1 Korin 9:20 - Nupela Testamen long tokples Kandas

²⁰ Ra a kis tomo nama taro Juda, a muri ut a ngas na nilaun anun a taro Juda, sur an ben pukus pas det torom o Karisito. Ka kis utuntudu ina Warkurai anun o Moses. Ikut, ra a kis tomo nama taro ra det kis utuntudu ina Warkurai anun o Moses, a pitar tar iau sur an kis utuntudu ina Warkurai ra, sur an ben pukus pas det torom o Karisito.

1 Korin 9:20 ပူးပေါင်းရင်းမြစ်များ

Aposel 16:3

O Pol i nemi sur detul in nan tomo. I ben pasi, ra i tok talilis a pinino, uni a kum te Juda ra kura una kum tamon ra, det tasmani lena o tamano, a te Grik.

Aposel 18:18

Ra o Pol i sa kis suano pasi tong o Korin, i wan gusun det ra det tar tistisino una nurnur, ma i wan utong o Senkria. Tiro iai, di kumur rop ru a iwu na lorino, sur in ese i lena, i sa pam sot pas anun a liliman torom o God. Ra detul nam o Prisila ma o Akuila detul kas una sip utong una papor Siria.

A Pas anun o Pol torom a taro Rom 11:14

Una nung a pinapam ri, a nemi sur an ukatutur a nuknukin anung a kabotaro, sur lako taro tagun det, det in nemnem sur a wakakino ra o God i pam tari un mot, ra in ulaun pas det.

A Pas anun o Pol torom a taro Rom 3:19

Dat tasmani lena, asau ra a warkurai i wasiso uni, ke wasiso una taro ra awu sur a taro Juda kut, i wasiso una taro Juda utkai, ra det kis utuntudu ina kum Warkurai. I mo ra, a taro rop tagun a rakrakon bual det in tur na warkurai umatan o God, ma kataio in ipul lar pas.

Galesia 2:19

“Uniri a sa tasmani lena kan tokodos uni a mur a kum Warkurai. A sa mat gusun det. A kum Warkurai ut i ubek tar iau una minat. A mat sur an laun sur o God.

Galesia 4:21

Mot ra mot nem na mur a Warkurai, mot in inanos iau: Pepetlai, mot tasmani ut a kukurai ina Warkurai?

Galesia 4:5

I wanpat sur in kul langolango pas det ra det kis utuntudu ina Warkurai, sur dat in nanpat a kum nutnutun o God.

Galesia 5:18

Ikut, ra a Tokodos na Nion i mugu mot, ka mot kis utuntudu ina Warkurai.