1 Korin 3:23 - Nupela Testamen long tokples Kandas

²³ Ma mot anun o Karisito, ma o Karisito anun o God.

1 Korin 3:23 ပူးပေါင်းရင်းမြစ်များ

Matiu 17:5

Ra i wasiso utmakai, a du bakut ra i talapor doko i pulus bat pas det. Ma in nalngan ara tagisapat una du bakut ra, i watungi lena, “Iri a Nutunglik, a nat na wakak, a gas doko nami. Mot in longoro i.”

A Wakak na Wasiso un o Iesu Karisito o Jon i tumusi 17:18

U tulu ru iau urin una rakrakon bual, lenkutkai ra iau, a tulu ru det una rakrakon bual.

A Wakak na Wasiso un o Iesu Karisito o Jon i tumusi 17:21

Tita, a wararing lena det rop ra det nurnur un iau, det in takai kut, elar nam ui kuri un iau ma iau kura un ui. A nemi sur det in laun un dar, sur a taro una rakrakon bual det in nurnur lena ui u tulu ru iau urin.

A Pas anun o Pol torom a taro Rom 14:8

Ra dat laun, dat laun sur a Labino. Ma ra dat mat, dat mat sur a Labino. I lenra, ra dat laun, ma ra dat mat, dat anun a Labino ut.

1 Korin 11:3

Ikut, a nemi sur mot in tasmani lena, o Karisito in lorin a kum musano rop, ma a musano in lorin a ino, ma o God in lorin o Karisito.

1 Korin 15:23

Ikut a inawan ina katkatutur melet i lenri: O Karisito a mugano musano ra i katutur melet gusun a minat, ma numur ra in nanpat melet, det ra anunu, det kai det in katutur melet gusun a minat.

1 Korin 15:28

Ra a kum utna rop i sa kis utuntudu in o Karisito a Nutun o God, o Karisito kai in ubek tari ut utuntudu in o God a Tamano, i ra i ubek tar a kum utna rop utuntudu in o Karisito. O Karisito in pami lenra sur o God in mugumugu una kum utna rop.

1 Korin 7:22

Uni i ra a tene ititula ra a Labino i sa kabo pasi, i a langolango na musano mo anun a Labino. Lenkutkai ra, i ra awu sur a tene ititula ra a Labino i sa kabo pasi, i a tene ititula mo anun o Karisito.

1 Korin 8:6

Ikut, dat tasmani lena ara God kut, a Tamandat, i ra a kibin a kum utna rop, ma i ra dat laun suri. Ma dat tasmani lena ara Labino kut, i o Iesu Karisito, i ra i ukis a kum utna rop, ma i pitar tar a nilaun torom dat.

2 Korin 10:7

Mot in tama wakak a kum utna! Ra taio i nuki lena, i anun o Karisito, i wakak sur in nuknuk wakak ma in tama lele i lena, met kai anun o Karisito.

Galesia 3:29

Ra mot anun o Karisito, mot a kum nutnutun o Abaram, ma mot in rakon asau ra o God i liliman taru nami toromi.

Galesia 5:24

A taro anun o Karisito Iesu, det sak wat a sakino nemnem ina pinindet unin nanai kutus anun o Karisito.

Epeses 1:10

Anun a nemnem i lenri: In dat tomo a kum utna rop sapat netes una langit ma nin upiso, sur det rop det in kis utuntudu ina warkurai anun o Karisito. Ra a bung in sot in pam sot pasi ut.