1 Korin 2:4 - Nupela Testamen long tokples Kandas

⁴ Ra a wasiso ma a warawai, ka wasiso nama wasiso na mananos anun a taro, ma ka wasiso nama ngas na wasiso ra in dat a nuknukin a taro, awu. A dekdekin a Tokodos na Nion i ulingmulus anung a wasiso,

1 Korin 2:4 ပူးပေါင်းရင်းမြစ်များ

Aposel 20:27

Uni ka ngara ma ka munu tu utna una nuknukin o God. A sa watung rop tari torom mot.

Aposel 26:28

Ra o Agripa i ting o Pol lena, “Pepetlai, u nuki lena un tu kukur du bung kut, un pukus pas iau, sur an nanpat a te Karisito?”

A Pas anun o Pol torom a taro Rom 15:13

A wararing torom o God, i ra dat kis langlang suri nama nurnur sur a wakakino ra in pami. A wararing sur in ubukus mot ra mot nurnur uni nama labino gasgas ma a malmal. Ma una dekdekin a Tokodos na Nion ut, mot in kis langlang nama labino nurnur sur a wakakino, ra numur o God in pami.

A Pas anun o Pol torom a taro Rom 15:19

Det tama a dekdekin a kum ukinalong ma a kum utna na ukisin ra a pami nama dekdekin a Tokodos na Nion. Tagisapat o Jerusalem tuk tong o Ilirikum, a sa warawai rop pas iai nama Wakak na Wasiso anun o Karisito.

A Pas anun o Pol torom a taro Rom 16:18

A ngas na taro ra, awu sur det mur anundat a Labino o Karisito, awu. Det muri ut a nemnem ina pinindet. Det ser wasiso nama kum namnamin na wasiso ma a wasiso na ugasgas, sur det in usobor a taro ra ka det mananos wakak.

1 Korin 1:17

Uni o Karisito ke tulu iau sur an baptaiso, awu. I tulu iau sur an warawai nama Wakak na Wasiso. Ma awu sur an warawai nama wasiso na mananos anun a taro, surko in lakro ru a dekdekin in nanai kutus anun o Karisito ra in utna oros kut.

1 Korin 2:1

A kum tistising, ra a wanpat torom mot nama wasiso talapor un o God, ka wasiso nama ngas na wasiso ra a ulabo pas iau nami, ma ka wasiso nama ngas na wasiso ra a kum tene mananos det ser wasiso nami.

1 Korin 2:13

Met wasiso una kum etabor ri, ikut ka met wasiso nama kum wasiso na mananos anun a taro, awu. Met wasiso nama kum wasiso ra a Tokodos na Nion ut i ususer met nami. Met watung palos a kum etowo na nion torom a taro ra a Tokodos na Nion kura un det.

1 Korin 4:20

Uni a matanitu anun o God awu sur tagun a wasiso, tagun a dekdek ut.

2 Korin 6:6

Anumet a petutna katu dur uni, ma met papam nama mananos. A pinimet ke ser ngoro una taro, met pami kut a wakak na petutna torom det. Met papam nama warut anun a Tokodos na Nion, ma a marmaris mulus.

Galesia 1:10

Ka nemi sur a taro det in ulabo pas iau, a nemi sur o God ut in gas nam iau. Ka nem na ugasgas a taro kut. Ra an ugasgas a taro kut, awu sur iau a tultul anun o Karisito.

Kolosi 2:4

A watungi lenri torom mot, sur gong taio i toro pas mot nam tu namnamin na wasiso.

1 Tesalonaika 1:5

uni a Wakak na Wasiso ra metul upuaso i, awu sur i wanpat torom mot elar nama wasiso kut, awu. I wanpat tomo nama dekdek ma a Tokodos na Nion, ma mot longoro lele i ra mot pam ukai i una balamot. Ra metul laun nisamot, mot tasman wakak a magirametul, ra metul ser upuaso i sur in uwakak mot.

1 Pita 1:12

O God i upuaso i torom a kum poropet lena, a kum utna ri, awu sur in nanpat una anundet a kum kilalo na nilaun, awu, o God in pami ut torom mot. Ra uniri, mot sa longoro tari tan a taro ra det warawai nama Wakak na Wasiso torom mot, nama dekdekin a Tokodos na Nion, i ra di tulu pirso ru i tagisapat una langit. Ma a kum ensel kai, det nem doko i, sur det in tama a kum utna ri.

2 Pita 1:16

Ra met inanos mot una dekdek in anundat a Labino o Iesu Karisito, ma anun a inawan pat melet, awu sur met saksakutna oros kut nama kum saksakutna ra met nuk pas det kut, awu. Met ut met sa tama tar anun a minamar nama matmata met.

2 Pita 2:18

Det ulabo pas det nama kum wasiso oros kut, ma det ulam a taro sur det in pam a pamuk na petutna ma det in mur a kum laulau na nemnem ina pinindet. Una ngasino ri, det ulam det ra ke suano det utmakai a inawan gisen gusun a kum tene sakino.