1 Korin 7:25 - Nupela Testamen long tokples Kandas

²⁵ A Labino ke pitar tu warkurai torom iau un det ra ka det nolin. Ikut an inanos mot una nuknuking. Iau a ngas na musano ra a taro det nurnur un iau, uni a Labino i maris doko iau.

1 Korin 7:25 ပူးပေါင်းရင်းမြစ်များ

1 Korin 15:10

Ikut, o God i pitar tar a nilaun ri a laun nami, kibino ut una nun a marmaris. Ma ke urop oros tari kut anun a marmaris un iau, awu. A papam dekdek doko taun det rop. Ikut, awu sur iau ut a papam, a marmaris anun o God i papam tomo nam iau.

1 Korin 4:2

Det ra di sa pitar tar lako kum pinapam tandet, det in lingmulus uni.

1 Korin 7:10

Torom det kai ra det nolin, a pitar a warkurai ri. Ma awu sur iau, a Labino ut i pitari. Gong tu ino i wan pas gusun anun a musano.

1 Korin 7:12

A watungi torom a ramano taro kai. Awu sur a Labino i watungi, iau ut a watungi lenri: Ra tu tisindat una nurnur, anun a ino awu sur a tene nurnur, ma a ino ra i nemi sur der in kis tomo, gong a tisindat ra i lu ru i.

1 Korin 7:28

Ikut, ra un nolin, awu sur u pam a sakino petutna. Ma ra tu toraro in nolin, awu sur i pam a sakino petutna. Ikut, det ra det nolin det in taramo a susut na mamaut una nundet a nilaun, ra ka nemi sur mot in etorom a kum mamaut ri.

1 Korin 7:34

A nuknukino ke takai, uni i nemi sur in ugasgas anun a ino ma a Labino kai. A ino ra ke nolin o a toraro, i balon una pinapam anun a Labino. Anun a nemnem sur in pitar rop tar a pinino ma a niono torom a Labino. Ikut, a ino ra i sa nolin, i balon una pinapam taginin una rakrakon bual, sur in ugasgas anun a musano.

1 Korin 7:40

Ikut a ino ra, in gas doko ra in kis kut lenra, ma ken nolin melet. Iri a nuknuking, ma a nuki lena a Nion o God i kis un iau kai.

1 Korin 7:6

A watung a wasiso ri torom mot sur in warut mot, awu sur sur in elar nama warkurai torom mot.

2 Korin 11:17

A lingmulus, ra a warango pas iau ut, ka wasiso elar nama nemnem anun a Labino, i elar kut nama longlong.

2 Korin 2:17

Ka met elar nama susut na taro, ra det papam kut nama wasiso anun o God sur a mani. Ikut, un o Karisito met wasiso nama lingmulus umatan o God, uni i ut i tulu ru met.