1 Korin 16:16 - Nupela Testamen long tokples Kandas

¹⁶ sur mot in unatino pas mot torom a ngas na taro lenra, ma torom det ra det papam tomo nam det, ma det dekdek una pinapam ra.

1 Korin 16:16 ပူးပေါင်းရင်းမြစ်များ

A Pas anun o Pol torom a taro Rom 16:12

Mot in pitar anung a marmaris torom o Tripina ma o Triposa. Aru ino ri, der sa pam tar a dekdek na pinapam sur a Labino. Mot in pitar anung a marmaris torom ara wakak na pasang kai o Pesis, ara ino ra i sa pam tar a dekdek na pinapam sakit sur a Labino.

A Pas anun o Pol torom a taro Rom 16:3

Mot in pitar anung a marmaris torom o Prisila ma anun a musano o Akuila, ra metul papam tomo una pinapam anun o Karisito Iesu.

A Pas anun o Pol torom a taro Rom 16:6

Mot in pitar anung a marmaris torom o Maria, ra i sa pam tar a dekdek na pinapam sur in warut mot.

A Pas anun o Pol torom a taro Rom 16:9

Mot in pitar anung a marmaris torom o Urbanus, ara tene pinapam kai tagun met una pinapam anun o Karisito, ma torom a wakak na pasang kai o Stakis.

1 Korin 12:28

O God i sa pilok pas a taro ri epotor tan a taro na lotu: a mugano ut a kum aposel, a manru a kum poropet, a mantul nami, a kum tene ususer, ma det kai ra det pam a kum utna na ukisin, ma det ra o God i pitar a etabor torom det sur det in ulangolango pas a kum misait, ma det ra det warut a taro, ma det ra det ser mugu a taro una kum pinapam, ma det ra det wasiso nama wur ngas na wasiso.

1 Korin 3:9

Uni mir aru tene pinapam tomo anun o God. Ma mot, mot elar nama kinobot anun o God, ma mot elar kai nama rumu anun o God ra i papam nanan uni.

Epeses 5:21

Mot in unatino pas mot torom mot etetalai, uni mot urur torom o Karisito.

Pilipai 4:3

Ma ui kai ara lingmulus na tene pinapam tomo nam iau, a saring ui sur un warut aru ino ri, uni der papam dekdek tomo nam iau sur a Wakak na Wasiso in nan sarara. Met papam tomo nam o Klemen, ma ara taro kai ra a kum risandet i sa kis una buk na nilaun.

1 Tesalonaika 1:3

Ra metul ser wararing torom anundat a God a Tamandat, metul nuk pas anumot a kum pinapam ra anumot a nurnur i pam pati, ma metul nuk pas a kum dekdek na pinapam ra anumot a marmaris i pam pati, ma metul nuk pasi kai, anumot a tuntunur dekdek, ra anumot a kinkinis langlang nama nurnur una Labino o Iesu Karisito i pam pati.

1 Tesalonaika 2:9

A kum tistisi metul, mot sa tasman anumetul a dekdek na pinapam. Una kum mirum ma a waspi, metul papam nama lamametul sur u warut metul una numetul a kinkinis. Metul pami lenri, sur metul in warawai torom mot nama Wakak na Wasiso anun o God ma gong metul pitar a mamaut torom mot sur mot in kul metul.

1 Tesalonaika 5:12

A kum tistisi metul, metul saring mot sur mot in pitar a urur torom anumot a kum mugumugu, ra det papam dekdek epotor tamot, ma det tamtamabat mot una kisapi anun a Labino, ma det ususer mot.

1 Timoti 5:17

I wakak sur din pitar a urur ma a wakak na ikul torom a kum mugumugu na lotu ra det pam wakak a pinapam. Din pami lenra torom det ra det papam dekdek una warawai ma a etowo.

Ibru 13:17

Mot in mur a wasiso anun anumot a kum mugumugu, ma mot in kis utuntudu ina anundet a warkurai, uni det tamtamabat mot, ma numur det in wasiso talapor umatan o God una nundet a kum pinapam torom mot. Ra mot in mur anundet a wasiso, det in gas una nundet a kum pinapam. Ikut, ra awu, det in papam nama tupunuk, ra ken warut mot.

Ibru 13:24

Mot in pitar anumet a marmaris torom anumot a kum mugumugu rop, ma torom a taro rop anun o God. Det kai tagitong o Itali det pitar anundet a marmaris torom mot.

Ibru 6:10

O God ke ser pam tu utna ra ke tokodos. Ken dumano anumot a pinapam ma anumot a marmaris ra mot ese i toromi una numot a warut torom anun a taro ra mot sa pam tari ma mot pami utmakai.

1 Pita 5:5

Lenkutkai ra, mot a kum barman ma a kum toraro, mot rop mot in ser unatino pas mot torom det a kum mugano tamot. Mot in unatino pas mot epotor tamot etetalai, i ra anumot a wakak na ememar. Uni a Buk Tabu i watungi lena, “O God i nget det ra det ser ulabo pas det, ikut i maris det ra det ser unatino pas det.” Snd 3:34

3 Jon 1:8

Lenra, i wakak sur dat in warut a ngas na taro ra, sur dat in papam tomo nam det sur a lingmulusino in nan sarara.

Tamtama 2:3

Mot sa taramo a ngunungut, uni mot mur iau, ma a pinimot ke ngoro, mot tur dekdek ut.