1 Korin 9:26 - Nupela Testamen long tokples Kandas

²⁶ I mo ra, ka kalabor tuptupukus, awu, a kalabor tokodos sur a tuktukino. Ka itubul elar nama musano ra i tubuli kut a maino.

1 Korin 9:26 ပူးပေါင်းရင်းမြစ်များ

Matiu 11:12

“Turpasi una kilalo ra o Jon a Tene Baptaiso i turpas a warawai ma tuk uniri, a matanitu tagisapat una langit i dekdek sur in lubung, ma a dekdek na taro det dekdek doko nama inaim sur det in turbati.

Luk 13:24

“Mot in dekdek sur mot in ruk una nat na matansako lik, uni a susut na taro det in lari sur det in ruk uni, ikut ka det in pet lar pasi.

1 Korin 14:9

Lenkutkai ra torom mot. Ra ka mot watung talapor a kum wasiso, din tasman petlan a wasiso ra mot watungi? Anumot a wasiso in nan kut una maino.

2 Korin 5:1

A pinindat i elar nama rumu na sel ra dat laun uni nin una rakrakon bual. Ma dat tasmani lena, ra in laulau, o God in pitar a rumu torom dat sapat una langit. A rumu ra, awu sur a taro det pami nama lamandet, awu. O God ut i sa pam tari, ma a rumu ra in tur tukum.

2 Korin 5:8

Ikut met tasman mulusi lena, met in gas ra met in nan gusun a pinimet ri, ma met in kis tomo nama Labino.

Galesia 2:2

A wan uni o God ut i inanos iau sur an nan. A etorom det ra di watung det nama kum mugumugu anun a kum tene nurnur. Ra met kut met kis, a inanos det nama Wakak na Wasiso ra a ser warawai nami torom a taro ra awu sur a taro Juda. A nemi sur det in mulaot uni, sur gong i utna oros kut anung a pinapam na warawai tagitiro ut tuk uniri.

Epeses 6:12

Uni ka dat waim nama taro, dat waim nama kum mugumugu anun a kum laulau na nion, a kum nion ra det utur ukai a warkurai, a kum nion ra det utur ukai a dekdekin a dumirum nin una rakrakon bual, ma a kum laulau na nion tagun a maino.

Pilipai 1:21

Uni a nuknuking i lenri: Ra a laun, a laun sur o Karisito. Ra an mat, an rakon pas a labino utna sakit.

Kolosi 1:29

A papam dekdek sur a utna ri in nanpat mulus ut. A lingmulus, a papam dekdek nama labino dekdekin o Karisito, ra i papam dekdek una nung a nilaun.

2 Timoti 1:12

Iri a kibino ra a taramo a ngunungut lenri. Ikut, ka maimai, uni a tasman o naro ra a nurnur uni, ma a tasman mulusi lena, in pet lar pasi sur in tamtamabat a pinapam, ra i sa pitar tari tang, tuk una bung na warkurai.

2 Timoti 2:5

Lenkutkai ra, a tene kinalabor ra i kalabor una ililu, ken los tu ikul ra ke mur a kum warkurai ina ililu.

2 Timoti 4:7

A sa pam sot pas anung a wakak na inaim ma anung a kinalabor una ililu, ma a sa mur sot pas a lingmulus na nurnur.

Ibru 12:1

A susut na tene nurnur tagun numugu det tur talilis pas dat ma det upuaso a petutna na nurnur. I mo ra, i wakak sur dat in lakro ru a kum sau rop ra i ser turbat dat una nundat a inawan, ma a kum sakino petutna kai ra i ser ker ukai dat. Ma dat in kalabor, ma gong a pinindat i ngoro una kalkalabor una nundat a kinalabor, ra o God i sa waninar tari sur dat.

Ibru 4:1

A liliman ra o God i uliliman taru nami kuri utmakai, sur dat in ruk una nun a tamon na mana. I mo ra dat in tumarong, sako tu pasamot ken ruk lar pas uni.

1 Pita 5:1

Uniri an wasiso torom mot a kum mugumugu na lotu, uni iau kai a mugumugu elar kut nam mot. Ra o Karisito i taramo a kum ngunungut, a tama tari, ma numur ra in nanpat, an rarakon una nun a minamar.

2 Pita 1:10

I mo ra a kum tistising, mot in papam dekdek sur mot in ese i una numot a nilaun lena, o God i sa kabo pas mot ma i pilok pas mot. Ra mot in pami lenra, ka mot in puku,