1 Korin 9:23 - Nupela Testamen long tokples Kandas

²³ A kum utna ri a pami sur a Wakak na Wasiso in lubung, sur in udan iau tomo nam det.

1 Korin 9:23 ပူးပေါင်းရင်းမြစ်များ

A Wakak na Wasiso un o Iesu Karisito o Mak i tumusi 8:35

Osi ra i maris bat anun a nilaun, in iru, ikut osi ra ke maris bat anun a nilaun uni i tagun iau ma a Wakak na Wasiso, in laun.

A Pas anun o Pol torom a taro Rom 11:17

A taro Israel det elar namin nanai na oliw mulus, ma mot a taro gisen mot elar namin lomlom nin nanai na oliw. O God i pak ru a ramano kum kano gusun in nanai na oliw mulus. I los pas a ramano kum kano lomlom na oliw, ma i pam a bading tomo namin nanai na oliw mulus. Ra uniri, mot laun tagun a polo ra i wan gusun a wakakor nin nanai na oliw mulus.

1 Korin 9:12

I tokodos sur a taro gisen det in los pas a warut ri gusun mot, ma i tokodos sakit sur met kai met in losi gusun mot. Ikut ka met ungongos pas mot sur anumot tu warut. Met taramo a susut na mamaut, ikut ka met saring mot sur tu warut, sur gong met turbat a Wakak na Wasiso anun o Karisito.

1 Korin 9:22

Ra a kis tomo nama taro ra ka det dekdek, iau kai ka dekdek, sur an ben pukus pas det torom o Karisito. A elaro iau sur an elar nama kum ngas na taro rop, ma a mur a kum ngas na kisapi rop sur an ulaun lako taro.

1 Korin 9:24

Det rop ra det ililu una kinalabor det kalabor, ikut ara kut tagun det in los a ikul. Pepetlai, ka mot tasman a utna ri? Mot kai mot in dekdek una kinalabor sur mot in los a ikul.

2 Korin 2:4

A tumtumus torom mot nama tupunuk, ma in balang i maut doko ma a lurlur na matang i puku. Ka nemi sur an utupunuk mot, a nemi sur mot in tasmani lena, a nem doko mot.

Galesia 2:5

Ikut, ka met mulaot pas a wasiso anundet, sur met in mur a warkurai na tinotok talilis. Met nemi sur a lingmulus ina Wakak na Wasiso in kis ut torom mot, ma ken senene.

2 Timoti 2:10

I mo ra a taramo a kum ngunungut, ikut a tur dekdek ut, sur det ra o God i sa pilok pas det, det kai det in nurnur un o Karisito Iesu ma in ulaun pas det, ma det in los a minamar tukum.

2 Timoti 2:6

A tene minarut ra i papam dekdek, i ut in pasong mugu a win ana kinobot ra in taka.

Ibru 3:1

I mo ra a kum tistising ra o God i sa pilok pas mot sur mot anun a taro, a nuknuki mot in kis dekdek un o Iesu. I ra a Aposel ma a mugumugu na tene etabor torom o God, ra dat nurnur uni ma dat wasiso puaso uni.

Ibru 3:14

Ra dat turpas a mur o Karisito, dat tur dekdek una nurnur. Ra dat in tur dekdek una nurnur tuk una ururopino, elar nami ra dat pami numugu, dat tagun o Karisito.

1 Pita 5:1

Uniri an wasiso torom mot a kum mugumugu na lotu, uni iau kai a mugumugu elar kut nam mot. Ra o Karisito i taramo a kum ngunungut, a tama tari, ma numur ra in nanpat, an rarakon una nun a minamar.

1 Jon 1:3

Met inanos mot un o naro ra met sa tama tari ma met sa longoro tari, sur dat in lason tomo, elar nam met, met lason tomo nama Tamandat, ma o Nutunu o Iesu Karisito.