1 Korin 4:14 - Nupela Testamen long tokples Kandas

¹⁴ Ka tumus a kum wasiso ri sur an ban umaimai mot nami. A tumusi sur an ukodos mot, uni mot elar nama kum nutnutung ra a nem doko mot.

1 Korin 4:14 ပူးပေါင်းရင်းမြစ်များ

Aposel 20:31

Mot in tumarong! Mot in nuk pasi lena, a tulu kilalo ka mana gusun mot rop nama wasiso na utumarong, una kum mirum ma a waspi, ma a lurlur na matang i puku uni.

1 Korin 15:34

Mot in tuangun, mot in mur a tokodos na petutna, ma mot in mana gusun a kum sakino petutna. Uni ara taro tagun mot ka det tasman o God. A watungi lenri sur mot in maimai.

1 Korin 4:15

Kutiro ra anumot tu noino arip na tene tamtamabat, ra det tamtamabat anumot a nilaun un o Karisito, ikut kalako susut na tamtama mot. Un o Karisito Iesu, iau a tamamot, uni a los a Wakak na Wasiso torom mot.

1 Korin 4:17

Iri a kibino ra a tulu ru o Timoti torom mot. I a nutung ra a nem doko i, ma i ser lingmulus una pinapam anun a Labino. In unuk tar mot melet una nung a kum petutna, ra i kibino pas tagun anung a kinkinis tomo nam o Karisito Iesu. Anung a petutna i elar nam anung a etowo torom a taro na lotu una kum tamon rop.

1 Korin 6:5

A watungi lenri torom mot sur mot in maimai uni. Pepetlai, kataio tagun mot i mananos sur in pam a warkurai una kum mamaut epotor tan a kum tene nurnur?

1 Korin 9:15

Ikut, iau ut ka los pas tu utna tagun a kum utna ri, ma ka tumtumus sur an los tu utna, awu. A gas doko ra a warawai torom mot ma ka los tu ikul uni. A minat a utna oros kut torom iau, ikut anung a gasgas ri i labo doko torom iau, ma ka nemi sur taio in rakon ru i gusun iau.

2 Korin 11:11

Pepetlai, ra ka saring mani gusun mot, i upuaso i lena, ka nem mot? Awu. O God i tasmani lena, a nem doko mot!

2 Korin 12:19

Pepetlai, mot nuki lena met wasiso bat met kut gusun mot? Awu. Met wasiso nama lingmulus umatan o God elar nama kum tultul anun o Karisito. A kum wakak na paspasa met, a kum utna rop ra met pami, met pami sur in warut mot.

2 Korin 7:3

Ka watung a wasiso ri sur an takun mot uni, awu. Numugu a sa inanos tar mot lena, met nem doko mot. Mot sa kis una nuknuki met, sur dat in laun tomo ma dat in mat tomo.

Kolosi 1:28

Met warawai un o Karisito torom a taro rop. Met utumarong det, ma met ususer det nama mananos rop, sur met in ben pas det rop torom o God, ma det in tokodos sakit, uni det tagun o Karisito.

1 Tesalonaika 2:11

Mot tasmani lena anumetul a petutna torom mot rop taktakai, i elar nama petutna ra ara musano i pami torom a kum nutnutunu.

1 Tesalonaika 5:14

A kum tistisi metul, metul saring mot sur mot in tumarong a kum tubunu wok na taro, mot in uragot det ra det ser ngara, mot in warut det ra ka det dekdek una nurnur, ma mot in ese a wowowon na petutna torom a taro rop.

2 Tesalonaika 3:14

Ra taio ke mur anumetul a wasiso una pas ri, mot in nuk ukai i. Gong mot lason tomo nami, sur in maimai una magirano.

Pilimon 1:10

a saring pas anum a nimulaot un o Onesimus, a nutunglik una nurnur. I wanpat torom iau ra a kis una karabus, ma i nukpukus. Ra uniri, i elar nama nutunglik mulus ut una nurnur.

1 Jon 2:1

A kum nutnutung liklik, a tumus a kum utna ri torom mot sur gong mot pam a sakino. Ikut ra taio in pam a sakino, anundat a tene warut, o Iesu Karisito a Tene Tokodos, in wasiso anun o naro ra, torom o Tamano.

3 Jon 1:4

Ra a longoro i lena a kum nutnutung, anundet a nilaun i mur a lingmulusino, a gas doko, ma katu utna melet mo ra in ulabo anung a gasgas.