1 Korin 9:5 - Nupela Testamen long tokples Kandas

⁵ A kum aposel, ma a kum tistisin a Labino, ma o Pita det ser ben tuptupukus anundet a kum ino ra det nurnur. I tokodos ut sur mir nam o Banabas kai mir in pami lenra.

1 Korin 9:5 ပူးပေါင်းရင်းမြစ်များ

Matiu 13:55

O Tamano a tene pam rumu kut, ma o nano o Maria. A kum tistisino kai, o Jems, o Josep, o Saimon ma o Judas

Matiu 8:14

O Iesu i ruk una rumu anun o Pita, ra i tama a inumun o Pita, a ino, i misait nama pinino mararong, kura i inep taru una kabulu.

A Wakak na Wasiso un o Iesu Karisito o Mak i tumusi 1:30

Ara ino a inumun o Saimon, i misait nama pinino mararong, kura i inep. Uniutra det inanos o Iesu uni.

A Wakak na Wasiso un o Iesu Karisito o Mak i tumusi 6:3

I a tene pam rumu kut, o nutun o Maria. A kum tistisino kai, o Jems, o Josep, o Judas ma o Saimon, ma a kum bunu kai ano kuri ut dat laun tomo nin.” Ra a taro ka det nemi ut mo.

Luk 6:15

o Matiu, o Tomas, o Jems a nutun o Alpius, o Saimon ara tagun a kum Silot,

Luk 8:20

Ra di inanos o Iesu lena, “O nam ma a kum tistisim kunago det tur nago upiso. Det nem na tama ui.”

A Wakak na Wasiso un o Iesu Karisito o Jon i tumusi 1:42

O Endru i ben pas o Saimon torom o Iesu. O Iesu i tama i, ra i watungi tano lena, “Ui o Saimon, a nutun o Jon, din watung ui nam o Kepas.” (Una wasiso Grik di watungi nam o Pita, a kukuraino a wat.)

A Wakak na Wasiso un o Iesu Karisito o Jon i tumusi 2:12

Numur, ra a lukaro na unolin i sa rop, i wan utong o Kapernaum. Det wan tomo nam o nano, a kum tistisino ma anun a kum nat na ususer. Det kis tiro iai a kabano bung ut.

Aposel 1:14

Det tomo nam o Maria o nan o Iesu, ma a kum tistisin o Iesu, ma a ramano kum wardain kai. Det rop ka det mana nama niaring una kum bung.

A Pas anun o Pol torom a taro Rom 16:1

A inanos mot una tisindat o Pibi. A ino ri, a wakak na tene pinapam tagun a taro na lotu tong o Senkria.

1 Korin 1:12

An palos a kukurai ina wasiso ri lena: Ara taro tagun mot det watungi lena, “A mur o Pol,” ara taro det watungi lena, “A mur o Apolos,” ara taro det watungi lena, “A mur o Pita,” ma ara taro kai det watungi lena, “A mur o Karisito.”

1 Korin 7:15

Ikut, ra aru suano ra tu pasander ra ke nurnur i nem na wan gusun ara pasander, madek ru i in nan. Ra in nan, anun a musano o anun a ino, ra i tene nurnur, in langolango gusun anunder a kinkinis na nolin. Uni o God i sa kabo pas dat sur dat in kis na malmal.

1 Korin 7:39

A ino ra i sa nolin, a warkurai i kis toromi ra i ker tomo der nam anun a musano, ra anun a musano i laun utmakai. Ikut, ra anun a musano in mat, a ino ra in langolango sur in nolin melet nam taio ra i nemi, ikut in nolin ut nam taio ra anun a Labino.

1 Korin 7:7

A nemi sur a taro rop det in elar nam iau ra ka nolin. Ikut o God i pitar tar a kum etabor torom a taro rop taktakai. Ara i los ara ngas na etabor, ma ara kai i los a se etabor.

1 Korin 7:8

Ma a watungi tandet ra ka det nolin ma torom a kum ula lena, i wakak sur det in kis ut lenra, elar nam iau.

Galesia 1:19

Ka tama a ramano kum aposel kai, o Pita kut der nam o Jems a tisin a Labino.

1 Timoti 3:2

A magiran a mugumugu na lotu in lenri: gong tu etakun i kis uni, in nolin kut nam ara ino, in tumarong a magirano, in tamtamabat wakak anun a nilaun, i a ngas na musano ra a taro det ser urur uni, in ser gas pas a taro una nun a rumu, ma i a wakak na tene ususer.

1 Timoti 4:3

A ngas na taro ri, det turbat a nolin ma det turbat a taro sur gong det wan lako kum ngas na utna na inangon. A kum utna na inangon ra, o God i ukis tari sur din nani, ra a taro na nurnur ra det tasman a lingmulusino, det in watung wakak torom o God uni, ma det in nani.

1 Timoti 5:2

Un papam torom a kum ino ra a kum mugano tam, elar nami ra u pami torom o nam, ma un papam torom a kum toraro, nama tokodos na petutna, elar nami ra u pami torom a kum tistisim a kum ino.

Taitus 1:6

Ra un pipilok, un pilok pas taio ra katu etakun kura uni, i nolin kut nam ara ino, ma a kum nutnutunu det a kum tene nurnur, ma katu wasiso i los det un tu petutna, ma ka det ser pitarngat.

Ibru 13:4

I wakak ra mot rop, mot in ru a kinkinis na nolin, ma gong tu dur na petutna in kis uni. Uni o God in kuro taio ra i pam a sakino nam tu ino anun taio o tu musano anun taio, ma taio kai ra i pam a kum pamuk na petutna.