1 Korin 4:5 - Nupela Testamen long tokples Kandas

⁵ I mo ra gong mot warkurai taio numugu tan a bung na warkurai. Mot in kis langlang tuk ra a Labino in nanpat. Ra i ut in utalapor a kum utna ra i parau una dumirum, ra in upuaso a nuknukin a taro. Ma una bung ra, o God in watung ulabo pas a taro, elar ut nama nundet a kum pinapam taktakai.

1 Korin 4:5 ပူးပေါင်းရင်းမြစ်များ

Matiu 10:26

“Gong mot ngaran a taro. A kum utna rop ra di rakup bat tari, numur in kis talapor, ma a kum utna rop ra i kis eno, numur in nanpat puaso.

Matiu 24:30

“Una bung ra, a ukinalong ina Nutun a Musano in nanpat una bakut. Ma a taro tagun a kum gapman rop una rakrakon bual det in domos. Ma det in tama a Nutun a Musano in nanpat una kum du bakut tagisapat una langit, nama dekdek ma a labino minamar.

Matiu 24:46

A tultul ra, in dan ra anun a labino in nanpat ma in tama i ra i pam sot pas anun a pinapam.

Matiu 25:21

Anun a labino i balu i lena, ‘Wakak sakit, ui a wakak na tultul, u lingmulus una num a pinapam. An ubek tar ui sur un tamtamabat lako susut na utna, uni u lingmulus una kum nat na utna ri. Ra uniri dar in nan ma dar in gas tomo.’

Matiu 25:23

Anun a labino i balu i lena, ‘Wakak sakit, ui a wakak na tultul, u lingmulus una num a pinapam. An ubek tar ui sur un tamtamabat lako susut na utna, uni u lingmulus una nat na utna ri. Ra uniri dar in nan ma dar in gas tomo.’

Luk 6:37

“Gong mot takun tar taio, sako o God in takun mot. Gong mot kuro tar taio sur in los a warkurai na minabalu, sako o God in kuro mot ra mot in los a warkurai na minabalu. Mot in dumano ru a kum sakino petutna ra a taro det pami un mot, ma o God in unus ru anumot a kum sakino petutna.

A Wakak na Wasiso un o Iesu Karisito o Jon i tumusi 21:22

O Iesu i balu o Pita lena, “Ra a nemi sur in laun tuk an milet, awu sur a utna anumi. Ikut ui, un mur iau.”

A Wakak na Wasiso un o Iesu Karisito o Jon i tumusi 21:23

A wasiso i wanpat epotor tan det ra det nisnisino una nurnur, lena a nat na ususer ri ken mat. Ikut o Iesu ke watungi lena ken mat, awu, i watungi kut lena, “Ra a nemi sur in laun tuk an milet, awu sur a utna anumi.”

A Wakak na Wasiso un o Iesu Karisito o Jon i tumusi 5:44

“Mot, mot nemi sur a taro det in ulabo pas mot, ikut a wasiso na ululabo anun o God, i ra ara God sot kut, ka mot tiktikin wakak suri. I mo ra ka mot nurnur un iau.

A Pas anun o Pol torom a taro Rom 14:4

Osi ui ra un warkurai a tultul anun taio gisen? Anun a Labino ut in tama i, ra in tur dekdek o in puku. Ikut in tur dekdek ut, uni a Labino in pet lar pasi sur in udekdeki.

A Pas anun o Pol torom a taro Rom 2:1

I mo ra, mot ra mot ser takun a taro gisen lena, ka det tokodos, ka mot in ipul lar pas. Anumot a etakun in takun melet mot ut. Uni mot takun a taro gisen, ikut mot kai, mot pami kut a sakino petutna ra.

A Pas anun o Pol torom a taro Rom 2:16

Una bung na warkurai, o God in pitar tar a warkurai torom o Iesu Karisito, sur in warkurai det, una kum utna i kis eno una nuknukin det. Ra a ser warawai nama Wakak na Wasiso, a ser warawai una kum utna ri.

A Pas anun o Pol torom a taro Rom 2:29

Ikut, ra taio in mur o God namin balano, i ra a te Juda mulus. A tinotok talilis mulus, awu sur a ngasino ra a taro det mur a kum Warkurai ra di sa tumus tari, awu. A tinotok talilis mulus, a Tokodos na Nion ut i pami unin balano. A ngas na musano ra, awu sur a taro det in watung ulabo pasi, o God ut in watung ulabo pasi.

A Pas anun o Pol torom a taro Rom 2:7

Det ra det dekdek una wakak na pinapam sur o God in pitar a minamar torom det, ma in ulabo pas a risandet, ma det nem a nilaun ra ken rop, o God in pitar a nilaun tukum tandet.

1 Korin 1:7

I mo ra ka mot in sibo sur tu etabor anun a Tokodos na Nion torom mot, ra mot ser kis langlang nama gasgas sur anundat a Labino o Iesu Karisito ra in nanpat puaso.

1 Korin 11:16

Ra taio in pukus a wasiso ri, anung a minabalu i lenri: Ka met mur tu ngasino gisen, ma a taro rop anun o God una kum tamon kai awu.

1 Korin 11:26

Uni, una kum bung ra mot wan a beret ri, ma mot inum tagun a kap ri, mot wasiso talapor ut una minat anun a Labino, tuk ra in milet.

1 Korin 15:23

Ikut a inawan ina katkatutur melet i lenri: O Karisito a mugano musano ra i katutur melet gusun a minat, ma numur ra in nanpat melet, det ra anunu, det kai det in katutur melet gusun a minat.

1 Korin 3:13

din upuaso anun a ngas na pinapam una bung na warkurai. Din upuaso i nama sungun, ma a sungun ra in lar a ngas na pinapam anun arara taktakai.

1 Korin 3:14

Ra a pinapam anun taio in winim pas a sungun, in los pasi ut anun a ikul uni.

1 Korin 3:8

O naro ra i marmarut ma o naro ra i pukpuki, a nuknukin der i takai kut. Ma der in los anunder a ikul elar ut nama nunder arara pinapam.

2 Korin 10:18

Uni osi ra i watung ulabo pasi ut, o naro ra awu sur i labo umatan a Labino, ikut osi ra a Labino i watung ulabo pasi, i ra i labo.

2 Korin 10:9

Ka nemi sur an ungara mot nam anung a kum pas.

2 Korin 4:2

Met sa mana gusun a kum sakino petutna ra di ser pam eno i, ma di ser maimai nami. Ka met papam nama torotoro, ma ka met palos raro a wasiso anun o God, awu. Met palos talapor a lingmulus na wasiso torom a taro, sur det in tasman lele i ut una nuknukin det lena, met watung a lingmulusino umatan o God.

2 Korin 5:10

Uni dat rop dat in tur sa numugu tan a kiskis na warkurai anun o Karisito. Dat taktakai, dat in los a ikul una kum utna ra dat sa pam tari una nilaun nin upiso, a wakakino, o a laulau ino.

1 Tesalonaika 5:2

Uni mot sa tasman wakaki lena, a bung anun a Labino in nanpat kisin, elar nama tene wolong una mirum.

Ibru 4:13

Ra katu utna ra o God i sa ukis tari i parau umatano. A kum utna rop i tur talapor umatano ma katu utna i bakit. Ma numur dat in tur umatano ma dat in watung puaso a kum utna rop ra dat sa pam tatari.

Jems 4:11

A kum tistising, gong mot mang etalai mot. Osi ra i mang tu tisino, o i kuro i, i watung laulau a Warkurai anun o God ma i kuro a Warkurai ra. Ma ra un kuro a Warkurai, awu sur u muri, u nuki kut lena ui ut u labo tauni.

Jems 5:7

A kum tistising, gong a pinimot i ngoro lakit, ra mot kis langlang sur a inawan pat melet anun a Labino. Mot tama a tene minarut, a pinino ke ngoro lakit, ra i kiskis langlang sur a bato in puk a piso, ma sur a wakak na makus tagun ana kinobot.

Jems 5:9

A kum tistising, gong mot ururai etetalai, surko o God in warkurai mot. Tama i, a Tene Warkurai i sa tur nisan a matansako.

1 Pita 1:7

A kum mamaut ri det wanpat sur in talapor lena, anumot a nurnur i lingmulus. Di lar anumot a nurnur nama kum mamaut elar nami ra di tun talapor a gol una sungun. Ikut anumot a nurnur i labo doko taun a gol ra in rop kut. Ra anumot a nurnur i tur dekdek, o Iesu Karisito in rakon lekeleke pas mot, ma in ulabo pas mot, ma in pitar a urur torom mot una bung ra in nanpat puaso.

1 Pita 5:4

Ra a Labino Tene Tamtamabat anun a kum sipsip in nanpat, mot in rakon a kukup na minamar ra a minamarino ken rop.

2 Pita 3:12

Ma mot in kis langlang sur a bung anun o God, ma mot in urarak a bung sur in nanpat lakit. Una bung ra, o God in tun ru a bakut, ma a kum utna sapat una bakut in polo tan a labino mararong ina sungun, ma in rorom.

2 Pita 3:4

ma det in watungi lena, “Awai mi a inawan pat melet anun o Iesu, ra i uliliman taru uni? Turpasi una kum kilalo ra a kum tumtubun dat tagun numugu det mat, a kum utna i kis lenutra o God i ukis tari, una turturkibin a ukukis.”

A Pas anun o Jud 1:14

Ma o Enok kai, a wonom mawit na kabotaro tagun o Adam, i sa watung tar a wasiso na poropet un det lena, “Tama i, a Labino in nanpat nam anun a ariparip na tasur na ensel,

Tamtama 1:7

Tama i, i wan pirso nama kum du bakut, ma a matan a taro rop det in tama i, ma det utkai ra det so tari nama bele. Ma a kum kamkabo taro rop una rakrakon bual det in tangis, kibino uni. In nanpat ut lenra. Amen.

Tamtama 20:12

A tama a kum minat rop, a kum lamlabino ma det ra ka di ulabo pas det, ra det tur numugu tan a kiskis na king, ra di papok a kum buk. Di papok melet ara buk, i a buk na nilaun. Ma di warkurai a kum minat, elar nama nundet a kum pinapam, ra di sa tumus ukai tari una kum buk.