1 Pita 1:17 - Nupela Testamen long tokples Kandas

¹⁷ Ra mot ser wararing, mot watung o God, a Tamamot. I wakak ra mot in laun nama nginara umatano, una anumot a kinkinis na usiro nin una rakrakon bual, uni i ra, in warkurai a taro rop nama tokodos na warkurai, una kum utna rop ra det sa pam tari.

1 Pita 1:17 ပူးပေါင်းရင်းမြစ်များ

Matiu 16:27

Uni a Nutun a Musano in nanpat nama minamar anun o Tamano, det nam anun a kum ensel, ma in pitar a ikul torom arara taktakai elar nam anun a pinapam.

Matiu 22:16

Det tulu ru anundet a kum nat na ususer tomo nama kum paspasan o Erod torom o Iesu, ma det watungi lena, “Tene Ususer, met tasmani lena ui a tokodos na musano, ma u ser ususer a taro una kisapi anun o God nama lingmulus. Ko nuknuk bing un asau ra a taro det watungi un ui, uni a magiram i takai kut torom a taro rop.

Matiu 6:9

“Mot in wararing lenri, ‘Tamamet sapat netes una langit, i wakak ra din ru a risam.

A Pas anun o Pol torom a taro Rom 11:20

A lingmulus ut, o God i pak ru det uni ka det nurnur. Ikut mot, mot tur dekdek uni mot nurnur. Gong mot ulabo pas mot, mot in ngara.

2 Korin 1:2

A marmaris ma a malmal tan o God a Tamandat ma a Labino o Iesu Karisito in kis tomo nam mot.

2 Korin 5:6

I mo ra ka met tusako ma met tasmani ut lena, ra met laun nama pinimet ri, kabaut met kis tomo nama Labino.

2 Korin 7:1

A kum wakak na paspasang, dat sa rakon pas a kum liliman ri, ra i wakak sur dat in utalapor pas dat gusun a kum utna rop ra i udur a pinindat ma a niondat. Ma dat in talapor rop, uni dat urur doko torom o God.

2 Korin 7:11

Tama i, a tupunuk ri tan o God i pam pat a susut na wakak na utna un mot: A labino nemnem i kis unin balamot sur mot in langolango gusun a sakino. Ma mot nem doko i sur mot in ukodos pas mot sur gong tu etakun in los mot. Mot kankan torom o naro ra i pam a sakino, ma mot ngara. Mot nem doko i sur dat in emarom melet, mot dekdek pas mot, ma mot nemi sur mot in ukodos a utna ra i raro. A lingmulus, anumot a petutna i ese i lena, mot tokodos una utna ri.

Galesia 2:6

A taro ra di watung det nama kum mugumugu, ka det pukus a Wakak na Wasiso ri a warawai nami, ma ka det ubek tar lako kum Warkurai anun a taro Juda uni. Ra det a kum mugumugu o awu, ka nuk det. Umatan o God a taro rop det elar kut.

Epeses 1:17

A ser wararing lena a God anun anundat a Labino o Iesu Karisito, a Tamandat ra i bukus nama minamar, in tabor mot nama mananos tan a Tokodos na Nion, ma in papos a nuknuki mot, sur mot in tasman wakak o God.

Epeses 3:14

I mo ra, a kis butkeke umatan a Tamandat nama niaring,

Epeses 6:9

Ma mot a kum mugumugu, mot in pami lenkutkai ra torom anumot a kum tene ititula. Gong mot ungara det, uni mot sa tasmani lena ara Labino kut kusapat una langit, anundeti ma anumot kai. Ma a wakak na magirano awu sur torom ara taro kut, torom a taro rop.

Pilipai 2:12

A kum wakak na paspasang, mot ser mur anung a wasiso una kum bung ra a kis tomo nam mot. I mo ra uniri, ra ka kis tomo nam mot, i wakak sur mot in muri ma mot in dekdek uni, sur mot in ser ese i una numot a nilaun lena, o God i sa ulaun pas mot. Mot in dekdek ma mot in neder ma mot in ngara sur mot in ese i lena o God i sa ulaun pas mot.

Kolosi 3:25

Osi ra i pam a sakino in los a warkurai na minabalu una sakino ra i pam tari. A warkurai anun a Labino i elar kut torom a taro rop.

Ibru 12:28

Dat in watung wakak torom o God, uni dat sa utur ukai a matanitu ra ken tugunu. Dat in lotu torom o God nama urur ma a nginara ra i elar nam anun a nemnem,

Ibru 4:1

A liliman ra o God i uliliman taru nami kuri utmakai, sur dat in ruk una nun a tamon na mana. I mo ra dat in tumarong, sako tu pasamot ken ruk lar pas uni.

1 Pita 2:11

A kum wakak na paspasang, mot kis na usiro nin una rakrakon bual, awu sur anumot a tamon ri. I mo ra a saring mot, sur gong mot mur a kum sakino nemnem ina pinimot, ra det inaim nama niomot.

1 Pita 3:15

Ikut mot in utur ukai o Karisito sur in nanpat a Labino una nilaun anumot. A kum bung rop, mot in kis na waninar sur mot in balu taio ra in ting mot lena, asau a kibino ra mot kis langlang nama nurnur. Ikut, ra mot balu i, mot in balu i nama wowowon na petutna ma a urur.