1 Pita 1:12 - Nupela Testamen long tokples Kandas

¹² O God i upuaso i torom a kum poropet lena, a kum utna ri, awu sur in nanpat una anundet a kum kilalo na nilaun, awu, o God in pami ut torom mot. Ra uniri, mot sa longoro tari tan a taro ra det warawai nama Wakak na Wasiso torom mot, nama dekdekin a Tokodos na Nion, i ra di tulu pirso ru i tagisapat una langit. Ma a kum ensel kai, det nem doko i, sur det in tama a kum utna ri.

1 Pita 1:12 ပူးပေါင်းရင်းမြစ်များ

Matiu 11:25

Una du bung ra, o Iesu i watungi lena, “Tita, ui a Labino tagun a langit ma a rakrakon bual rop. A watung ulabo pas ui, uni u munu a kum utna ri tan a kum tene mananos ma det ra det tastasman, ma u upuaso i kut, torom det ra det elar nama kum nat liklik.

Matiu 11:27

“O Tita i sa pitar tar a kum utna rop torom iau. Katutaio i tasman o Nutunu, o Tamano kut i tasmani, ma kataio kai i tasman o Tamano, o Nutunu kut i tasmani, ma det kai ra o Nutunu i nemi sur in upuaso o Tamano torom det.

Matiu 16:17

Ra o Iesu i watungi tano lena, “Saimon, a nutun o Jon, u sa dan, uni kataio i inanos ui nama wasiso ra. O Tita ut ra i kis sapat una langit i unuk tar ui nami.

A Wakak na Wasiso un o Iesu Karisito o Mak i tumusi 16:15

Ma i watungi tandet lena, “Mot in nan una rakrakon bual rop, ma mot in warawai nama Wakak na Wasiso torom a taro rop.

Luk 15:10

A watungi tamot, i lenkutkai ra a gasgas epotor nisan a kum ensel anun o God un ara tene sakino ra i nukpukus.”

Luk 2:26

A Tokodos na Nion i sa upuaso tari toromi lena ken mat lakit, tuk ut ra in tama tar a Karisito anun a Labino.

Luk 9:6

A kum nat na ususer det wan tuptupukus una kum tamon, det warawai nama Wakak na Wasiso, ma det ulangolango pas a taro una kum tamon rop.

A Wakak na Wasiso un o Iesu Karisito o Jon i tumusi 15:26

“An tulu ru a Tene Warut torom mot tagisapat tan o Tita, i a Tokodos na Nion ra in upuaso a lingmulus. Ra in nanpat in wasiso puaso un iau.

Aposel 10:44

Ra o Pita kura utmakai i wasiso una rumu anun o Konelias, a Tokodos na Nion i wan pirso un det rop, ra det longoro a wasiso ra.

Aposel 16:10

Ra i sa tama tar a tamtama ra, uniutra met waninar pas sur a inawan utong o Masedonia, uni met tasmani lena o God ut i sa kabo pas met sur met in warawai torom det nama Wakak na Wasiso.

Aposel 2:33

Di ulabo pasi ma di ukis tari una sot na laman o God, ma o God o Tamano i pitar a Tokodos na Nion toromi, elar nami ra i uliliman tari nami. Ra uniri o Iesu i sa pitar pirso a utna ri, ra mot tama i, ma mot longoro i.

Aposel 4:31

Ra det sa wararing pas, a rumu ra det kis tomo uni i tugunu, ma det rop det bukus nama Tokodos na Nion, ma det wasiso nama wasiso anun o God, ma ka det ngara.

Aposel 4:8

O Pita i bukus nama Tokodos na Nion, ra i watungi tandet lena, “Mot a kum mugumugu anun a taro ma a taro na kiwung kai,

Aposel 8:25

Ra o Pita ma o Jon der sa wasiso talapor taru una kum utna ra a Labino i pami, ma der sa warawai taru kai nam anun a wasiso, der milet melet usapat o Jerusalem. Ma una nunder a inawan, der warawai nanan nama Wakak na Wasiso una susut na tamon una papor Samaria.

A Pas anun o Pol torom a taro Rom 1:15

I mo ra a nem doko i, sur an warawai nama Wakak na Wasiso torom mot kai, tiro o Rom.

A Pas anun o Pol torom a taro Rom 1:17

Uni a Wakak na Wasiso i upuaso a kisapi ra o God i pami, sur a taro det in tokodos umatan o God. A kisapi na nurnur kut, a taro det in tokodos uni, a nurnur sot kut tagun a turturkibino tuk una ururopino. Elar nami ra di sa tumus tari una Buk Tabu lenri, “Osi kut ra i nurnur, o God in watungi a tene tokodos, ma in laun.” Hab 2:4

A Pas anun o Pol torom a taro Rom 10:15

Ra kataio i tulu a kum tene warawai, det in nan pepetlai nama wasiso? Elar nami ra di sa tumus tari una Buk Tabu lena, “A inawan pat anundet ra det wanpat nama Wakak na Wasiso, i wakak doko.” Ais 52:7

A Pas anun o Pol torom a taro Rom 15:19

Det tama a dekdekin a kum ukinalong ma a kum utna na ukisin ra a pami nama dekdekin a Tokodos na Nion. Tagisapat o Jerusalem tuk tong o Ilirikum, a sa warawai rop pas iai nama Wakak na Wasiso anun o Karisito.

1 Korin 2:10

Ikut a Nion o God i upuaso a kum utna ri torom met. Uni a Tokodos na Nion i tasman a kum utna rop. Lingmulus, i tasmani ut a kum ninunuk na pidik anun o God.

2 Korin 1:22

I sa ubek tar anun a ukinalong un dat sur in talapor lena, dat anunu ut. Ma i ukis a Niono unin balandat, elar nama ukinalong ra numur dat in rakon a kum utna, ra o God i sa waninar tari sur dat.

2 Korin 6:6

Anumet a petutna katu dur uni, ma met papam nama mananos. A pinimet ke ser ngoro una taro, met pami kut a wakak na petutna torom det. Met papam nama warut anun a Tokodos na Nion, ma a marmaris mulus.

Galesia 1:12

Ka losi tan a taro, ma katu musano kai i ususer iau nami. O Iesu Karisito ut i upuaso tari tang.

Galesia 1:16

sur in upuaso o Iesu a Nutunu torom iau, sur an warawai nami torom a taro ra awu sur a taro Juda. Katu musano i ususer iau uni.

Epeses 3:10

Ikut uniri, i pami lenri torom a taro na lotu, sur in upuaso anun a labino mananos torom a kum nion, det ra det mugumugu ma det ra det utur ukai a warkurai una langit.

1 Tesalonaika 2:9

A kum tistisi metul, mot sa tasman anumetul a dekdek na pinapam. Una kum mirum ma a waspi, metul papam nama lamametul sur u warut metul una numetul a kinkinis. Metul pami lenri, sur metul in warawai torom mot nama Wakak na Wasiso anun o God ma gong metul pitar a mamaut torom mot sur mot in kul metul.

1 Timoti 3:16

A lingmulus, o God i upuaso mulusi lena, a etowo ra dat nurnur uni i labo sakit. I lenri: O Karisito i wanpat a musano, a Tokodos na Nion i upuaso i lena o Karisito i tokodos umatan o God, a kum ensel det tama i, a wasiso puaso uni, i wan sarara torom a taro tagun a kum gapman rop, ma a susut una rakrakon bual det nurnur uni, i wan usapat ma i kis una minamar.

Ibru 11:13

A taro rop ri det nurnur tuk ra det mat. Ra det laun nin upiso, ka det utur ukai a kum utna ra o God i sa uliliman tar det nami. Det tama i kut tagitiro bakbak, ma det gas pasi. Ma det watungi un det ut lena, det kis na usiro kut, ma det in laun lilik pas kut nin upiso.

Ibru 2:4

O God i pam a kum ukinalong ma a kum utna na ukisin, ma a kum dekdek na pinapam, ma i tibo susuaro a kum etabor anun a Tokodos na Nion elar ut nam anun a nemnem. Una nun a kum pinapam ra, i ese i lena anun a pinapam na ulaun a taro i lingmulus.

Ibru 4:2

Uni dat kai dat sa longoro tar a Wakak na Wasiso elar nama kum tumtubun dat tagun numugu. Det longoro tari ut, ikut ke warut det, uni ka det nurnur uni.

1 Pita 1:25

ikut a wasiso anun a Labino in tur tukum.” Ais 40:6-8 Ma a wasiso ri, i a Wakak na Wasiso, ra di sa warawai taru nami torom mot.

1 Pita 4:6

Iri a kibino ra di sa warawai taru nama Wakak na Wasiso torom a taro ra uniri det sa mat. Ra det mat det los a warkurai una pinindet, elar nama taro rop, ikut di warawai torom det sur a niondet in laun elar nam o God i laun.

Tamtama 5:11

Numur a tamtama ma a longoro a kum walngan a susut na ensel ra det tur talilis pas a kiskis na king ma a wat na utna ra det laun, ma a kum mugumugu. A kum ensel det susut doko, katutaio in luk lar pas det.