1 Korin 3:13 - Nupela Testamen long tokples Kandas

¹³ din upuaso anun a ngas na pinapam una bung na warkurai. Din upuaso i nama sungun, ma a sungun ra in lar a ngas na pinapam anun arara taktakai.

1 Korin 3:13 ပူးပေါင်းရင်းမြစ်များ

Matiu 10:15

A inanos mot nama lingmulus, una bung na warkurai, a warkurai torom a tamon ra, in laulau doko taun a warkurai torom a taro Sodom ma o Gomora.

Matiu 16:27

Uni a Nutun a Musano in nanpat nama minamar anun o Tamano, det nam anun a kum ensel, ma in pitar a ikul torom arara taktakai elar nam anun a pinapam.

Luk 2:35

Ra det in rosumur gusuni, in upuaso a kum nuknuk tagun a balandet. Ma ui, a tupunuk ra un taramo i in elar namin totok na inaim ra in so anum a nilaun.”

A Pas anun o Pol torom a taro Rom 2:16

Una bung na warkurai, o God in pitar tar a warkurai torom o Iesu Karisito, sur in warkurai det, una kum utna i kis eno una nuknukin det. Ra a ser warawai nama Wakak na Wasiso, a ser warawai una kum utna ri.

A Pas anun o Pol torom a taro Rom 2:5

Ikut, a balamot i dekdek ma ka mot nukpukus, ra mot ubek tomo anun a kankan netes un mot, sur a bung na kankan anun o God, ra anun a tokodos na warkurai in nanpat talapor.

1 Korin 1:8

I ut in udekdek mot tuk una ururop na bung, sur katu utna ra din takun mot nami una bung anun anundat a Labino o Iesu Karisito.

1 Korin 3:12

Ra taio in papam netes una kibin a rumu ri nama gol, o a silwa, o a kum watat ra a matandet i ka, o a duwai, o a re, o a kum luluano wit

1 Korin 4:5

I mo ra gong mot warkurai taio numugu tan a bung na warkurai. Mot in kis langlang tuk ra a Labino in nanpat. Ra i ut in utalapor a kum utna ra i parau una dumirum, ra in upuaso a nuknukin a taro. Ma una bung ra, o God in watung ulabo pas a taro, elar ut nama nundet a kum pinapam taktakai.

2 Timoti 1:12

Iri a kibino ra a taramo a ngunungut lenri. Ikut, ka maimai, uni a tasman o naro ra a nurnur uni, ma a tasman mulusi lena, in pet lar pasi sur in tamtamabat a pinapam, ra i sa pitar tari tang, tuk una bung na warkurai.

2 Timoti 1:18

A wararing sur a Labino in maris o Onesiporus una bung na warkurai. U sa tasman wakak a kum pinapam na warut ra i sa pam tari torom iau tiro o Epeses.

2 Timoti 3:9

Ikut anundet a pinapam ken lubung, uni anundet a tuptup na petutna in talapor umatan a taro rop, elar nami ra a taro numugu, det tama lele pas a tuptup na petutna anun o Janes ma o Jambres.

2 Timoti 4:8

O God i sa ubek tar anung a ikul, uni anung a nilaun i tokodos umatano. A Labino, a tokodos na Tene Warkurai in pitari tang una bung na warkurai. Ma awu sur torom iau kut, in pitari kai torom det rop ra det kis langlang nama labino nemnem sur anun a inawan pat melet.

Ibru 10:25

Gong dat mana gusun anundat a kum kinkinis tomo una lotu, elar nama ramano taro det ser pami. Dat in uragot etalai dat, ma dat in dekdek uni, uni mot tama i lena a bung na inawan pat anun a Labino i sa milau.

1 Pita 1:7

A kum mamaut ri det wanpat sur in talapor lena, anumot a nurnur i lingmulus. Di lar anumot a nurnur nama kum mamaut elar nami ra di tun talapor a gol una sungun. Ikut anumot a nurnur i labo doko taun a gol ra in rop kut. Ra anumot a nurnur i tur dekdek, o Iesu Karisito in rakon lekeleke pas mot, ma in ulabo pas mot, ma in pitar a urur torom mot una bung ra in nanpat puaso.

1 Pita 4:12

A kum wakak na paspasang, gong mot kisin ra di lar mot nama kum dekdek na maut, elar nama sungun i tun mot, ma gong mot nuki lena tu matok na utna i wanpat torom mot.

2 Pita 3:10

Ikut a bung anun a Labino in nanpat kisin elar nama tene wolong. A bakut in rorom nama labino rurung, ma a kum ukukis kusapat uni, det in laulau rop tan a labino sungun, ma a rakrakon bual ma a kum utna rop ra det kis uni, det in rorom rop.

2 Pita 3:7

O God i pam ukai a bakut ma a rakrakon bual nama wasiso ra, a bakut ma a rakrakon bual ri dat tama der. I pam ukai der sur der in kis langlang sur a bung na warkurai, ra a sungun in ban laulau der, tomo nama taro ra ka det mur a petutna ra i wakak umatan o God.

Tamtama 20:12

A tama a kum minat rop, a kum lamlabino ma det ra ka di ulabo pas det, ra det tur numugu tan a kiskis na king, ra di papok a kum buk. Di papok melet ara buk, i a buk na nilaun. Ma di warkurai a kum minat, elar nama nundet a kum pinapam, ra di sa tumus ukai tari una kum buk.