1 Korin 9:12 - Nupela Testamen long tokples Kandas

¹² I tokodos sur a taro gisen det in los pas a warut ri gusun mot, ma i tokodos sakit sur met kai met in losi gusun mot. Ikut ka met ungongos pas mot sur anumot tu warut. Met taramo a susut na mamaut, ikut ka met saring mot sur tu warut, sur gong met turbat a Wakak na Wasiso anun o Karisito.

1 Korin 9:12 ပူးပေါင်းရင်းမြစ်များ

Luk 11:52

In laulau doko torom mot a kum tene mananos tagun a Warkurai, uni mot rakon ru a ki tagun a matansako sur a mananos. Mot ut ka mot ruk uni, ma mot turbat det ra det nem na ruk uni.”

Aposel 18:3

I kis nisan der ma detul papam tomo, uni detul a tulu tene pam rumu na sel.

A Pas anun o Pol torom a taro Rom 15:22

A lari sur an nan utiro torom mot, ikut a balon doko una pinapam na warawai una kum tamon. I mo ra ka wan lar pas utmakai torom mot.

1 Korin 13:7

Osi ra i lason una marmaris i ser los a kum mamaut anun a taro, i ser nurnur, ma i kis langlang nama nurnur sur a kum utna rop ra o God in pami, ma i ser tur dekdek ra a kum mamaut i wanpat.

1 Korin 6:7

A ngasino ri, mot ser muri ra mot ubek mot melet ut una warkurai, i upuaso i lena mot sa puku. Ilai ra ka mot madek ru det ra det pam a sakino torom mot? Ilai ra ka mot madek ru det ra det wolong mot?

1 Korin 9:14

Lenkutkai ra, a Labino i warkurai tari lena, det ra det warawai nama Wakak na Wasiso, det in los a ikul tagun a Wakak na Wasiso sur det in laun nami.

1 Korin 9:15

Ikut, iau ut ka los pas tu utna tagun a kum utna ri, ma ka tumtumus sur an los tu utna, awu. A gas doko ra a warawai torom mot ma ka los tu ikul uni. A minat a utna oros kut torom iau, ikut anung a gasgas ri i labo doko torom iau, ma ka nemi sur taio in rakon ru i gusun iau.

1 Korin 9:16

Ra a warawai nama Wakak na Wasiso, ka ulabo pas iau nami, awu. Uni o God i sa pitar tar a pinapam na warawai tang, ma kan pet lar pasi sur an mana gusuni. Ma in laulau doko torom iau ra kan warawai nama Wakak na Wasiso.

1 Korin 9:18

Asau ra anung a ikul? Anung a ikul i lenri: An gas sur an warawai nama Wakak na Wasiso, ma kataio in kul iau. A pami lenra sur gong a saring mot sur anumot tu warut ra i tokodos sur mot in pitari torom iau.

1 Korin 9:2

Sako ara taro det nuki lena awu sur iau a aposel, ikut torom mot, i lingmulus lena iau a aposel. Uni anumot a nilaun tomo nama Labino i ulingmulusi.

2 Korin 11:12

An pam liklik a kum utna ri a pami, sur det ra det watung det a kum aposel, det in tasmani lena, anundet a pinapam ke elar nam anumet a pinapam. I mo ra katu kibino sur det in warango det una nundet a pinapam.

2 Korin 11:20

I lingmulus, mot gas pas det, ra det ukarabus mot ma det ban laulau mot, ma det urop ru anumot a kum utna ma det ulabo pas det umatamot, ma det pasor a kum masmasari mot.

2 Korin 2:12

Ra a wanpat una tamon Troas, sur an warawai torom det nama Wakak na Wasiso anun o Karisito, a tama i lena, a Labino i sa papos saro tar anung a kisapi sur an warawai.

2 Korin 6:3

Ka met ser pam tu petutna sur a taro det in watung laulau anumet a pinapam, ma ka det in nurnur.