1 Korin 5:10 - Nupela Testamen long tokples Kandas

¹⁰ Awu sur a kukuraino lena, gong mot lason tomo nama taro tagun a rakrakon bual, ra det ser pam a kum pamuk na petutna, o a kum matano muk, o det ra det ras pas a ututna ra awu sur anundet, o det ra det ser lotu torom a kum torotoro na god, awu. Ra mot nem na wan gusun det, mot in nan taginin una rakrakon bual.

1 Korin 5:10 ပူးပေါင်းရင်းမြစ်များ

Luk 18:11

A Parisi i tur ma i wararing suri ut lenri, ‘God, a watung wakak torom ui, uni ka elar nam ara taro kai, a kum tene wolong, det ra ka det tokodos, ma det ra det pam a sakino nam tu ino anun taio o nam tu musano anun taio, ma ka elar kai nama tene los takis iri i.

A Wakak na Wasiso un o Iesu Karisito o Jon i tumusi 15:19

Ra mot anun a rakrakon bual, a rakrakon bual in nem mot elar nam mot anunu. Ikut mot awu sur anun a rakrakon bual, a sa pilok pas mot gusuni. Iri a kibino ra i nget mot.

A Wakak na Wasiso un o Iesu Karisito o Jon i tumusi 17:6

“Det ra u sa pilok pas det gusun a rakrakon bual, ma u pitar tar det tang, a sa watung puaso tar ui tandet. Det anumi, ra u pitar tar det tang, ma det sa mur anum a kum wasiso.

A Wakak na Wasiso un o Iesu Karisito o Jon i tumusi 17:9

“A wararing sur det. Awu sur a wararing sur a taro tagun a rakrakon bual, ikut a wararing sur det ra u pitar tar det tang, uni det anum.

A Wakak na Wasiso un o Iesu Karisito o Jon i tumusi 8:23

O Iesu i balu det lena, “Mot taginin ut mot upiso, ma iau, a wan ut tagisapat netes. Mot tagun a rakrakon bual, iau awu sur tagun a rakrakon bual.

1 Korin 1:20

Asau dat in watungi un tu tene mananos? Asau dat in watungi un tu tene mananos una kum Warkurai anun o Moses? Asau dat in watungi un tu tene mananos ra in balu rop pas a kum iting? O God i ese i lena, a mananos tagun a rakrakon bual i a longlong na mananos kut.

1 Korin 10:27

Ra taio tagun det ra ka det nurnur i saring mot, sur mot in nangon tomo nami, ma mot nemi ut, mot in nan kut. Ma a kum utna rop ra di tabor mot nami, mot in nani kut, ma gong mot iting uni, sur gong a nuknuki mot in takun mot.

1 Korin 5:11

Ikut a tumtumus torom mot, sur gong mot lason tomo nam det ra det watungi lena det a kum tistisin dat una nurnur, ikut det ser pam a kum sakino petutna lenri: Det ser pam a kum pamuk na petutna, det a kum matano muk, det ser lotu torom a kum torotoro na god, det ser mang laulau a taro, det a kum tene ininum ma det ra det ras pas a ututna ra awu sur anundet. Ma gong kai mot wangon tomo nama ngas na taro lenra.

1 Korin 5:9

Una ara pas munung ra a sa tumus tari torom mot, a sa inanos tar mot lena, gong mot lason tomo nama taro ra det pam a kum pamuk na petutna.

2 Korin 4:4

O Satan, a god taginin una rakrakon bual, i sa upulu pas a nuknukin a taro ra ka det nurnur, sur ka det in tama a talapor ina Wakak na Wasiso ra i upuaso a minamar anun o Karisito, i ra a malalarin o God.

Epeses 2:2

Mot mur a kum petutna tagun a rakrakon bual, ma mot mur o Satan, a mugumugu anun a matanitu tagun a maino, ra uniri a niono i papam un det ra det pitarngat.

Pilipai 2:15

sur mot in langolango gusun a kum etakun ma mot in tokodos, a kum nutnutun o God, ma katu niraro un mot, epotor tan a taro ra ka det tokodos ma a magirandet i laulau sakit. Ra mot etabor nama wasiso na nilaun, mot in talapor epotor tandet elar nama kum nangnang ra det talapor una rakrakon bual. Ra mot in pami lenra, an warango mot una bung anun o Karisito, uni in talapor lena, ka kalabor oros kut, ma anung a pinapam ke utna oros kut.

1 Jon 4:5

A kum torotoro na poropet det tagun a rakrakon bual, ma a wasiso anundet tagun a rakrakon bual, ma a taro tagun a rakrakon bual det longoro det.

1 Jon 4:7

A kum wakak na paspasang, dat in nem etetalai dat, uni a marmaris i wan tagisapat tan o God. Det rop ra det tastasman a marmaris, det a kum nutnutun o God, ma det tasman o God.

1 Jon 5:19

Dat sa tasmani lena, dat a kum nutnutun o God, ma a rakrakon bual rop i kis utuntudu ina warkurai anun o Satan.

Tamtama 12:9

Di woro pirso ru in labino sui, in nusui tagun narap, ra di watungi a tene etakun, o Satan, i ra i ben raro a rakrakon bual rop. Di woro pirso ru i tomo nam anun a kum ensel urin upiso.