1 Korin 6:2 - Nupela Testamen long tokples Kandas

² Pepetlai, ka mot tasmani lena a taro anun o God det in warkurai a rakrakon bual? Ra mot in warkurai a rakrakon bual, ilai ra ka mot pet lar pasi sur mot in ukodos a kum natnat na mamaut?

1 Korin 6:2 ပူးပေါင်းရင်းမြစ်များ

Matiu 19:28

O Iesu i watungi tandet lena, “A Nutun a Musano in kis na king una nun a kiskis na minamar ra din umatok a kum utna rop. A inanos mot nama lingmulus, una du bung ra, mot ra mot sa mur iau, mot in kis una noino ma aru kiskis na king, ma mot in warkurai sur a noino ma aru kabotaro Israel.

Luk 22:30

sur mot in nangon ma mot in inum una nung a kabulu una nung a matanitu. Ma mot in kis una kum kiskis na king, ra mot in warkurai sur a noino ma aru kabotaro Israel.”

A Pas anun o Pol torom a taro Rom 6:16

Pepetlai, ka mot tasmani lena, ra mot pitar tar mot torom taio sur mot in longoro i, mot a kum tene ititula anunu? Ra mot a kum tene ititula anun a sakino petutna, in pitar a minat torom mot. Ikut, ra mot a kum tene ititula anun o God ma mot ser longoro i, mot tokodos umatano.

1 Korin 1:20

Asau dat in watungi un tu tene mananos? Asau dat in watungi un tu tene mananos una kum Warkurai anun o Moses? Asau dat in watungi un tu tene mananos ra in balu rop pas a kum iting? O God i ese i lena, a mananos tagun a rakrakon bual i a longlong na mananos kut.

1 Korin 1:21

Uni, una mananos anun o God, i pami sur a taro una rakrakon bual ka det in pet lari sur det in tasman o God una mananos anundeti ut. A wasiso ra met warawai nami, a taro det nuki lena a longlong na wasiso, ikut, una wasiso ra, o God i gas sur in ulaun det ra det nurnur.

1 Korin 6:4

Ra anumot lako kum mamaut tagun a nilaun uniri, sur asau ra mot losi torom det ra a taro na lotu ka det ru pas det, sur det in warkurai i?

2 Korin 4:18

Ka met nuk a kum utna ra di tama i, met nuki kut a kum utna ra ka di tama i. Uni a kum utna ra di tama i, ka det in kis suano i, ikut a kum utna ra ka di tama i, det in kis tukum.

1 Tesalonaika 3:13

Ma metul wararing kai sur in udekdek mot sur mot in tokodos, ma katu etakun in los mot, ra mot in tur umatan o God a Tamandat, una bung ra anundat a Labino o Iesu in nanpat, tomo nam anun a tokodos na taro rop.

Tamtama 20:4

A tama a kum kiskis na king ma det ra det kis netes un det, ra di sa pitar tar a warkurai tandet sur det in warkurai. Ra a tama a nion a kum taro ra di sa tok kutus a kum kabarandet, kibino una nundet a wasiso talapor un o Iesu ma una wasiso anun o God. Ka det lotu torom a kuabor na wewegua o a malalarino, ma ka di ubek a ukinalong anun a kuabor na wewegua una kum masarindet o una kum lamandet. Det laun melet ma det warkurai tomo nam o Karisito ara arip na kilalo.

Tamtama 3:21

Osi ra i winim pas a inaim, an mulaot pasi sur mir in kis tomo una nung a kiskis na king, elar nam iau a winim pas a inaim, ma a kis tomo nam o Tita una nun a kiskis na king.