1 Korin 2:12 - Nupela Testamen long tokples Kandas

¹² Ma met, ka met rakon a nion taginin una rakrakon bual, awu. O God i tabor met nama Tokodos na Nion, sur met in tasman lele a kum etabor rop ra i tabor oros tar met kut nami.

1 Korin 2:12 ပူးပေါင်းရင်းမြစ်များ

A Pas anun o Pol torom a taro Rom 8:1

I mo ra det ra tagun o Karisito Iesu, katu warkurai na minabalu mo anun o God torom det.

A Pas anun o Pol torom a taro Rom 8:32

O God ke maris bat o Nutunu, awu. I pitar tari kut sur in mat sur dat rop. Ra i pitar tar o Nutunu sur in mat sur dat, in pitar orosi utkai a kum wakak na utna rop torom dat.

1 Korin 1:27

Ikut o God i pilok pas a utna ra a taro det nuki lena a longlong na utna sur in ban umaimai a kum tene mananos. Ma o God i pilok pasi kai a kum utna ra a taro det nuki lena ke dekdek sur in ban umaimai det ra det dekdek.

1 Korin 2:6

Ikut, met wasiso na mananos ut epotor tan a taro ra det tur dekdek una nurnur. A mananos ri, awu sur taginin una rakrakon bual, ma awu sur tan a kum mugumugu taginin upiso, ra anundet a warkurai in rop kut.

1 Korin 3:22

O Pol, o Apolos, o Pita, a rakrakon bual, a nilaun, a minat, a kum utna tagun uniri, ma a kum utna ra in nanpat numur, anumot rop kut.

2 Korin 4:4

O Satan, a god taginin una rakrakon bual, i sa upulu pas a nuknukin a taro ra ka det nurnur, sur ka det in tama a talapor ina Wakak na Wasiso ra i upuaso a minamar anun o Karisito, i ra a malalarin o God.

Epeses 2:2

Mot mur a kum petutna tagun a rakrakon bual, ma mot mur o Satan, a mugumugu anun a matanitu tagun a maino, ra uniri a niono i papam un det ra det pitarngat.

Jems 4:5

Pepetlai, mot nuki lena a Buk Tabu i wasiso oros kut? I watungi lena, “A Nion o God, ra o God i pitar tari tandat, i nem dat sur dat anunu ut.”

1 Jon 2:20

Ikut mot, o Karisito i pitar tar a Tokodos na Nion torom mot. Ma mot rop, mot sa tasman a lingmulusino, uni a Tokodos na Nion i sa towo tar mot nami.

1 Jon 2:27

A Tokodos na Nion, ra o Karisito i pitar tari torom mot, kura ut un mot, ra ka mot sibo sur taio in ususer mot. Uni a Tokodos na Nion i ususer mot una kum utna rop. Ma a utna ra i ususer mot uni i lingmulus, ma awu sur a torotoro. Mot in nuk ukai a etowo ri, sur mot in kis tukum un o Karisito.

Tamtama 12:9

Di woro pirso ru in labino sui, in nusui tagun narap, ra di watungi a tene etakun, o Satan, i ra i ben raro a rakrakon bual rop. Di woro pirso ru i tomo nam anun a kum ensel urin upiso.

Tamtama 22:6

A ensel i watungi tang lena, “A kum wasiso ri, i lingmulus ma i topasi sur din nurnur uni. A Labino, o God ra i mugu a nion a kum poropet sur det in upuaso anun a kum wasiso, i tulu ru anun a ensel sur in ese tar anun a kum tultul una kum utna ra milau in nanpat.”