1 Pita 1:22 - Nupela Testamen long tokples Kandas

²² Ma uniri, mot sa rus talapor mot, uni mot sa mur a lingmulus na wasiso, sur mot in nem mulus a kum tistisi mot una nurnur. I mo ra, mot in nem etetalai mot nama marmaris mulus una balamot.

1 Pita 1:22 ပူးပေါင်းရင်းမြစ်များ

A Wakak na Wasiso un o Iesu Karisito o Jon i tumusi 15:17

Mot in nem etetalai mot. Iri anung a warkurai torom mot.

A Wakak na Wasiso un o Iesu Karisito o Jon i tumusi 15:3

Mot sa talapor, kibino una wasiso ra a sa watung tari tamot.

A Wakak na Wasiso un o Iesu Karisito o Jon i tumusi 17:17

Anum a kum wasiso i lingmulus. Un utalapor det nam anum a lingmulus na wasiso, sur det anum a taro mulus.

A Wakak na Wasiso un o Iesu Karisito o Jon i tumusi 17:19

A pitar tar iau ut torom ui, sur det kai, det anum a taro mulus una num a lingmulus na wasiso.

Aposel 15:9

Anun a pinapam torom dat ma torom det ke senene. I ukodos det kai umatano uni det nurnur.

Aposel 6:7

A wasiso anun o God i wan sarara, ma a niluluk ina taro na ususer sapat o Jerusalem, i labo nanan kai. Ma a susut na tene etabor torom o God kai, det nurnur ma det mur a Wakak na Wasiso.

A Pas anun o Pol torom a taro Rom 1:5

Un o Karisito ut, o God i maris met ma i pitar a pinapam na aposel torom met, sur met in ulabo pas a risan o Karisito, ma met in warawai torom a taro rop ra awu sur a taro Juda, sur det in nurnur ma det in mur anun a wasiso.

A Pas anun o Pol torom a taro Rom 2:8

Ikut torom det ra det ser ulabo pas det melet ut, ma ka det mur a lingmulus na wasiso anun o God, ma det muri kut a sakino petutna, o God in kankan, ma in balano sungun torom det.

A Pas anun o Pol torom a taro Rom 8:13

Uni ra mot mur a sakino nemnem ina pinimot, mot in mat. Ikut, ra una dekdekin a Tokodos na Nion, mot in um doko ru a kum sakino petutna ra a pinimot i ser pami, mot in laun.

2 Korin 6:6

Anumet a petutna katu dur uni, ma met papam nama mananos. A pinimet ke ser ngoro una taro, met pami kut a wakak na petutna torom det. Met papam nama warut anun a Tokodos na Nion, ma a marmaris mulus.

Galesia 3:1

A taro Galesia, mot a kum longlong! Osi mo ra i sangsagor, ra i ulokolokor a nuknuki mot? A sa inanos talapor tar mot una minat anun o Iesu Karisito unin nanai kutus, i elar nami ra mot ut mot tama i.

Galesia 5:5

Ikut dat, una dekdekin a Tokodos na Nion dat kis langlang nama nurnur sur o God in watung dat lena a kum tene tokodos uni dat nurnur.

Galesia 5:7

Numugu mot kalabor wakak. Ikut uniri, osi ra i ban lokolokor tar mot, ra ka mot muri mo a lingmulusino?

Epeses 4:3

Mot in dekdek sur mot in takai kut una kinkinis ra a Tokodos na Nion i sa pitar tari tamot, uni i kubus tomo mot nama malmal.

Pilipai 1:9

A wararing sur anumot a marmaris in labo ma in labo bing, ma a mananos ma a tastasman in lubung una numot a nilaun.

1 Tesalonaika 3:12

Ma metul wararing kai sur a Labino in ulabo anumot a marmaris, ma in bukus ma in tilingis epotor tamot ma torom a taro gisen kai, elar nama numetul a marmaris kai torom mot.

2 Tesalonaika 1:3

A kum tistisi metul, i wakak sur metul in ser watung wakak torom o God un mot. I tokodos lenra, uni anumot a nurnur i lubung dekdek, ma a marmaris torom mot etetalai kai i lubung nanan.

2 Tesalonaika 2:13

A kum tistisi metul, mot ra a Labino i maris mot, i wakak sur metul in ser watung wakak torom o God un mot, uni o God i sa pilok pas mot tagun a turturkibino sur in ulaun mot. I ulaun pas mot una nirurus talapor ra a Tokodos na Nion i pami un mot, ma una numot a nurnur una lingmulusino.

1 Timoti 1:3

Uniri a udekdek melet ui sur un kis ut tiro o Epeses, elar nami ra a sa watung tari tam, ra a wan utong o Masedonia. Un kis sur un turbat det ra det ususer a taro nam lako kum torotoro na etowo.

1 Timoti 1:5

A watungi lenra, sur a marmaris in lubung epotor tandat etetalai. A marmaris ra, i wan tagun a tokodos na balandat, ma a wakak na nuknukin dat, ma a lingmulus na nurnur.

1 Timoti 4:12

Gong u madek tar taio sur in tama pisopiso ui, uni u barman utmakai. Una num a wasiso, anum a petutna, anum a marmaris, anum a nurnur ma anum a tokodos na nilaun, un elar nama wakak na malalar, sur a kum tene nurnur det in pam murmuri.

1 Timoti 5:2

Un papam torom a kum ino ra a kum mugano tam, elar nami ra u pami torom o nam, ma un papam torom a kum toraro, nama tokodos na petutna, elar nami ra u pami torom a kum tistisim a kum ino.

2 Timoti 1:14

Una dekdekin a Tokodos na Nion ra i kis un dat, un tamtamabat wakak a Wakak na Wasiso ra o God i sa pitar tari tam.

Ibru 11:8

Una nun a nurnur, o Abaram i mur a wasiso ra o God i kabo pasi sur in nan sur a tamon ra o God i sa uliliman tari sur numur anunu. I wan, ikut ke tasman a tamon ra i wan suri.

Ibru 13:1

Gong mot mana nama marmaris etetalai torom mot, lar a kabo tistisino.

Ibru 5:9

O God i pam sot pas a pinapam ra un o Nutunu, ra o Nutunu i wanpat a kibin a pinapam na ulaun tukum a taro, torom det rop ra det ser mur anun a wasiso.

Ibru 6:10

O God ke ser pam tu utna ra ke tokodos. Ken dumano anumot a pinapam ma anumot a marmaris ra mot ese i toromi una numot a warut torom anun a taro ra mot sa pam tari ma mot pami utmakai.

Ibru 9:14

Ra i lingmulus lena di gos talapor a taro lenra, i lingmulus sakit ra a gapin o Karisito i gos talapor dat! Una dekdekin a Tokodos na Nion ra i kis tukum, o Karisito i pitar tar anun a nilaun torom o God. Anun a nilaun katu dur uni. Ra a gapino i gos talapor anundat a nilaun gusun a kum minat na pinapam ra dat in iru uni, sur dat in papam torom o God ra i laun.

Jems 1:21

I mo ra mot in mana gusun a kum dur na petutna, ma a kum sakino, ra kuri i bukus una rakrakon bual. Ra mot in unatino pas mot, ma mot in mur a wasiso ra di sa marut tari una balbala mot, a wasiso anun o God ra in ulaun mot.

Jems 4:8

Mot in nan milau o God, ra o God in nan milau mot. Ma mot a kum tene sakino, mot in gos a kum lamamot, ma mot ra aru nuknuki mot, mot in utalapor a balbala mot.

1 Pita 1:2

O God a Tamandat i sa pilok pas mot ra i sa tasman mugu tar mot, ma a Tokodos na Nion i umatok pas mot sur mot a taro anun o God, sur mot in mur a wasiso anun o Iesu Karisito, ma in rus mot nama gapino. A marmaris ma a malmal in kis torom mot, ma in labo sakit.

1 Pita 2:17

Mot in urur torom a taro rop. Mot in nem a kum tistisi mot una nurnur, mot in ngara sur o God, ma mot in urur torom a king.

1 Pita 3:1

Lenkutkai ra, mot a kum nolin na wardain, mot in unatino pas mot torom anumot a kum musano. Ra a ramano tagun det ka det nurnur una wasiso anun o God, a wakak na magiramot kut in wasiso torom det. A magiramot in ben pas det torom o God,

1 Pita 3:20

A kum nion ra, a nion a taro tagun numugu utmakai una kum kilalo anun o Noa. O God i kiskis langlang pas det sur det in nukpukus, ra o Noa i pam a sip. Ikut det pitarngat. Ra o God i ulaun pasi mukut a tiwal det gusun in nolomom.

1 Pita 3:8

Anung a kum ururop na wasiso torom mot rop i lenri, i wakak sur a nuknuki mot in takai kut. Ra taio tagun mot in los a maut, mot kai mot in losi tomo nami. Mot in nem etetalai mot elar ut ra mot nisnisino. Mot in lason una marmaris, ma mot in unatino pas mot.

1 Pita 4:17

A bung na warkurai i sa wanpat sur din warkurai mugu dat a taro anun o God. Ra a warkurai in turpasi un dat, in pepetlai torom det ra kura, ra det pitarngat una Wakak na Wasiso anun o God?

1 Pita 4:8

Iri a utna ra i labo sakit taun a kum utna rop, mot in nem etetalai mot nama lingmulus, uni a marmaris i pulus bat a susut na sakino petutna.

2 Pita 1:7

Ma mot in palataun a petutna ra i wakak umatan o God, nama marmaris torom a kum tistisi mot una nurnur. Ma mot in palataun a marmaris ra, nama marmaris kai torom a taro rop.

1 Jon 3:11

A wasiso ri mot longoro i tagun numugu lena, dat in nem etetalai dat.

1 Jon 3:23

A warkurai anun o God i lenri: Dat in nurnur una risan o Nutunu, o Iesu Karisito, ma dat in nem etetalai dat, elar nam anun a warkurai torom dat.

1 Jon 4:12

Katutaio utmakai i tama tar o God. Ikut ra dat nem etetalai dat, o God kuri un dat, ma anun a marmaris i bukus un dat.

1 Jon 4:20

Ra taio i watungi lena, “A nem o God,” ikut i nget o tisino, i a tene torotoro. Uni osi ra ke nem o tisino ra i tama i, ken nem lar pasi kai o God ra ke tama i.

1 Jon 4:7

A kum wakak na paspasang, dat in nem etetalai dat, uni a marmaris i wan tagisapat tan o God. Det rop ra det tastasman a marmaris, det a kum nutnutun o God, ma det tasman o God.

Tamtama 2:4

Ikut a takun mot una utna ri: Ka mot nem iau mo elar nami ra numugu mot nem iau.