1 Korin 4:11 - Nupela Testamen long tokples Kandas

¹¹ Tuk uniri met murak, ma met muruk, met pipis a kum tartararos na malu, di um laulau met, ma katu rumu anumet.

1 Korin 4:11 ပူးပေါင်းရင်းမြစ်များ

Matiu 8:20

Ra o Iesu i watungi tano lena, “A kum lomlom na pap anundet a kum tung ut, ma a kum piko kai anundet a kum pios ut, ikut a Nutun a Musano katu rumu na ininep.”

Aposel 14:19

Numur a ramano kum te Juda det wanpat tagitong o Antiok ma o Aikoniam, ra det dat pukus pas a nuknukin a susut na taro gusun o Pol der nam o Banabas. Det duku o Pol nama watat, ma det dat pirso ru i gusun a tamon, ra det nuki lena i sa mat.

Aposel 16:23

Ra di sa miras dekdek tar der, di uruk tar der una karabus, ma di inanos tar a tene tamtamabat sur in tamtama dekdek taru un der.

Aposel 23:2

Uniutra o Ananias a mugumugu na tene etabor torom o God, i tulu det ra det tur milau o Pol sur det in pasor a wano.

A Pas anun o Pol torom a taro Rom 8:35

Osi in ukis susuaro dat gusun a marmaris anun o Karisito? Pepetlai, a kum mamaut in ukis susuaro dat? A kum ngunungut? O ra din ukadik dat? O a munurak? O kalako malu indat? O tu utna na iniru? O ra din um doko dat namin totok na inaim?

1 Korin 9:4

Ra mir nam o Banabas mir papam epotor tamot, i tokodos ut sur mot in tabor mir sur mir in nangon ma mir in inum.

2 Korin 11:20

I lingmulus, mot gas pas det, ra det ukarabus mot ma det ban laulau mot, ma det urop ru anumot a kum utna ma det ulabo pas det umatamot, ma det pasor a kum masmasari mot.

2 Korin 4:8

Met barato a kum mamaut una kum papori met rop, ikut ke ban laulau ru met. A susut na utna i utalara a nuknuki met, ikut ka met mana.

Pilipai 4:12

A sa tasman a kinkinis na sibo, ma a sa tasmani utkai a kinkinis nama susut na utna. A sa lason sur an gasgas una a kum ngas na kinkinis ra an etoromi: ra an masur, o an murak, ra a utna in susut tang, o an sibo.

2 Timoti 3:11

anung a kum mamaut, ma a kum ngunungut ra a taramo i. U tasman rop a kum lamlabino ngunungut ra a taramo i tong una tulu tamon ri: o Antiok, Aikoniam ma o Listra. Ikut a Labino ut i ulaun pas iau gusun a kum utna ri.