1 Korin 7:35 - Nupela Testamen long tokples Kandas

³⁵ A watung a kum utna ri sur in uwakak anumot a kinkinis, awu sur a turbat mot. A nemi sur mot in mur a tokodos na petutna, ma mot in pitar rop tar anumot a nilaun torom a Labino, ma gong a nuknuki mot i wan gisen.

1 Korin 7:35 ပူးပေါင်းရင်းမြစ်များ

Matiu 19:12

Iri a kum kibino ra lako taro ka det in nolin: Ara taro di usus det lenutra. Ara taro, a taro det ban laulau det, ma ara taro kai, ka det nolin uni det balon una pinapam una matanitu tagisapat una langit. Osi ra in pet lar pasi, in mur a wasiso ri.”

Matiu 22:15

Numur a kum Parisi det wan tomo taru, ra det epak pas lena det in lar o Iesu sur tu wasiso anunu, sur det in takuni nami.

Luk 21:34

“Mot in tumarong mot, sako mot in balon nama pam lukaro ma a ininum, ma a nginara sur a kum utna una nilaun nin upiso, ma a bung ra in nanpat kisin torom mot elar namin nukun.

Luk 8:14

A kum pitino ra det puku epotor una kum kuikui, det elar nama taro ra det longoro a wasiso, ikut a labino nuknuk una kinkinis anundet, a kum ululeng, ma a gasgas tagun a nilaun nin upiso, det rau bat a wasiso anun o God, ra ka det wu lako windet.

1 Korin 7:2

Ikut, kibino una kum pamuk na petutna ra kura, i wakak sur arara musano in nolin nam anun a ino ut, ma arara ino kai in nolin nama nun a musano ut.

1 Korin 7:28

Ikut, ra un nolin, awu sur u pam a sakino petutna. Ma ra tu toraro in nolin, awu sur i pam a sakino petutna. Ikut, det ra det nolin det in taramo a susut na mamaut una nundet a nilaun, ra ka nemi sur mot in etorom a kum mamaut ri.

1 Korin 7:36

Ra tu musano i nuki lena ke tokodos anun a petutna torom a ino ra di sa ubek bat tari toromi, ma ra a kum kilalo anun a ino i sa wan tito, ma a musano ra i nemi sur der in nolin, i wakak in nolin kut nami. Ke pam a sakino petutna. Der in nolin kut.

Epeses 5:3

Gong tu pamuk na petutna i kis epotor tamot, gong tu dur na petutna, ma gong kai mot nemnem sur a susut na ululeng. Uni a kum petutna ri ke tokodos sur a tokodos na taro anun o God det in pami.

Pilipai 4:8

A kum tistising, a ururop na wasiso ri a tumusi torom mot: A nuknuki mot in kis una kum utna ri: asau ra i lingmulus, asau ra di urur uni, asau ra i tokodos, asau ra katu dur uni, asau ra i tamtama wakak ma asau ra a taro det watungi lena i wakak. Ra tu utna in wakak sakit, o ra tu utna di watung ulabo pasi, a nuknuki mot in kis uni.

1 Timoti 1:10

det ra det pam a sakino nam tu ino anun taio o nam tu musano anun taio, a kum musano ra det nolin melet kut nama kum musano, det ra det pam sikot pas a taro sur det in siuru det, a kum tene torotoro, det ra det liliman torotoro, ma det rop ra det pam a kum utna ra ke elar nama tokodos na etowo anun o God.

Taitus 2:3

Lenkutkai ra, un ususer a kum wardain ra a kum mugano tam, sur det in lason una kisapi na urur una nundet a nilaun, gong det emang, gong det tene ininum, ikut det in ususer a taro nama sau ra i wakak.