1 Korin 2:10 - Nupela Testamen long tokples Kandas

¹⁰ Ikut a Nion o God i upuaso a kum utna ri torom met. Uni a Tokodos na Nion i tasman a kum utna rop. Lingmulus, i tasmani ut a kum ninunuk na pidik anun o God.

1 Korin 2:10 ပူးပေါင်းရင်းမြစ်များ

Matiu 13:11

Ma i balu det lena, “O God i sa pitar tar a mananos tamot, sur mot in talapor una kum wasiso na pidik una matanitu tagisapat una langit. Ikut, ke pitari torom a taro rop.

Matiu 16:17

Ra o Iesu i watungi tano lena, “Saimon, a nutun o Jon, u sa dan, uni kataio i inanos ui nama wasiso ra. O Tita ut ra i kis sapat una langit i unuk tar ui nami.

Luk 10:21

Una du bung ra, o Iesu i bukus nama gasgas tan a Tokodos na Nion ma i watungi lena, “Tita, ui a Labino tagun a langit ma a rakrakon bual rop. A watung ulabo pas ui, uni u munu a kum utna ri tan a kum tene mananos ma det ra det tastasman, ma u upuaso i kut, torom det ra det elar nama kum nat liklik. A lingmulus, Tita, uni anum a nemnem i lenutra.

Luk 2:26

A Tokodos na Nion i sa upuaso tari toromi lena ken mat lakit, tuk ut ra in tama tar a Karisito anun a Labino.

A Wakak na Wasiso un o Iesu Karisito o Jon i tumusi 14:26

A Tene Warut, a Tokodos na Nion ra o Tita in tulu ru i una risang. In ususer mot una kum utna rop, ma in unuk tar mot melet nama kum wasiso ra a sa watung tari tamot.

A Wakak na Wasiso un o Iesu Karisito o Jon i tumusi 16:13

A Tokodos na Nion, ra i ser upuaso a lingmulusino, in nanpat, ma in utalapor mot una kum lingmulusino rop un o God. A kum wasiso ra in watungi awu sur anunu, in watungi kut a kum wasiso ra i longoro i, ma in inanos mot una kum utna ra in nanpat numur.

1 Korin 14:30

Ra taio kura i kis una lotu, in rakon tu wasiso tan o God, o naro ra kura i wasiso in mana.

1 Korin 2:11

Osi ra i tasman a nuknukin taio? A nion a musano sot kut, ra kura uni, i tasmani. Lenkutkai ra, kataio i tasman a nuknukin o God. A Nion o God sot kut i tasmani.

Galesia 1:12

Ka losi tan a taro, ma katu musano kai i ususer iau nami. O Iesu Karisito ut i upuaso tari tang.

Epeses 3:3

Ma o God i utalapor iau una utna ra numugu i kis eno. Ma una pas ri a sa tumtumus lilik pas uni.

Epeses 3:5

A kum taun taro tagun numugu, kataio i inanos talapor det uni, ikut uniri a Tokodos na Nion i upuaso i torom a kum tasur na aposel anun o God, ma a kum tasur na poropet anun o God.

1 Timoti 4:1

A Tokodos na Nion i watung puaso i lena, una kum ururop na bung, lako taro det in nan gisen gusun a lingmulus na nurnur, ma det in mur a kum nion ra det ser torotoro, ma det in mur a kum etowo anun a kum laulau na nion.

1 Pita 1:12

O God i upuaso i torom a kum poropet lena, a kum utna ri, awu sur in nanpat una anundet a kum kilalo na nilaun, awu, o God in pami ut torom mot. Ra uniri, mot sa longoro tari tan a taro ra det warawai nama Wakak na Wasiso torom mot, nama dekdekin a Tokodos na Nion, i ra di tulu pirso ru i tagisapat una langit. Ma a kum ensel kai, det nem doko i, sur det in tama a kum utna ri.

1 Jon 2:20

Ikut mot, o Karisito i pitar tar a Tokodos na Nion torom mot. Ma mot rop, mot sa tasman a lingmulusino, uni a Tokodos na Nion i sa towo tar mot nami.

1 Jon 2:27

A Tokodos na Nion, ra o Karisito i pitar tari torom mot, kura ut un mot, ra ka mot sibo sur taio in ususer mot. Uni a Tokodos na Nion i ususer mot una kum utna rop. Ma a utna ra i ususer mot uni i lingmulus, ma awu sur a torotoro. Mot in nuk ukai a etowo ri, sur mot in kis tukum un o Karisito.

Tamtama 1:1

A buk ri, a wasiso puaso anun o Iesu Karisito, ra o God i pitar tari tano, sur in ese tar anun a kum tultul una kum utna ra milau in nanpat. O Iesu i tulu ru anun a ensel torom anun a tultul o Jon, sur in wasiso puaso una kum utna ri tano.

Tamtama 2:24

Ikut ara taro kai tagun mot tiro o Taiataira ka det mur a kum etowo anun o Jesabel, ma ka det mur a kum utna ra ara taro det watungi nama ‘kum utna na pidik anun o Satan ra i madu doko.’ A watungi tamot lena, kan ubek melet tar tu maut netes un det.