1 Pita 1:13 - Nupela Testamen long tokples Kandas

¹³ I mo ra, mot in waninar a nuknuki mot sur a pinapam ra mot in pami, mot in tamtamabat wakak anumot a nilaun, ma mot in kis langlang nama nurnur mulus sur a utna ra o God in tabor mot nami, ra o Iesu Karisito in nanpat puaso.

1 Pita 1:13 ပူးပေါင်းရင်းမြစ်များ

Matiu 20:4

Ra i watungi tandet lena, ‘Mot kai, mot in nan, ma mot in papam una nung a kinobot na wain, ma an tokom mot nama sau ra i tokodos.’

Luk 12:35

“Mot sa emar pas, ma mot sa ungangon pas anumot a kum lam, gong mot dumun, mot in kis na waninar mukut.

Luk 17:30

“In lenkutkai ra una bung ra a Nutun a Musano in nanpat puaso uni.

Luk 17:8

Un watungi tano lenri, ‘Un emar pas, un waninar anga utna na inangon, ma un tabor iau, ra an nangon ma an inum. Ra numur ui bulung un nangon ma un inum.’

A Pas anun o Pol torom a taro Rom 13:13

Dat in muri mo a tokodos na petutna, elar nami ra dat laun una waspi. Gong dat sipak, ma dat longlong tuptupukus. Gong dat pam a kum petutna na pamuk, ma a kum utna na maimai. Gong dat taptapagol, ma gong dat nuknuk laulau.

A Pas anun o Pol torom a taro Rom 8:19

A kudulano ukukis rop i kis langlang nama labino nemnem sur a bung ra o God in upuaso ru a kum nutnutunu.

1 Korin 1:7

I mo ra ka mot in sibo sur tu etabor anun a Tokodos na Nion torom mot, ra mot ser kis langlang nama gasgas sur anundat a Labino o Iesu Karisito ra in nanpat puaso.

1 Korin 13:13

A tulu utna ri detul kis tukum: a nurnur, a kinkinis langlang nama nurnur sur asau ra o God in pami, ma a marmaris. Ikut a marmaris i labo sakit tandetul.

Epeses 6:14

Mot in tur dekdek, mot in ker ukai mot nama lingmulus, elar nama let. Ma mot in emar nama tokodos na petutna, elar nama du pino aen ra a tene inaim i ubek bat a romrobono nami.

Kolosi 3:4

O Karisito i ra anumot a nilaun. Ra in nanpat, mot kai mot in nanpat puaso tomo nami una nun a minamar.

2 Tesalonaika 1:7

ma in pitar a mana torom mot ra mot taramo a ngunungut, ma lenkutkai ra torom metul. O God in pami lenra, una bung ra a Labino o Iesu in nanpat tagisapat una langit nama kunabor na sungun ma anun a kum dekdek na ensel.

2 Timoti 4:5

Un nuknuk wakak una kum bung rop. Ra un taramo a kum mamaut, un tur dekdek ut. Un dekdek nama warawai una Wakak na Wasiso, ma un pam sot pas anum a kum pinapam rop, ra o God i sa pitar tari tam.

2 Timoti 4:8

O God i sa ubek tar anung a ikul, uni anung a nilaun i tokodos umatano. A Labino, a tokodos na Tene Warkurai in pitari tang una bung na warkurai. Ma awu sur torom iau kut, in pitari kai torom det rop ra det kis langlang nama labino nemnem sur anun a inawan pat melet.

Ibru 10:35

I mo ra gong mot wan gisen gusun anumot a dekdek na nurnur, uni in labo sakit anumot a ikul uni.

Ibru 3:6

Ikut o Karisito, i a Nutun o God ma i lingmulus una nun a pinapam ra i tamtamabat a taro anun o God. Ra dat tur dekdek una nurnur, ma ka dat ngara, ma dat kis langlang sur a kum utna ra o God in pami, dat a taro anun o God.

Ibru 6:19

Anundat a nurnur ra dat kis langlang nami sur a liliman anun o God, i elar nama ega ra i pam ukai a niondat, ra ken karai. I ruk una rumu na etabor una nubual ra i Tabu Sakit numur tan in namalu na minabat kutus sapat una langit.

Ibru 9:28

Lenkutkai ra o Karisito i pitar tari ut sur i a etabor torom o God ara dino kut, sur in los gisen ru a kum sakino petutna anun a susut na taro. Ma in nanpat melet a manru na dino. Awu mo sur in los gisen ru a kum sakino petutna, awu. In nanpat sur in ulaun pas det ra det kis langlang suri.

1 Pita 1:10

A kum poropet tagun numugu det wasiso na poropet una pinapam anun o God ra in ulaun mot, elar nama etabor ra in tabor mot nami. Det sisio ma det tiktikin wakak suri.

1 Pita 3:15

Ikut mot in utur ukai o Karisito sur in nanpat a Labino una nilaun anumot. A kum bung rop, mot in kis na waninar sur mot in balu taio ra in ting mot lena, asau a kibino ra mot kis langlang nama nurnur. Ikut, ra mot balu i, mot in balu i nama wowowon na petutna ma a urur.

1 Pita 4:7

A ururop ina kum utna rop i sa milau. I mo ra mot in nuknuk wakak ma mot in tamtamabat wakak anumot a nilaun, sur mot in pet lari sur mot in wararing.

1 Pita 5:12

O Sailas i warut iau ra a tumus a nat na pas ri torom mot. O Sailas a tising una nurnur, ra a nurnur doko uni. Una pas ri, a nemi sur an udekdek mot ma an wasiso talapor una marmaris mulus anun o God. Mot in tur dekdek uni.

1 Pita 5:8

Mot in tumarong, ma mot in tamtamabat wakak anumot a nilaun, uni anumot a ebar, o Satan, i wan tuptupukus elar nama laion. I kukukuk tuptupukus, ma i sisio sur lako taro sur in nan det.

1 Jon 3:3

Osi ra i kis langlang nama nurnur sur o Karisito, in waninar anun a nilaun ma in utalapori elar nam o Karisito ra i talapor.