1 Pita 1:21 - Nupela Testamen long tokples Kandas

²¹ Ma mot nurnur un o God i kibino ut un o Karisito. Ra o God ut i ukatutur melet pas o Karisito gusun a minat, ra i pitar tar a minamar toromi. I mo ra, mot nurnur un o God ma mot kis langlang nama nurnur sur a utna ra in pami numur.

1 Pita 1:21 ပူးပေါင်းရင်းမြစ်များ

Matiu 28:18

O Iesu i wan milau det, ma i watungi tandet lena, “O God i sa pitar rop tar a warkurai tang, sur an warkurai sur a kum utna rop sapat una langit ma nin kai upiso.

A Wakak na Wasiso un o Iesu Karisito o Jon i tumusi 12:44

O Iesu i wasiso namin labino walngano lena, “I ra i nurnur un iau, awu sur i nurnur kut un iau, i nurnur utkai un i ra i tulu ru iau urin.

A Wakak na Wasiso un o Iesu Karisito o Jon i tumusi 14:1

O Iesu i watungi tandet lena, “Gong a balamot i mamaut, mot in nurnur un o God, ma mot in nurnur kai un iau.

A Wakak na Wasiso un o Iesu Karisito o Jon i tumusi 14:6

O Iesu i balu i lena, “Iau a kisapi, ma iau a lingmulus, ma iau a nilaun. Kataio in nan torom o Tita un tu kisapi gisen, un iau kut.

A Wakak na Wasiso un o Iesu Karisito o Jon i tumusi 17:1

Ra o Iesu i sa watung rop tar a kum wasiso ri, i tamtama tito usapat una langit, ra i watungi lena, “Tita, a du bung i sa wanpat, un pitar a minamar torom o Nutum, sur o Nutum in pitar a minamar torom ui.

A Wakak na Wasiso un o Iesu Karisito o Jon i tumusi 17:24

“Tita, a nemi sur det ra u sa pitar tar det tang, det in kis tomo nam iau una tamon ra an kis iai, sur det in tama anung a minamar, a minamar ra u pitar tari tang, uni u nem iau numugu ra ko ukisi utmakai a rakrakon bual.

A Wakak na Wasiso un o Iesu Karisito o Jon i tumusi 17:5

Tita, uniri, ra an kis tomo melet nam ui, un pitar a minamar tang. A minamar ra numugu a kis uni tomo nam ui, ra ka di ukisi utmakai a rakrakon bual.

A Wakak na Wasiso un o Iesu Karisito o Jon i tumusi 3:34

I ra o God i tulu ru i, i wasiso nama wasiso anun o God, uni o God i pitar rop tar a Tokodos na Nion toromi.

Aposel 2:24

Ikut, o God i ukatutur melet pasi, ma i los ru a minat gusuni, uni a minat ke pam ukai lar pasi.

Aposel 3:13

O God ut i pami. A God anun o Abaram, a God anun o Aisak ma a God anun o Jekop, a God anun a kum tumtubun dat tagun numugu, i ulabo tar a risan o Iesu anun a tultul. Mot pitar tari sur din um doko i, ma mot ipul ru i kut umatan o Pailat, ra i nem na palos ru i.

Aposel 3:15

Ra mot um doko ru o Iesu, i ra a kibin a nilaun, ikut o God i ukatutur melet pasi gusun a minat. Ma met, met tama i ma met wasiso talapor uni.

Aposel 4:10

Mot ma a taro Juda rop, mot in tasmani lena, a musano ri ra i tur numugu tamot, di ulangolango pasi nama risan o Iesu Karisito a te Nasaret, i ra mot sak wat tari unin nanai kutus, ma o God i ukatutur melet pasi gusun a minat.

A Pas anun o Pol torom a taro Rom 10:9

Ra u upuaso i nam anum a wasiso lena, o Iesu i a Labino, ma u nurnur unin balam lena o God i sa ukatutur melet pasi gusun a minat, o God in ulaun ui.

A Pas anun o Pol torom a taro Rom 4:24

I watungi utkai un dat. Ra dat nurnur un o God, ra i ukatutur melet pas o Iesu anundat a Labino gusun a minat, in watung dat kai a kum tene tokodos.

2 Korin 6:15

O Karisito ma o Satan der in emarom pepetlai? A tene nurnur, der in pasano pepetlai nam taio ra ke nurnur?

Epeses 1:15

I mo ra, a ser wararing sur mot. Ra a longoro i lena mot sa nurnur una Labino o Iesu, ma mot nem a taro rop anun o God, ka mana nama watung wakak torom o God un mot. Ma una nung a kum niaring a ser nuk pas mot.

Kolosi 1:27

O God i upuaso i lena, a taro ra awu sur a taro Juda, det kai det in tasman a utna ra numugu i kis eno, ra i wakak doko ma in udan det. Iri a utna ra: o Karisito ut i kis una numot a nilaun, i mo ra, mot kis langlang nama nurnur sur a minamar anun o God, ra mot in rakoni.

1 Timoti 1:1

Iau o Pol, a aposel anun o Karisito Iesu, una itula anun o God, anundat a Tene Ulaun, ma o Karisito Iesu, o naro ra dat kis langlang suri nama nurnur.

1 Timoti 3:16

A lingmulus, o God i upuaso mulusi lena, a etowo ra dat nurnur uni i labo sakit. I lenri: O Karisito i wanpat a musano, a Tokodos na Nion i upuaso i lena o Karisito i tokodos umatan o God, a kum ensel det tama i, a wasiso puaso uni, i wan sarara torom a taro tagun a kum gapman rop, ma a susut una rakrakon bual det nurnur uni, i wan usapat ma i kis una minamar.

Ibru 2:9

Ikut dat tama o Iesu, i ra o God i unatino pasi sur in natino tan a kum ensel, a nat na du bung kut, sur in mat sur a taro rop. I mat uni o God i maris det. Ikut uniri, dat tama i lena o God i sa ukukup tari nama minamar ma a urur, uni i taramo a ngunungut ma i mat.

Ibru 6:1

I mo ra dat in nan usa numugu sur a kum etowo bulung ra in sot sur a taro ra det sa labo una nurnur. Gong dat ususer melet una kum mugano etowo un o Karisito ra dat sa ususer pas uni. A kum etowo lenri: a nukpukus gusun a kum petutna ra in ben dat sur a minat, a nurnur un o God,

Ibru 7:25

I mo ra, o Iesu i pet lari sur in ulaun a taro ra det wan torom o God una risan o Iesu. In ulaun det ra det in laun tukum, uni i laun tukum sur in wararing sur det.

1 Pita 1:11

A Nion o Karisito i kis un det, ma i inanos mugu tar det una kum ngunungut ra o Karisito in taramo i, ma una nun a minamar numur. Det tiktikin sur nangisin mulus, ma osi ra a kum utna ri in nanpat uni.

1 Pita 1:3

Dat in watung ulabo pas o God, a Taman anundat a Labino o Iesu Karisito. Una nun a labino marmaris, i sa usus matok tar dat. I mo ra uniri, dat kis langlang nama nurnur sur a nilaun tukum, uni o Iesu Karisito i katutur melet gusun a minat,

1 Pita 3:22

I ra i wan tito usapat una langit, ra uniri i kis una papor sot na laman o God. Ma a kum ensel, ma a kum nion ra det utur ukai a warkurai, ma a kum nion kai ra det utur ukai a dekdek, det kis utuntudu ino.