1 Korin 9:19 - Nupela Testamen long tokples Kandas

¹⁹ A lingmulus a sa langolango, ma ka papam na karabus torom taio. Ikut a pitar tar iau sur an tene ititula torom a taro rop, sur an ben lako susut na taro torom o Karisito.

1 Korin 9:19 ပူးပေါင်းရင်းမြစ်များ

Matiu 18:15

“Ra o tisim i pam a sakino un ui un nan toromi, ma mur kut mur in kis. Ra un watung puaso anun a niraro toromi. Ra in longoro ui, u sa umarom melet pasi.

A Pas anun o Pol torom a taro Rom 1:14

Anung a pinapam utra, o God i pitar tari tang, sur an warawai torom a taro ra det tasman a wasiso Grik ma a taro ra ka det tasmani kai, torom a kum tene mananos ma det ra anundet a mananos ke labo.

A Pas anun o Pol torom a taro Rom 11:14

Una nung a pinapam ri, a nemi sur an ukatutur a nuknukin anung a kabotaro, sur lako taro tagun det, det in nemnem sur a wakakino ra o God i pam tari un mot, ra in ulaun pas det.

A Pas anun o Pol torom a taro Rom 15:2

Dat rop taktakai dat in nuk pasi kai a pasandat, ma dat in pam a kum utna ra in waruti, ra in udekdek anun a nurnur.

1 Korin 10:29

Awu sur a wasiso una nuknuki mot, awu. A wasiso un o naro ra i inanos mot ma i nuki lena mot pam a sakino. A sa langolango. Sur asau ra a nuknukin taio in warkurai iau?

1 Korin 10:33

A nemi sur an ugasgas a taro rop una kum utna rop ra a ser pami. Ka pam tu utna sur in uwakak iau, awu, a pam a kum utna sur in uwakak lako susut na taro, sur o God in ulaun pas det.

1 Korin 7:16

Ui a ino, ko tasmani ra un warut anum a musano sur in tene nurnur o awu. Ma ui kai a musano, ko tasmani ra un warut anum a ino sur in tene nurnur o awu.

1 Korin 9:1

A sa langolango. Iau a aposel. A tama tari ut o Iesu anundat a Labino. Anumot a nilaun tomo nama Labino, i a wino tagun anung a pinapam.

2 Korin 12:14

Tama i, uniri a sa waninar sur a mantul na inawan torom mot. Ma kan saring tu utna gusun mot, uni ka nem anumot a mani, a nem mot ut. Uni ke tokodos sur a kum nat liklik det in tabor a kum tamandet ma a kum nandet. I wakak sur a kum tamandet ma a kum nandet ut det in ubek a utna sur det in tabor a kum nutnutun det nami.

2 Korin 4:15

A kum mamaut ra met barato i, det wanpat sur in uwakak mot. Ra a marmaris anun o God i wan sarara torom a taro, a susut na taro det in watung wakak torom o God, ma det in watung ulabo pasi.

2 Korin 4:5

Ka met ser wasiso un met ut, met wasiso puaso kut un o Iesu Karisito lena, i a Labino. Ma met anumot a kum tultul kut, kibino una itula anun o Iesu.

Galesia 5:1

O Karisito ut i sa ulangolango pas dat, sur dat in langolango mulus. Mot in tur dekdek, ma gong mot madek tar taio sur in ker ukai mot sur mot in elar nama kum tene ititula melet.

Galesia 5:13

A kum tistising, o God i sa kabo pas mot toromi sur mot in langolango mulus. Ikut gong mot nuki lena mot sa langolango sur mot in mur a kum sakino nemnem ina pinimot, awu. Mot in warut etetalai mot nama marmaris.

1 Timoti 4:16

Un tumarong anum a nilaun ma anum a etowo. Un tur dekdek un der, uni, ra un pami lenra, un ulaun pas ui ut, ma det kai ra det longoro ui.

2 Timoti 2:10

I mo ra a taramo a kum ngunungut, ikut a tur dekdek ut, sur det ra o God i sa pilok pas det, det kai det in nurnur un o Karisito Iesu ma in ulaun pas det, ma det in los a minamar tukum.

1 Pita 3:1

Lenkutkai ra, mot a kum nolin na wardain, mot in unatino pas mot torom anumot a kum musano. Ra a ramano tagun det ka det nurnur una wasiso anun o God, a wakak na magiramot kut in wasiso torom det. A magiramot in ben pas det torom o God,