1 Korin 8:13 - Nupela Testamen long tokples Kandas

¹³ Ra a utna ra a wani, in upuku a tising una sakino, kan nan meleti mo tu du wewegua, sur gong a upuku a tising una sakino petutna.

1 Korin 8:13 ပူးပေါင်းရင်းမြစ်များ

Matiu 17:27

Ikut, sur gong dar ban ukankan det, un nan usa utasi ma un boko. In mugano kiripo ra un dat pasi, un pagom a wano, ra un los pas a mani gusuni. Ma un los tari torom det sur a takis anundar rop.”

Aposel 15:20

Dat in tumtumus torom det, ma dat in inanos det lena, det in mur a kum warkurai kut lenri: Gong det wan tu utna ra di sa etabor taru nami torom a kum torotoro na god, uni a ngas na lotu lenri i udur a utna na inangon. Gong det pam a kum petutna na pamuk. Gong det wan tu utna ra ka di gos wakak a gap gusuni, ma tu wewegua ra di pos doko i kut ra a gap kura utmakai uni.

A Pas anun o Pol torom a taro Rom 14:13

I mo ra gong mo dat takun etalai dat. Mot in nuknuk wakak sur gong mo mot pam tar tu petutna ra tu tisimot in puku uni.

A Pas anun o Pol torom a taro Rom 14:21

I wakak sur gong u wan tar a komonong ina kum wewegua, ma gong u inum a wain, ma tu ngas na utna kai lenra, sako a pinapam ra in ban ling tar o tisim sur in puku.

1 Korin 10:32

Gong mot pam tu utna ra in upuku taio tagun a taro Juda, o tagun a taro ra awu sur a taro Juda, o tagun a taro na lotu anun o God.

1 Korin 10:33

A nemi sur an ugasgas a taro rop una kum utna rop ra a ser pami. Ka pam tu utna sur in uwakak iau, awu, a pam a kum utna sur in uwakak lako susut na taro, sur o God in ulaun pas det.

1 Korin 13:5

Ke laulau a magirano, ke nuk pasi ut, ke ser kankan lakit, ke ser nuk ukai a sakino ra di pami uni.

1 Korin 6:12

Sako taio in watungi lenri, “A kum utna rop i wakak kut sur an pami.” Ikut awu sur a kum utna rop in waruti. “A kum utna rop i wakak kut sur an pami,” ikut kan madek pas tu utna sur an kis utuntudu ina dekdekino.

1 Korin 9:12

I tokodos sur a taro gisen det in los pas a warut ri gusun mot, ma i tokodos sakit sur met kai met in losi gusun mot. Ikut ka met ungongos pas mot sur anumot tu warut. Met taramo a susut na mamaut, ikut ka met saring mot sur tu warut, sur gong met turbat a Wakak na Wasiso anun o Karisito.

2 Korin 11:29

Ra taio tagun det, anun a nurnur i kis pirso, iau kai a pining in ngoro. Ra taio tandet di sa ben tari una sakino, in balang in sungun nami.

2 Korin 6:3

Ka met ser pam tu petutna sur a taro det in watung laulau anumet a pinapam, ma ka det in nurnur.