1 Korin 4:19 - Nupela Testamen long tokples Kandas

¹⁹ Ikut, milau mo an milet melet torom mot, ra ut ra a Labino i nemi. Ra an nanpat, kan mananos kut una wasiso anun a taro ra det dat walos a lorindet, awu. An mananos utkai una dekdek ra det papam nami.

1 Korin 4:19 ပူးပေါင်းရင်းမြစ်များ

Aposel 18:21

Ra det wan susuaro, i watungi tandet lena, “Ra a nemnem anun o God, an milet melet torom mot.” Ra i kas una sip ma i wan gusun a tamon Epeses.

Aposel 19:21

Ra a kum utna ri i sa rop, o Pol i nuki lena in nan potor una ru papor Masedonia ma o Akaia sur in nan usapat o Jerusalem. Ma i watungi lena, “Ra a sa wan pas sapat o Jerusalem, an nan bulung utong o Rom.”

Aposel 20:2

I wan papas una kum tamon ra, ma i uragot tar det nama susut na wakak na wasiso. Numur i wan utong o Grik.

A Pas anun o Pol torom a taro Rom 15:32

Ra o God i nemi lenra, an nanpat torom mot nama gasgas, ma an mana tomo nam mot sur an los melet pas a dekdek.

1 Korin 11:34

Ra lako taro tagun mot det murak, i wakak ra det in nangon mugu pas ut una nundet a kum rumu, sur gong a warkurai na minabalu anun o God in los mot, ra mot wan tomo. Ra an nanpat, an pitar melet lako kum wasiso na warkurai torom mot.

1 Korin 14:5

A nemi sur mot rop mot in wasiso nama wur ngas na wasiso, ikut a nem doko i sur mot in wasiso na poropet. O naro ra i wasiso na poropet i wakak doko taun o naro ra i wasiso nama wur ngas na wasiso. Ikut ra taio in palos a kukurai ina wur ngas na wasiso sur in udekdek a taro na lotu, in wakak ut.

1 Korin 16:5

An nan utong una kum tamon una papor Masedonia. Ma numur an nan kai utiro torom mot, uni an nan ut utong o Masedonia.

1 Korin 16:7

Ka nemi sur an nan torom mot uniri, ra an tur pas kut nisamot una nung a inawan. Ra a Labino in mulaot iau, a nemi sur an kis suano pasi ut nisamot.

1 Korin 2:6

Ikut, met wasiso na mananos ut epotor tan a taro ra det tur dekdek una nurnur. A mananos ri, awu sur taginin una rakrakon bual, ma awu sur tan a kum mugumugu taginin upiso, ra anundet a warkurai in rop kut.

1 Korin 4:18

Ara taro tagun mot det dat walos a lorindet, uni det nuki lena kan milet melet mo torom mot.

1 Korin 4:6

A kum tistising, a sa watung tar a kum wasiso ri un mir nam o Apolos, sur in warut mot ma in ususer mot, sur mot in talapor una kukurai ina wasiso ri: “Mot in muri kut a wasiso na Buk Tabu, ma gong mot ubek tar tu du wasiso kai.” Ra mot in muri lenra, katutaio tagun mot in ulabo pas ara, ma in unatino pas ara kai.

2 Korin 1:23

O God ut i tasman iau lena a watung a lingmulus. Ka wan melet torom mot tiro o Korin, uni ka nemi sur a nuknuki mot in maut un lako kum dekdek na wasiso ra an watungi torom mot.

2 Korin 10:9

Ka nemi sur an ungara mot nam anung a kum pas.

Ibru 6:3

Ra o God in mulaot, dat in nan usa numugu.

Jems 4:15

Ikut, i wakak sur mot in watungi lenri, “Ra a Labino i nemi, met in laun ma met in pami lenri o lenra.”