1 Korin 3:18 - Nupela Testamen long tokples Kandas

¹⁸ Gong mot toro mot ut melet. Ra taio tagun mot i nuki lena i mananos nama ngas na mananos taginin una rakrakon bual, i wakak sur in longlong umatan a taro, sur in mananos mulus umatan o God.

1 Korin 3:18 ပူးပေါင်းရင်းမြစ်များ

Matiu 13:22

A kum pitino ra det puku epotor una kum kuikui, i elar nam ara musano ra i longoro a wasiso, ikut a labino nuknuk sur a wakak na kinkinis nin upiso, ma a kum usobor tagun a kum ululeng taginin una rakrakon bual, i rau bat a wasiso anun o God, ra ke wu lako wino.

Matiu 18:4

I mo ra osi ra i unatino pasi, elar nama natlik ri, i ut ra i labo sakit una matanitu tagisapat una langit.

A Wakak na Wasiso un o Iesu Karisito o Mak i tumusi 10:15

A inanos mot nama lingmulus, osi ra ken ruk una matanitu anun o God elar nama natlik, ken ruk lar pas.”

Luk 18:17

A inanos mot nama lingmulus, osi ra ken ruk una matanitu anun o God elar nama natlik, ken ruk lar pas.”

Luk 21:8

I balu det lena, “Mot in tumarong, sako din toro pas mot. Uni a susut det in nanpat nama risang, ma det in warango det lena, ‘Iau a Karisito,’ ma lena, ‘A du bung i sa milau.’ Gong mot mur det.

A Pas anun o Pol torom a taro Rom 11:25

A kum tistising, a nemi sur mot in mananos una utna ra numugu i kis eno, sur gong mot ulabo pas mot. I lenri: Ara taro Israel, in dekdek a balandet, tuk ra a niluluk ina taro gisen ra det nurnur in elar nama nuknukin o God.

A Pas anun o Pol torom a taro Rom 12:16

Mot in tur tomo nama wakak na petutna etetalai torom mot. Gong mot nuk ulabo pas mot, mot in gas sur mot in kis tomo nama taro ra ka di ulabo pas a risandet. Ma gong mot nuki lena mot mananos doko.

1 Korin 15:33

Gong di ben raro mot, uni “A kinkinis tomo nama sakino taro, in ban laulau a wakak na petutna.”

1 Korin 3:17

Ra taio in ban laulau a rumu anun o God, o God in ban laulau a musano ra. Uni a rumu anun o God katu dur uni, ma mot ut a rumu ra.

1 Korin 4:10

A taro det nuki lena met a kum longlong uni met ser mur o Karisito. Ikut mot, mot nuki lena mot sa mananos rop una numot a nilaun un o Karisito. Met, ka met dekdek, ikut mot, mot nuki lena mot dekdek. Mot, di ulabo pas mot, ikut met, di tama pisopiso met.

1 Korin 6:9

Pepetlai, ka mot tasmani lena det ra det pam a sakino ka det in rakon a matanitu anun o God? Gong mot toro mot ut. Uni det ra det pam a kum pamuk na petutna, ma det ra det lotu torom a kum torotoro na god, ma det ra ka det ru a kinkinis na nolin, ma det ra a kum pamuk na musano ra det siuru a pinpinin det, ma a kum musano ra det nolin melet nama kum musano,

Galesia 6:3

Ra taio i nuki lena i labo, ikut ra ke labo, i ut i toro melet pasi.

Galesia 6:7

Gong taio i toro pasi ut, uni katutaio in toro lar pas o God. A musano in pasong pasi ut asau ra i sa marut tari.

Epeses 5:6

Gong mot madek tar taio sur in toro pas mot nam tu wasiso oros kut. Uni a kum petutna ra, in dat pas a kankan anun o God torom det ra det pitarngat.

2 Timoti 3:13

A sakino taro ma a kum tene torotoro det in laulau, ma det in laulau sakit. Det in toro a taro, ma det in toro pas det utkai.

Taitus 3:3

Uni dat kai numugu, ka dat mananos, dat a kum tene pitarngat, dat wan raro, dat karabus una nundat a kum laulau na nemnem, ma a wur ngas na utna rop ra dat gas suri. Una nundat a kinkinis na nilaun dat pam a kum sakino, ma dat nuknuk laulau sur a utna anun taio, ma dat nget etetalai dat.

Jems 1:22

Mot in mur a wasiso anun o God, ra gong mot longoro oros tari kut, sako mot in toro pas mot melet ut.

Jems 1:26

Ra taio in nuki lena, i sa lingmulus na tene lotu, ikut, ra ke tumarong in karmene, i toro pasi ut, ma anun a lotu in utna oros kut.

1 Jon 1:8

Ra dat watungi lena, ka dat pam tar tu sakino petutna, dat toro melet pas dat ut, ma a lingmulusino ke kis un dat.