1 Korin 7:21 - Nupela Testamen long tokples Kandas

²¹ Ra ui a tene ititula, ra o God i kabo pas ui, gong u nuknuk una num a kinkinis na tene ititula. Ikut, ra tu kisapi sur un langolango uni, i wakak un muri.

1 Korin 7:21 ပူးပေါင်းရင်းမြစ်များ

Luk 12:29

Gong mot nuknuk doko sur asau ra mot in nani, ma asau ra mot in inumi, ma gong mot ngara suri.

Luk 21:34

“Mot in tumarong mot, sako mot in balon nama pam lukaro ma a ininum, ma a nginara sur a kum utna una nilaun nin upiso, ma a bung ra in nanpat kisin torom mot elar namin nukun.

1 Korin 12:13

Uni ara Nion kut i baptaiso dat rop, sur dat ara pinin o Karisito mukut, dat a taro Juda, ma dat ra awu sur a taro Juda, dat a kum tene ititula ma dat ra ka dat tene ititula. Ma o God i pitar ara Nion kut torom dat rop sur dat in inum taguni.

1 Korin 7:20

Arara in laun ut elar nama ngas na kinkinis ra kura tano, ra o God i kabo pasi.

1 Korin 7:22

Uni i ra a tene ititula ra a Labino i sa kabo pasi, i a langolango na musano mo anun a Labino. Lenkutkai ra, i ra awu sur a tene ititula ra a Labino i sa kabo pasi, i a tene ititula mo anun o Karisito.

Galesia 3:28

Una nurnur un o Karisito, a taro Juda ma a taro gisen det elar umatan o God, lenkutkai ra a kum tene ititula ma det ra awu sur a kum tene ititula, a kum musano ma a wardain. Uni mot rop mot ara mukut un o Karisito Iesu.

Pilipai 4:11

Ka watungi lenri, uni a sibo, awu. Uni a sa ulason pas iau, sur an gas una kum sau ra an etoromi.

Pilipai 4:6

Gong mot nuknuk doko sur tu utna. Una kum utna rop, mot in wararing nama niaring na watung wakak torom o God. Ma mot in inanosi una numot a kum nemnem.

Kolosi 3:11

Ra lenra, dat rop dat elar mukut: a taro Juda, a taro Grik, det ra di sa tok talilis tar det ma det ra ka di tok talilis det, ma a taro tagun osi na ngas na kabotaro, a kum tene ititula ma det kai ra ka det tene ititula. O Karisito ut i labo sakit, ma i kis un dat rop.

Ibru 13:5

Mot in tamtamabat mot sur mot in langolango gusun a nemnem sur a mani. Mot in gas kut nama sau ra kura tamot. Uni o God i sa watung tari lena, “Kan madek ru ui, ma kan nan gusun ui.” Lo 31:6

1 Pita 5:7

Mot in pitar rop tar anumot a kum mamaut torom o God, uni i ser tamtamabat mot.