1 Korin 2:14 - Nupela Testamen long tokples Kandas

¹⁴ Ikut, osi ra a Tokodos na Nion ke kis uni, ken utur ukai a kum etowo, ra i wanpat gusun a Nion o God. Uni a kum etowo ra, a kum longlong na utna kut toromi. Ma ken tasman lele a kum etowo, uni a Tokodos na Nion ke kis uni sur in utalapori toromi.

1 Korin 2:14 ပူးပေါင်းရင်းမြစ်များ

Matiu 16:23

O Iesu i tupukus torom o Pita ra i watungi tano lena, “Satan, un nan unago numur tang! U ubatbat iau, uni, u muri kut a nuknukin a taro, ma ko mur a nuknukin o God.”

A Wakak na Wasiso un o Iesu Karisito o Jon i tumusi 10:20

A susut tagun det, det watungi lena, “A laulau na nion kura uni, ma i sa toboroboro. Asau ra mot longoro i suri?”

A Wakak na Wasiso un o Iesu Karisito o Jon i tumusi 12:37

O Iesu i sa pam tar a susut na utna na ukisin umatandet, ikut ka det nurnur uni,

A Wakak na Wasiso un o Iesu Karisito o Jon i tumusi 14:17

I a Tokodos na Nion, ra in upuaso a lingmulus. A taro tagun a rakrakon bual ka det in nemi, uni ka det in tama lele i ma ka det in tasmani. Ikut mot, mot tasman a Tene Warut, uni i kis tomo nam mot ma in kis un mot.

A Wakak na Wasiso un o Iesu Karisito o Jon i tumusi 14:26

A Tene Warut, a Tokodos na Nion ra o Tita in tulu ru i una risang. In ususer mot una kum utna rop, ma in unuk tar mot melet nama kum wasiso ra a sa watung tari tamot.

A Wakak na Wasiso un o Iesu Karisito o Jon i tumusi 15:26

“An tulu ru a Tene Warut torom mot tagisapat tan o Tita, i a Tokodos na Nion ra in upuaso a lingmulus. Ra in nanpat in wasiso puaso un iau.

A Wakak na Wasiso un o Iesu Karisito o Jon i tumusi 5:44

“Mot, mot nemi sur a taro det in ulabo pas mot, ikut a wasiso na ululabo anun o God, i ra ara God sot kut, ka mot tiktikin wakak suri. I mo ra ka mot nurnur un iau.

A Wakak na Wasiso un o Iesu Karisito o Jon i tumusi 8:43

Sur asau ra ka mot tasman lele anung a wasiso? Uni ka mot longoro lar pasi.

Aposel 16:14

Ara ino tagun det ra det longoro met, a risano o Lidia, a ino tagitong o Taiataira, a tene siuru pepol na malu ma a tene lotu torom o God. Ra a Labino i pukus pas anun a nilaun sur in mur a kum wasiso ra o Pol i watungi.

Aposel 17:18

A kum tene mananos tagun a etowo anun a taro Epikurian ma a taro Stoik det wasiso tomo nami. Ara taro det watungi lena, “Asau ri a tene wasiso oros ri i inanos dat nami?” Ma ara taro kai det watungi lena, “Kutiro, i inanos dat una kum matok na god tagun tu tamon gisen.” Det watungi lenri uni i warawai nama Wakak na Wasiso un o Iesu ma a nilaun melet gusun a minat.

Aposel 17:32

Ra det longoro a wasiso una nilaun melet gusun a minat, ara taro tagun det, det urongon laulau uni, ikut ara taro kai det watungi lena, “Met nemi sur un wasiso melet torom met una utna ri.”

Aposel 18:15

Ikut, ra mot takuni kut una kum wasiso, ma una kum rising, ma una anumot a kum warkurai ut, i wakak sur mot ut mot in warkurai i. Iau kan warkurai i una kum ngas na utna ri.”

Aposel 25:19

Det takuni kut una kum utna tagun anundet a ngas na lotu, ma una ara musano, a risano o Iesu ra i mat, ra o Pol i watungi lena i sa laun melet.

1 Korin 1:18

Uni a wasiso unin nanai kutus, a longlong na wasiso kut torom det ra det wan sur a iniru. Ikut, torom dat ra o God i ulaun dat, a wasiso unin nanai kutus, i a dekdekin o God.

1 Korin 1:21

Uni, una mananos anun o God, i pami sur a taro una rakrakon bual ka det in pet lari sur det in tasman o God una mananos anundeti ut. A wasiso ra met warawai nami, a taro det nuki lena a longlong na wasiso, ikut, una wasiso ra, o God i gas sur in ulaun det ra det nurnur.

1 Korin 1:23

Ikut met, met warawai kut un o Karisito, i ra di sak wati unin nanai kutus. A warawai ri, a taro Juda det ngeti, ma torom det, i elar nama wat ra det puku taru uni, ma i elar kut nama longlong na wasiso torom a taro ra awu sur a taro Juda.

1 Korin 1:25

A mananos anun o God ra a taro det nuki lena a longlong na mananos kut, i ra i labo taun a mananos anun a taro. A dekdekin o God ra a taro det nuki lena ke dekdek, i ra i dekdek sakit taun a dekdekin a taro.

1 Korin 15:44

A pinino ra di por tari nami, i taginin ut upiso, ikut ra in katutur melet, in katutur nama pinino ra i nion, tagisapat una langit. I lingmulus ara pinindat taginin upiso, ma ara pinindat kai ra i nion.

1 Korin 15:46

A pinindat ra i nion ke wanpat mugu, awu. A pinindat ra taginin upiso i wanpat mugu, ra numur a pinindat ra i nion.

1 Korin 2:12

Ma met, ka met rakon a nion taginin una rakrakon bual, awu. O God i tabor met nama Tokodos na Nion, sur met in tasman lele a kum etabor rop ra i tabor oros tar met kut nami.

1 Korin 3:1

A kum tistising, numugu ka wasiso lar pas torom mot lenlar a taro ra a Tokodos na Nion i kis un det. A wasiso torom mot elar kut nami ra torom a taro taginin una rakrakon bual, ra mot a kum nat liklik utmakai una kinkinis tomo nam o Karisito.

Jems 3:15

A mananos ra, awu sur tagisapat netes una langit, a mananos kut taginin upiso. I wanpat kut tan o Satan, ma awu sur tagun a Tokodos na Nion.

1 Jon 2:20

Ikut mot, o Karisito i pitar tar a Tokodos na Nion torom mot. Ma mot rop, mot sa tasman a lingmulusino, uni a Tokodos na Nion i sa towo tar mot nami.

1 Jon 2:27

A Tokodos na Nion, ra o Karisito i pitar tari torom mot, kura ut un mot, ra ka mot sibo sur taio in ususer mot. Uni a Tokodos na Nion i ususer mot una kum utna rop. Ma a utna ra i ususer mot uni i lingmulus, ma awu sur a torotoro. Mot in nuk ukai a etowo ri, sur mot in kis tukum un o Karisito.

1 Jon 5:20

Dat sa tasmani kai lena, a Nutun o God i sa wanpat, ra i tabor tar dat nama mananos, sur dat in tasman o God ra i lingmulus. Dat laun un o God ra i lingmulus, uni dat laun un o Nutunu, o Iesu Karisito. Ma i, a God ra i lingmulus, ma a nilaun tukum.

A Pas anun o Jud 1:19

Mot a kum tene nurnur mot tapagol, kibino una taro ri. Det mur a nemnem kut anun a rakrakon bual, ma a Tokodos na Nion ke kis un det.