1 Korin 8:1 - Nupela Testamen long tokples Kandas

¹ An inanos mot una kum utna na inangon ra di sa etabor taru nami torom a kum torotoro na god. Dat tasmani lena, dat rop dat sa mananos. A mananos i ser pam pat a petutna sur taio in dat walos in lorino, ikut a marmaris i ser pam pat a petutna sur taio in udekdek a taro.

1 Korin 8:1 ပူးပေါင်းရင်းမြစ်များ

Aposel 15:10

Ilai ra mot nem na lar o God? Ra mot watungi lena a taro na ususer det in mur a Warkurai anun o Moses, i elar nami ra mot pitar tar a maut torom det. A kum tumtubun dat tagun numugu ka det pet lar pasi sur det in muri, ma dat kai uniri awu.

Aposel 15:29

Gong mot wan tu utna ra di sa etabor taru nami torom a kum torotoro na god. Gong mot wan tu utna ra ka di gos wakak a gap gusuni, ma tu wewegua ra di pos doko i kut, ra a gap kura utmakai uni. Ma gong mot pam a kum petutna na pamuk. Ra ka mot in pam a kum utna ri, in wakak torom mot. I kut ra, ma i rop. A marmaris torom mot.

Aposel 21:25

Un ra bung dat sa tumus tar a buk torom a kum tene nurnur tagun det ra awu sur a taro Juda, lenri: Gong det wan tu utna ra di sa etabor taru nami torom a kum torotoro na god. Gong det wan tu utna ra ka di gos wakak a gap gusuni, ma tu wewegua ra di pos doko i kut, ra a gap kura utmakai uni. Ma gong det pam a kum petutna na pamuk.”

A Pas anun o Pol torom a taro Rom 11:25

A kum tistising, a nemi sur mot in mananos una utna ra numugu i kis eno, sur gong mot ulabo pas mot. I lenri: Ara taro Israel, in dekdek a balandet, tuk ra a niluluk ina taro gisen ra det nurnur in elar nama nuknukin o God.

A Pas anun o Pol torom a taro Rom 12:16

Mot in tur tomo nama wakak na petutna etetalai torom mot. Gong mot nuk ulabo pas mot, mot in gas sur mot in kis tomo nama taro ra ka di ulabo pas a risandet. Ma gong mot nuki lena mot mananos doko.

A Pas anun o Pol torom a taro Rom 14:10

Ma ui, u lai ra u takun o tisim? U lai ra u tama pisopiso o tisim? Uni dat rop dat in tur numugu tan a kiskis na warkurai anun o God.

A Pas anun o Pol torom a taro Rom 14:14

Uni iau tagun a Labino o Iesu, a tasman mulusi lena, katu utna na inangon in ban ling tar dat sur dat in laulau umatan o God. Ikut, ra taio i nuki lena in laulau umatan o God ra in nan tu ngas na utna, i ut i tasmani lena ke tokodos toromi sur in nani.

A Pas anun o Pol torom a taro Rom 14:19

I mo ra dat in dekdek sur dat in pam a petutna na malmal, ma sur dat in udekdek a nurnur anundat etetalai.

A Pas anun o Pol torom a taro Rom 14:22

A kum utna rop ra u nuki lena i wakak torom ui, anumur ut nam o God. Osi ra i pam tu utna ma a nuknukino ken takuni uni, i dan.

A Pas anun o Pol torom a taro Rom 14:3

Osi ra i nurnur lena i wakak kut ra in nan a kum utna rop, gong i tama pisopiso o naro ra ke wan a kum utna rop. Ma osi ra ke wan a kum utna rop, gong i warkurai o naro ra i wan a kum utna rop lena i pam a sakino petutna, uni o God ut i sa gas pasi.

A Pas anun o Pol torom a taro Rom 15:14

A kum tistising, a tasmani ut lena mot bukus nama wakak na petutna ma a mananos, ma mot pet lar pasi sur mot in ususer etetalai mot.

1 Korin 1:5

Uni una numot a kinkinis tomo nam o Karisito, o God i udan mot nama kum utna rop. I udan mot una numot a wasiso rop ma numot a mananos rop.

1 Korin 10:15

A wasiso torom mot elar nami ra a wasiso torom a taro ra det sa mananos. Ma mot ut mot in warkurai wakak anung a wasiso ri.

1 Korin 10:28

Ikut, ra taio in watungi tamot lena, “A utna ri di sa etabor taru nami torom a kum torotoro na god,” gong mot wani, sur gong mot ban laulau a nuknukin o naro ra i inanos mot nami.

1 Korin 14:20

A kum tistising, gong a nuknuki mot i elar nama kum nat liklik. Una sakino petutna i wakak sur mot in elar nama kum nat miso. Ikut, una nuknuki mot, mot in elar nama kum lamlabino.

1 Korin 15:34

Mot in tuangun, mot in mur a tokodos na petutna, ma mot in mana gusun a kum sakino petutna. Uni ara taro tagun mot ka det tasman o God. A watungi lenri sur mot in maimai.

1 Korin 4:10

A taro det nuki lena met a kum longlong uni met ser mur o Karisito. Ikut mot, mot nuki lena mot sa mananos rop una numot a nilaun un o Karisito. Met, ka met dekdek, ikut mot, mot nuki lena mot dekdek. Mot, di ulabo pas mot, ikut met, di tama pisopiso met.

1 Korin 4:18

Ara taro tagun mot det dat walos a lorindet, uni det nuki lena kan milet melet mo torom mot.

1 Korin 4:6

A kum tistising, a sa watung tar a kum wasiso ri un mir nam o Apolos, sur in warut mot ma in ususer mot, sur mot in talapor una kukurai ina wasiso ri: “Mot in muri kut a wasiso na Buk Tabu, ma gong mot ubek tar tu du wasiso kai.” Ra mot in muri lenra, katutaio tagun mot in ulabo pas ara, ma in unatino pas ara kai.

1 Korin 5:2

Ikut mot, mot dat walos a lorimot! Ilai ra ka mot tangis na maimai una petutna ra? Ma ilai ra ka mot rakon ru a musano ra gusun mot?

1 Korin 5:6

Ke wakak ra mot ulabo pas mot ut. Pepetlai, ka mot tasmani lena lakalik nat na is kut, in ulabo rop pas a palawa?

1 Korin 8:2

Ra taio i nuki lena i sa mananos doko un tu utna, anun a mananos ke sot utmakai.

1 Korin 8:4

An inanos mot una ngasino ra a taro det ser pami ra det wan a kum utna, ra di sa etabor taru nami torom a kum torotoro na god. Dat tasmani lena a toktok i a utna oros kut tagun a rakrakon bual, awu sur i laun. Dat tasmani lena ara God sot kut, ma kataio melet.

1 Korin 8:7

Ikut, awu sur a taro rop det tasman a utna ri. A ramano kum tene nurnur, numugu ra ka det nurnur utmakai, det ser mur a petutna ra det etabor torom a kum torotoro na god. Ma tuk uniri, ra det wan a utna ra taio i sa etabor taru nami torom a kum torotoro na god, det nuki lena, det ut det lotu torom a kum torotoro na god. Det taramo i lena a nuknukin det i takun det lena det pam a sakino.

Epeses 4:16

Un o Karisito, a kudulano pinino i tugus tomo wakak. Ra arara du pinino in pami ut anun a pinapam, a kudulano pinino in lubung ma in dekdek, ma in bukus nama marmaris.

Kolosi 2:18

Ara taro det ser toro lena, det unatino pas det una nundet a ngas na lotu, ma det ser lotu torom a kum ensel, ma det ser wasiso una kum ririon ra det tama i. Gong mot madek tar det sur det in takun mot. Uni a ngas na musano ra, i uman labino kut nama nuknukino, ma a nuknukino i bukus nama kum laulau na nemnem ina pinino.

Tamtama 2:14

Ikut a takun mot una kum utna ri: Ara taro ra kura det epotor tamot, det sa mur a etowo anun o Balam, i ra i ususer o Balak sur in usobor a taro Israel ma det pam a sakino petutna, ra det wan a utna na inangon di etabor nami torom a kum torotoro na god, ma det pam a kum petutna na pamuk.

Tamtama 2:20

Ikut, a takun mot una utna ri: Ka mot lu ru o Jesabel, a ino ra i watungi lena i a poropet. I ususer raro anung a kum tultul, sur det in pam a kum pamuk na petutna ma sur det in nan a utna ra di sa etabor taru nami torom a kum torotoro na god.