1 Korin 8:12 - Nupela Testamen long tokples Kandas

¹² Ra mot pam a sakino lenra torom tu tisindat, sur in pam a utna ra a nuknukino in takuni uni, mot pam a sakino torom o Karisito.

1 Korin 8:12 ပူးပေါင်းရင်းမြစ်များ

Matiu 18:10

“Gong mot nuk natino pas taio tagun a kum nat liklik ri. A inanos mot, anundet a kum ensel sapat una langit det ser tama in masarin o Tita ra i kis sapat una langit.

Matiu 18:21

O Pita i wan torom o Iesu, ra i tingi lena, “Labino, an man iso u dumano ru a sakino ra o tising i pami un iau? Lako wonom mawit na dino ut?”

Matiu 18:6

Ikut, osi ra in ben raro ara tagun a kum nat liklik ri, ra det nurnur un iau, a warkurai toromi, in laulau doko tan taio, ra din kubus tar tu labino wat unin kabarano, ma din woro murungi sa umadu.

Matiu 25:40

“A king in balu det lena, ‘A inanos mot nama lingmulus, asau ra mot sa pam tari torom tu musano oros kut tagun a kum tistising ri, mot sa pam tari ut un iau.’

Matiu 25:45

“In balu det lena, ‘A inanos mot nama lingmulus, asau ra ka mot pam tari torom tu musano oros kut, ka mot pami kai un iau.’

A Wakak na Wasiso un o Iesu Karisito o Mak i tumusi 9:42

“Osi ra in ben raro ara tagun a kum nat liklik ri, ra det nurnur un iau, a warkurai toromi in laulau doko tan taio ra din kubus tar tu labino wat unin kabarano, ma din woro murungi usa utasi.

Luk 17:2

Gunuk ra di sa kubus tar tu labino wat unin kabarano, ma di sa woro murung tari usa utasi, in wakak toromi, sako in ben raro ara tagun a kum nat liklik ri un tu sakino, ra kura numur in los a labino warkurai.

A Pas anun o Pol torom a taro Rom 14:20

Ma gong mot ban laulau a pinapam anun o God, kibino una utna na inangon kut. A kum utna na inangon rop i wakak kut umatan o God, ikut ra taio in nan tu utna ra in ban ling tar taio sur in puku una nun a nurnur, a utna ra i pami ke tokodos.

1 Korin 12:12

A musano i ara kut, ikut a susut na du pinino. A kum du pinino det susut, ikut di tugus tomo pas det sur ara kudulano pinino. A pinin o Karisito i lenkutkai ra.