1 Korin 7:34 - Nupela Testamen long tokples Kandas

³⁴ A nuknukino ke takai, uni i nemi sur in ugasgas anun a ino ma a Labino kai. A ino ra ke nolin o a toraro, i balon una pinapam anun a Labino. Anun a nemnem sur in pitar rop tar a pinino ma a niono torom a Labino. Ikut, a ino ra i sa nolin, i balon una pinapam taginin una rakrakon bual, sur in ugasgas anun a musano.

1 Korin 7:34 ပူးပေါင်းရင်းမြစ်များ

A Pas anun o Pol torom a taro Rom 6:13

Gong melet mo mot pitar tar tu du pinimot sur in elar nama utna na pinapam sur a pam sakino. Mot in pitar tar mot torom o God, uni mot sa laun melet gusun a minat. Ma mot in pitar tar a kum du pinimot rop torom o God, sur in elar nama kum utna na pinapam sur a tokodos na pinapam.

1 Korin 6:20

uni o God i sa kul pas mot nama labino kunukul doko. I mo ra mot in ulabo pas o God nama pinimot.

1 Korin 7:33

Ikut a musano ra i sa nolin, i balon una pinapam taginin una rakrakon bual, sur in ugasgas anun a ino.

1 Korin 7:35

A watung a kum utna ri sur in uwakak anumot a kinkinis, awu sur a turbat mot. A nemi sur mot in mur a tokodos na petutna, ma mot in pitar rop tar anumot a nilaun torom a Labino, ma gong a nuknuki mot i wan gisen.

2 Korin 11:28

Ara utna kai a etoromi ra i labo doko, i lenri, anung a tamtamabat torom a taro na lotu una kum tamon rop, i maut doko una nung a nilaun una kum bung rop.

2 Korin 8:16

A watung wakak torom o God ra i unuk tar o Taitus sur in warut mot. I nem mot elar nam iau kai a nem mot.

Pilipai 1:20

A nurnur lena, kan pam tu utna ra an maimai uni. An tur dekdek ma kan ngara, sur an ulabo pas o Karisito una nung a kum petutna rop elar nami ra numugu a ser pami. Sako an laun o an mat, an ulabo pasi ut.

1 Tesalonaika 5:23

Metul wararing sur o God ut, a God na malmal, in uwakak pas anumot a nilaun, sur mot in tokodos rop umatano. Metul wararing kai sur o God in tamtamabat a niomot, a nuknuki mot ma a pinimot, sur gong tu etakun in los mot una bung ra anundat a Labino o Iesu Karisito in milet uni.

1 Timoti 3:5

A musano ra ke lason sur in mugu wakak det tamtamano, ken pet lar pasi kai sur in tamtamabat a taro na lotu anun o God.

1 Timoti 5:5

A ula, ra kataio i tamtamabati ma i sibo mulus, i nurnur kut un o God ma i kis langlang sur in waruti. Una kum mirum ma a waspi, i ser wararing sur o God in waruti.

Taitus 3:8

A kum wasiso ri i lingmulus sakit. Ma a nemi sur un papam dekdek nami, sur a taro ra det nurnur un o God, det in pitar mulus tar det una wakak na pinapam una nundet a kum bung na nilaun. A kum wasiso ri i wakak ma i warut a taro rop.