1 Pita 2:1 - Nupela Testamen long tokples Kandas

¹ I mo ra mot in lakro ru a kum sakino petutna rop, a wasiso torotoro ma a nilaun na torotoro, a nuknuk laulau sur a utna anun taio, ma a wur ngas na wasiso laulau un taio.

1 Pita 2:1 ပူးပေါင်းရင်းမြစ်များ

Matiu 15:7

Mot a kum tene torotoro. A wasiso anun o Aisaia i lingmulus ut, ra i wasiso na poropet mugu taru un mot lena,

Matiu 23:28

Lenkutkai ra, a taro det tama a pinimot lena, mot a kum tene tokodos, ikut a balamot i bukus nama torotoro, ma a kum sakino petutna.

Matiu 24:51

Ra a labino in tau kutkutusi, ma in pitar tar a warkurai na minabalu toromi, sur in kis tomo nama kum tene torotoro, una nubual ra di tangtangis ma di ungingit lokondi iai.

Matiu 7:5

Ui a tene torotoro, un los mugu ru a nuduwai pi gusun in matam, ra un tamtama wakak, sur un rakon ru a burbururup gusun in matan o tisim.

A Wakak na Wasiso un o Iesu Karisito o Mak i tumusi 12:15

Dat in pitari, o gong?” I tasman lele anundet a torotoro, ra i ting det, “Ilai ra mot nemi sur mot in lar iau? Tu mani urin sur an tama i.”

Luk 11:44

In laulau doko torom mot, uni mot elar nama kum tung na minat ra katu ukinalong un det, ma a taro det wanan sapat netes un det ma ka det tasmani.”

Luk 12:1

A ararip na taro det sa wanpat tomo, ra det isugut etalai det mukut, ra o Iesu i watung mugu i torom anun a kum nat na ususer lena, “Mot in tumarong una is anun a kum Parisi. A wasiso una nundet a petutna na torotoro.

Luk 6:42

Ra ko tama pas a nuduwai pi kura kut unin matam, un watung petlani torom o tisim lena, ‘Tising, an rakon ru a burbururup gusun in matam’? Ui a tene torotoro, un los mugu ru a nuduwai pi gusun in matam, ra un tamtama wakak, sur un rakon ru a burbururup gusun in matan o tisim.

A Wakak na Wasiso un o Iesu Karisito o Jon i tumusi 1:47

O Iesu i tama pas o Natanael i wan nanan toromi, ra i watungi lena, “A te Israel mulus ut ri, ke tasman a torotoro.”

A Pas anun o Pol torom a taro Rom 1:29

Det bukus nama kum wur ngas na sakino petutna rop ri: Det pam a sakino torom a taro, det nemnem sur a susut na ululeng, ma det nem na ban laulau a taro. Det bukus nama nuknuk laulau sur a utna anun taio, det um doko a taro, det engaras, det torotoro, ma det nget a taro. Det wasiso eno,

1 Korin 14:20

A kum tistising, gong a nuknuki mot i elar nama kum nat liklik. Una sakino petutna i wakak sur mot in elar nama kum nat miso. Ikut, una nuknuki mot, mot in elar nama kum lamlabino.

1 Korin 5:8

I mo ra i wakak sur anundat a nilaun in elar nama taro ra det pam a labino bung na lotu na Wanlakai. Gong dat pami nama is ra i sa turai. I ra a sakino petutna ma a dur na petutna. Dat in pami ut nama beret ra kalako is uni. I a tokodos na petutna ma i lingmulus.

2 Korin 12:20

A ngara, sako ra an nanpat torom mot, kan tama torom a kum petutna ra a nemi sur an tama i. Ma mot kai, ka mot in gas una petutna ra an nanpat nami. A ngara, sako an etorom pas a ngas na kinkinis lenri: mot wasiso na engaras, mot nuknuk laulau, mot kankan, mot kis susuaro, mot emang, mot wasiso eno, mot ulabo pas mot ut, ma anumot a kinkinis i purpuruon.

Epeses 4:31

Mot in lakro ru a nuknuk laulau, a kankan, a wasiso na engaras, a ugaia na kankan, a emang, ma a kum sakino petutna rop kai.

1 Tesalonaika 2:3

Ra metul saring mot sur mot in nukpukus, awu sur anumetul a wasiso i raro, awu sur kai metul wasiso nam tu sakino nuknuk, ma awu sur metul toro pas mot.

1 Timoti 3:11

Torom anundet a wardain kai in lenra, det a kum ngas na wardain ra a taro det ser ru det. Gong det wasiso eno, det in tumarong a magirandet, ma det in lingmulus una kum pinapam rop.

Taitus 2:3

Lenkutkai ra, un ususer a kum wardain ra a kum mugano tam, sur det in lason una kisapi na urur una nundet a nilaun, gong det emang, gong det tene ininum, ikut det in ususer a taro nama sau ra i wakak.

Ibru 12:1

A susut na tene nurnur tagun numugu det tur talilis pas dat ma det upuaso a petutna na nurnur. I mo ra, i wakak sur dat in lakro ru a kum sau rop ra i ser turbat dat una nundat a inawan, ma a kum sakino petutna kai ra i ser ker ukai dat. Ma dat in kalabor, ma gong a pinindat i ngoro una kalkalabor una nundat a kinalabor, ra o God i sa waninar tari sur dat.

Jems 1:21

I mo ra mot in mana gusun a kum dur na petutna, ma a kum sakino, ra kuri i bukus una rakrakon bual. Ra mot in unatino pas mot, ma mot in mur a wasiso ra di sa marut tari una balbala mot, a wasiso anun o God ra in ulaun mot.

Jems 3:14

Ikut, ra mot nuknuk laulau sur tu utna anun taio, ma mot nuknuk sur tu kisapi sur mot in ulabo pas mot nami, gong mot watung ulabo pas mot uni, ma gong mot toro bat pas a lingmulusino.

Jems 4:11

A kum tistising, gong mot mang etalai mot. Osi ra i mang tu tisino, o i kuro i, i watung laulau a Warkurai anun o God ma i kuro a Warkurai ra. Ma ra un kuro a Warkurai, awu sur u muri, u nuki kut lena ui ut u labo tauni.

Jems 4:5

Pepetlai, mot nuki lena a Buk Tabu i wasiso oros kut? I watungi lena, “A Nion o God, ra o God i pitar tari tandat, i nem dat sur dat anunu ut.”

Jems 5:9

A kum tistising, gong mot ururai etetalai, surko o God in warkurai mot. Tama i, a Tene Warkurai i sa tur nisan a matansako.

1 Pita 2:16

Mot sa langolango, ikut gong mot langolango sur mot in pam a sakino. Mot in laun elar nami ra mot a kum tultul anun o God.

1 Pita 2:22

“Ke pam tar tu sakino petutna, ma ke watung tar tu torotoro na wasiso.” Ais 53:9

1 Pita 3:10

Uni a Buk Tabu i watungi lenri, “Ra taio i nem a wakak na nilaun, ma i nemi sur in tama a kum wakak na bung na gasgas, in tamtamabat a wano gusun a kum sakino wasiso, ma gong i toro.

1 Pita 4:2

Ra ke pitar tari mo anun a nilaun una kum laulau na nemnem. I pitar tari mukut sur in mur a nemnem anun o God.

1 Pita 4:4

Ra uniri, a kum paspasa mot det kisin doko, ra ka mot nemi melet mo sur mot in pam a kum laulau na petutna ra, tomo nam det, ra det watung laulau mot.

Tamtama 14:5

Katu torotoro i pirso gusun a wandet, ma katu utna ra din takun det uni.