1 Pita 1:8 - Nupela Testamen long tokples Kandas

⁸ Ka mot tama o Iesu utmakai, ikut mot nem doko i. Uniri ka mot tama i, ikut mot nurnur uni. Ma mot bukus nama labino gasgas ra ka din palos sot pasi nam tu wasiso, ma a gasgas ra, a minamarino i labo sakit.

1 Pita 1:8 ပူးပေါင်းရင်းမြစ်များ

Matiu 10:37

“Osi ra i nem doko o tamano ma o nano, ikut anun a marmaris torom iau ke labo, ke topasi sur i anung a nat na ususer. In wakak ra anun a marmaris torom iau in labo taun anun a marmaris torom o tamano ma o nano. Ma osi ra i nem doko o nutunulik, a nat na musano o a ino, ikut anun a marmaris torom iau ke labo, ke topasi sur i anung a nat na ususer. In wakak ra anun a marmaris torom iau in labo taun anun a marmaris torom o nutunulik.

A Wakak na Wasiso un o Iesu Karisito o Jon i tumusi 14:15

“Ra mot in nem iau, mot in mur anung a kum warkurai.

A Wakak na Wasiso un o Iesu Karisito o Jon i tumusi 14:21

Osi ra i utur ukai anung a kum warkurai ma i muri, i ra i nem iau. O Tita in nemi, ma iau kai an nemi, ma an ese iau toromi.”

A Wakak na Wasiso un o Iesu Karisito o Jon i tumusi 14:24

Osi ra ke nem iau, ken mur anung a kum etowo. A kum wasiso ra mot longoro i awu sur anung, anun o Tita, i ra i tulu ru iau urin.

A Wakak na Wasiso un o Iesu Karisito o Jon i tumusi 16:22

Lenkutkai ra torom mot, uniri mot tupunuk, ikut an tama melet mot, ra mot in gas. A ngas na gas ri, kataio in pet lar pasi sur in rakon ru i gusun mot.

A Wakak na Wasiso un o Iesu Karisito o Jon i tumusi 20:29

O Iesu i inanosi lena, “U nurnur maragom uni u tama iau, niko? Det ra ka det tama iau, ikut det nurnur, det dan.”

A Wakak na Wasiso un o Iesu Karisito o Jon i tumusi 8:42

O Iesu i watungi tandet lena, “Ra gunuk mot tamano mulus nam o God, mot in nem iau, uni a wan tagisapat tan o God, ra uniri a kis nin. Ka wanpat urin una nung a nemnem, i ut i tulu ru iau.

Aposel 16:34

I ben pas der utiro una nun a rumu, ma i tabor der nama utna na inangon. I gas sakit, ma anun a taro kai det gas, uni det sa nurnur un o God.

A Pas anun o Pol torom a taro Rom 14:17

Uni a matanitu anun o God awu sur tagun a utna na inangon ma a ininum. A matanitu anun o God tagun a tokodos na petutna, a malmal ma a gasgas tan a Tokodos na Nion.

A Pas anun o Pol torom a taro Rom 15:13

A wararing torom o God, i ra dat kis langlang suri nama nurnur sur a wakakino ra in pami. A wararing sur in ubukus mot ra mot nurnur uni nama labino gasgas ma a malmal. Ma una dekdekin a Tokodos na Nion ut, mot in kis langlang nama labino nurnur sur a wakakino, ra numur o God in pami.

1 Korin 16:22

Osi ra ke nem a Labino, in iru tukum. Wan urin a Labino!

2 Korin 1:22

I sa ubek tar anun a ukinalong un dat sur in talapor lena, dat anunu ut. Ma i ukis a Niono unin balandat, elar nama ukinalong ra numur dat in rakon a kum utna, ra o God i sa waninar tari sur dat.

2 Korin 4:18

Ka met nuk a kum utna ra di tama i, met nuki kut a kum utna ra ka di tama i. Uni a kum utna ra di tama i, ka det in kis suano i, ikut a kum utna ra ka di tama i, det in kis tukum.

2 Korin 5:7

Uniri met laun nama nurnur. Awu sur anumet a nurnur kura una utna ra met tama i.

2 Korin 9:15

Dat in watung wakak sakit torom o God, una nun a labino etabor, ra kataio in watung palos lar pasi.

Galesia 5:22

Ikut, a Tokodos na Nion i wu a kum petutna ri: A marmaris, a gasgas, a malmal, a kinkinis wowowon, a petutna na warut torom taio, a wakak na petutna, a pam a lingmulus na pinapam,

Galesia 5:6

Ra kura dat un o Karisito Iesu, ra di tok talilis a pinin taio, o ka di tok talilisi, i a utna oros kut umatan o God. Ara utna kut ra i labo sakit umatan o God, a nurnur ra i pam pat a marmaris.

Epeses 3:19

A wararing sur mot in tasman a marmaris anun o Karisito, ra i labo taun a mananos anun a taro, sur mot in bukus nama kudulano nilaun anun o God.

Epeses 6:24

A marmaris torom det rop ra det nem anundat a Labino o Iesu Karisito nama marmaris ra ken rop.

Pilipai 1:25

A tasman mulusi lena, an laun ma an kis tomo nam mot, sur mot in lubung, ma mot in gas una nurnur.

Pilipai 3:3

Dat ra dat lotu torom o God nama dekdekin a Niono, dat kut ra, a taro mulus anun o God, i elar nami ra di sa tok talilis tar a pinindat. Ka dat nurnur una pinapam ra a taro det pami, awu. Dat gas kut una pinapam ra o Karisito Iesu i sa pam tari un dat.

Pilipai 4:4

Mot in ser gas una kum bung rop, uni mot tagun a Labino. Ma an watung meleti lena, mot in gasgas.

Ibru 11:1

Asau a nurnur? I lenri: Ra taio i nurnur, i sa tasman mulusi lena, asau ra i kis langlang suri nama nurnur, in rakon pasi ut. Ke tama i utmakai, ikut i tasmani lena i lingmulus ut.

Ibru 11:27

Una nun a nurnur, o Moses i katutur tagitong o Ijip, ma ke ngaran a kankan anun a king. I tur dekdek, uni i tama tar o God, i ra ka di tama tari.

1 Pita 1:6

A utna ri in ugasgas doko mot. I lingmulus ut, uniri mot in taramo a wur ngas na mamaut, ikut ken suano i.

1 Pita 2:7

Torom mot ra mot nurnur, a wat ra i wakak, ikut torom det ra ka det nurnur, “A wat ra a kum tene pam rumu det lakro ru tari, i ut ra, i wanpat a wakak na wat ra i udekdek a rumu.” Sng 118:22

1 Pita 5:4

Ra a Labino Tene Tamtamabat anun a kum sipsip in nanpat, mot in rakon a kukup na minamar ra a minamarino ken rop.