

Gong mot balu a laulau ino nama laulau ino. Mot in nuknuk wakak sur mot in pam a petutna ra a taro det in tama lele i lena i tokodos.

A Pas anun o Pol torom a taro Rom 13:13

Dat in muri mo a tokodos na petutna, elar nami ra dat laun una waspi. Gong dat sipak, ma dat longlong tuptupukus. Gong dat pam a kum petutna na pamuk, ma a kum utna na maimai. Gong dat taptapagol, ma gong dat nuknuk laulau.

A Pas anun o Pol torom a taro Rom 14:18

Ma osi ra in mur a kum petutna ri una nun a pinapam torom o Karisito, o God in gas nami, ma a taro kai det in tama lele i lena anun a petutna i tokodos.

A Pas anun o Pol torom a taro Rom 15:9

I wanpat kai sur a taro ra awu sur a taro Juda det in watung ulabo pas o God una nun a marmaris. Elar nami ra di sa tumus tari una Buk Tabu lenri, “I mo ra an watung ulabo pas ui nisan a taro ra awu sur a taro Israel, ma an kelekele na watung gasgas torom ui.” 2 Sml 22:50

1 Korin 14:25

Ma a kum utna ra i kis eno unin balano, in nanpat pupuaso. Ra in puku, in masarino unago upiso, ra in lotu torom o God, ma in wasiso talapor lena, “A lingmulus ut, o God i kis epotor tamot.”

2 Korin 1:12

Iri a utna ra met warango met nami: a balamet ke takun met un tu utna, uni met tasmani lena, ka met toro, met muri ut a tokodos na petutna tan o God, una numet a nilaun nin upiso, ma una numet a kinkinis tomo nam mot. Ka met mur a mananos anun a taro, met papam murmuri ut a marmaris anun o God.

2 Korin 13:7

Uniri, met wararing torom o God sur gong mot pam tu sakino. Ka met wararing lenra, sur a taro det in tama i lena, anumet a pinapam i wanpat mulus, awu. Met nemi sur mot in pami kut a utna ra i tokodos. Ra a taro det in nuki lena anumet a pinapam ke wanpat mulus, i wakak kut.

2 Korin 8:21

I mo ra met dekdek sur met in pam asau ra i tokodos, awu sur umatan a Labino kut, umatan a taro utkai.

Epeses 2:3

Numugu, dat kai dat laun elar nama taro na pitarngat. Dat kai dat ugasgasi kut a pinindat, ma dat mur a kum nemnem ina pinindat ma a nuknukin dat. Di usus pas dat kai a kum tene sakino ut, ma a kankan anun o God i kis un dat, elar nami ra i kis un det a taro na pitarngat.

Epeses 4:22

Di ususer mot sur mot in nan gusun a ngas na nilaun ra mot muri numugu. Mot in palos ru i elar namin turai na malu, uni i laulau ma i toro dat sur dat in mur a kum sakino nemnem.

Pilipai 1:27

Asau ra in nanpat, anumot a nilaun in mur sot pas a Wakak na Wasiso anun o Karisito. Ra an nan sur an tama mot, o ra an kis bakbak ma an longoro i kut a wasiso un mot, an tasmani lena, mot tur dekdek un ara nuknuk sot kut, ra mot papam tomo nam ara nuknuki mot kut sur a taro det in nurnur una Wakak na Wasiso,

Pilipai 4:8

A kum tistising, a ururop na wasiso ri a tumusi torom mot: A nuknuki mot in kis una kum utna ri: asau ra i lingmulus, asau ra di urur uni, asau ra i tokodos, asau ra katu dur uni, asau ra i tamtama wakak ma asau ra a taro det watungi lena i wakak. Ra tu utna in wakak sakit, o ra tu utna di watung ulabo pasi, a nuknuki mot in kis uni.

1 Tesalonaika 4:12

Ra mot in pami lenra, a taro ra ka det nurnur det in ru mot, ma ka mot in nura taio sur in tabor mot.

1 Timoti 2:2

ma sur a kum king ma a kum mugumugu rop, sur dat in kis wowowon nama malmal, ma dat in mur a petutna ra i wakak umatan o God, ma dat in urur torom o God.

1 Timoti 4:12

Gong u madek tar taio sur in tama pisopiso ui, uni u barman utmakai. Una num a wasiso, anum a petutna, anum a marmaris, anum a nurnur ma anum a tokodos na nilaun, un elar nama wakak na malalar, sur a kum tene nurnur det in pam murmuri.

1 Timoti 5:10

ra a taro rop det tasman anun a kum wakak na pinapam lenri: i ugu wakak a kum nat, i ser gas pas a taro una nun a rumu, i ser gos ru a kubus gusun a kikin a taro anun o God, i ser warut a taro ra a kum mamaut i los det, ma i pitar tar anun a nilaun sur a kum wakak na pinapam rop.

Ibru 13:18

Mot in wararing sur met. Met tasman mulusi lena a nuknuki met ke takun met un tu utna, ma met nemi sur anumet a petutna in tokodos una kum utna rop.

Ibru 13:5

Mot in tamtamabat mot sur mot in langolango gusun a nemnem sur a mani. Mot in gas kut nama sau ra kura tamot. Uni o God i sa watung tari lena, “Kan madek ru ui, ma kan nan gusun ui.” Lo 31:6

Jems 3:13

Osi na pasamot i mananos, ma i tastasman? I wakak ra in upuaso i una nun a wakak na nilaun, una nun a kum wakak na pinapam, tomo nama ngasino ra i unatino pasi ut. A ngasino ra i unatino pasi ut, i wanpat tagun a mananos mulus.

1 Pita 2:15

Uni o God i nemi sur mot in pam a kum wakak na pinapam, sur mot in sakbat ru a kum wasiso oros kut anun a taro ra ka det mananos.

1 Pita 3:16

Ma mot in ser mur a ngasino ra mot tasmani lena i tokodos, sur det ra det watung laulau a kum wakak na petutna mot pami ra mot mur o Karisito, det in maimai una wasiso ra det watung laulau mot nami.

1 Pita 4:11

Ra taio i los a etabor sur in tene warawai, i wakak sur in warawai ut elar nama wasiso anun o God. Ra taio i los a etabor sur in tene warut, i wakak ra in warut nama dekdek ra o God i pitar tari tano, sur a taro det in watung ulabo pas o God una kum utna rop, kibino un o Iesu Karisito. Anunu kut a minamar ma a dekdek, ken rop ma ken rop. Amen.

2 Pita 3:11

Ra a kum utna rop ri det in laulau lenri, osi na ngas na nilaun ra mot in muri? I wakak ra anumot a nilaun in tokodos, ma mot in pam a petutna ra i wakak umatan o God.