1 Korin 3:10 - Nupela Testamen long tokples Kandas

¹⁰ Kibino una marmaris anun o God ra i sa pitar tari tang, a papam elar nama tene pam rumu ra i mananos. A sa utur tar a kibin a rumu, ra ara taro bulung det papam netes uni. Det rop taktakai ra det papam netes uni, det in tumarong det una si na ngas na pinapam ra det in pami.

1 Korin 3:10 ပူးပေါင်းရင်းမြစ်များ

Matiu 24:45

“A tultul ra i lingmulus una nun a pinapam ma i mananos kai, anun a labino in ukis tari sur in mugumugu anun a kum tultul una nun a rumu, sur in ser tabor det nama andet a utna na inangon una kum du bung na inangon.

Matiu 7:24

“I mo ra det rop ra det longoro anung a kum wasiso ri, ma det muri, det elar nama tene mananos, ra i pam tar anun a rumu netes una wat.

Luk 11:35

Un tumarong, sako a talapor ra kura un ui in dumirum.

Luk 21:8

I balu det lena, “Mot in tumarong, sako din toro pas mot. Uni a susut det in nanpat nama risang, ma det in warango det lena, ‘Iau a Karisito,’ ma lena, ‘A du bung i sa milau.’ Gong mot mur det.

Aposel 18:27

Ra o Apolos i nem na wan mo utong una papor Akaia, det ra det tar tistisino una nurnur tong o Epeses, det uragot tari, ma det tumtumus torom a taro na ususer tong o Akaia, sur det in gas pasi. Ra i wanpat tong una papor Akaia, i ara wakak na tene warut torom a kum tene nurnur. Det ra det sa nurnur, kibino una marmaris anun o God.

A Pas anun o Pol torom a taro Rom 1:5

Un o Karisito ut, o God i maris met ma i pitar a pinapam na aposel torom met, sur met in ulabo pas a risan o Karisito, ma met in warawai torom a taro rop ra awu sur a taro Juda, sur det in nurnur ma det in mur anun a wasiso.

A Pas anun o Pol torom a taro Rom 12:3

Una marmaris anun o God, a watungi torom mot rop lena: Gong mot nuk ulabo pas mot ut. Mot in nuknuk wakak un mot, elar ut nama nurnur ra o God i sa pitar tari torom mot.

A Pas anun o Pol torom a taro Rom 15:15

Ikut, a tumus a pas ri torom mot, ma a wasiso dekdek una a ramano kum utna, sur mot in nuknuk melet uni. A tumtumus torom mot, uni o God i pitar anun a marmaris torom iau,

A Pas anun o Pol torom a taro Rom 15:20

Una turturkibin ina nung a pinapam torom o Karisito tuk uniri, anung a labino nemnem sur an warawai nama Wakak na Wasiso una kum tamon ra kabaut det tasman o Karisito, sur gong a pam a rumu netes una pos ra ara ut i sa utur tari.

1 Korin 3:11

Uni o God i sa ukis tar o Iesu Karisito, i a kibin a rumu, ma ka din pam melet lar pas tu kibino gisen.

1 Korin 9:2

Sako ara taro det nuki lena awu sur iau a aposel, ikut torom mot, i lingmulus lena iau a aposel. Uni anumot a nilaun tomo nama Labino i ulingmulusi.

2 Korin 10:15

Ma ka met warango pas met kai, un tu pinapam, ra a taro gisen det sa pam tari. Ikut met nurnur lena, ra anumot a nurnur in lubung, anumet a pinapam kai epotor tamot in lubung,

Epeses 2:20

Mot a rumu anun o God, ra di uturi netes una kum aposel ma a kum poropet. Det a kibin a rumu, ma o Karisito Iesu i a wakak na wat, ra i udekdek a rumu.

Kolosi 1:29

A papam dekdek sur a utna ri in nanpat mulus ut. A lingmulus, a papam dekdek nama labino dekdekin o Karisito, ra i papam dekdek una nung a nilaun.

Kolosi 4:17

Mot in inanos o Arkipus lena, in pam rop ru a pinapam ra o God i sa pitar tari tano.

1 Tesalonaika 3:2

Ra mir sa tulu ru o Timoti a tisindat, ma a tene pinapam anun o God tomo nam mir, ra metul ser wasiso talapor nama Wakak na Wasiso un o Karisito. Mir sa tulu ru i torom mot, sur in udekdek mot, ma in uragot mot una numot a nurnur,

1 Timoti 4:16

Un tumarong anum a nilaun ma anum a etowo. Un tur dekdek un der, uni, ra un pami lenra, un ulaun pas ui ut, ma det kai ra det longoro ui.

2 Timoti 2:15

Un pitar tar ui ut torom o God ma un dekdek sur ui a lingmulus na tene pinapam, ra o God in gas nami. A tene pinapam ra ke ser maimai una nun a pinapam, ma i palos kodos a lingmulus na wasiso.

Jems 3:1

A kum tistising, gong lako susut tagun mot det wanpat a kum tene ususer tagun a lotu, uni mot tasmani lena, a warkurai anun o God torom met, a kum tene ususer, in dekdek sakit tan a warkurai torom a taro gisen.

1 Pita 4:11

Ra taio i los a etabor sur in tene warawai, i wakak sur in warawai ut elar nama wasiso anun o God. Ra taio i los a etabor sur in tene warut, i wakak ra in warut nama dekdek ra o God i pitar tari tano, sur a taro det in watung ulabo pas o God una kum utna rop, kibino un o Iesu Karisito. Anunu kut a minamar ma a dekdek, ken rop ma ken rop. Amen.

2 Pita 3:15

Mot in nuk pasi, a Labino ke wanpat utmakai, uni i kis langlang sur a taro det in nukpukus ma in ulaun pas det. A wasiso ri, a wakak na tisindat o Pol kai, i sa tumus tari munung torom mot. I tumusi nama mananos ra o God i pitar tari tano.

Tamtama 21:14

In kibin noworo ina tamon ra, di pami nama noino ma aru wat. Ma una kum watat ra, di sa tumus tar a risan a noino ma aru aposel anun a Barman na Sipsip.

Tamtama 21:19

Ma a kum kibin a kum papor woro ina tamon ra, di mar det nama kum ngas na watat rop ra matandet i ka doko. A mugano di pami nama jaspa, a manru nami a sapaia, a bulu na wat, a mantul nami a aget, a grin na wat, ma a manwat nami a emeral, a grin na wat,