1 Korin 16:11 - Nupela Testamen long tokples Kandas

¹¹ Gong mot tama pisopiso i. Ra in milet urin torom iau, mot in tulu ru i nama malmal. Ma a kis langlang suri, ra in nanpat tomo nama kum tistisin dat.

1 Korin 16:11 ပူးပေါင်းရင်းမြစ်များ

Luk 10:16

“Osi ra in longoro mot, i longoro iau ut. Ma osi ra in rosumur gusun mot, i rosumur gusun iau utkai. Ma osi ra i rosumur gusun iau, i rosumur utkai gusun o naro ra i tulu ru iau urin.”

Aposel 15:3

A taro na lotu det tulu o Pol, o Banabas ma ara taro kai. Det wan potor una papor Ponisia ma a papor Samaria. Det wasiso puaso nanan torom a kum tene nurnur una kum tamon, una taro ra awu sur a taro Juda, lena det sa nukpukus. Ma det ra det tar tistisino una nurnur, det gas doko ra det longoro i.

Aposel 15:33

Ra der sa kis suano pasi tiro iai, det ra det tar tistisino una nurnur, det tulu melet ru der nama malmal, sur der in milet melet usapat o Jerusalem torom det ra det tulu tar der.

1 Korin 16:10

Ra o Timoti in nanpat torom mot, mot in tamtamabati sur gong i ngara ra i kis nisamot, uni i pam a pinapam anun a Labino, elar nam iau kai a pami.

1 Korin 16:6

Kutiro an kis lilik pas ut tomo nam mot tiro iai, o kutiro an kis tuk ra a kum kalang na kotokoto ma a labino wuwu in rop, ra numur mot in warut iau una nung a inawan sur a kum tamon gisen bulung ra an nan iai.

2 Korin 1:16

Ra an nan sur utong una papor Masedonia, a nuki lena an lumu tar mot. Numur, ra an milet melet tagitong, an kis melet pas nisamot, sur mot in warut iau una nung a inawan utong una papor Judia.

1 Tesalonaika 4:8

I mo ra osi ra i rosumur gusun a etowo ri, awu sur i rosumur gusun a taro, awu. I rosumur ut gusun o God, i ra i tabor dat nama Niono, a Tokodos na Nion.

1 Timoti 4:12

Gong u madek tar taio sur in tama pisopiso ui, uni u barman utmakai. Una num a wasiso, anum a petutna, anum a marmaris, anum a nurnur ma anum a tokodos na nilaun, un elar nama wakak na malalar, sur a kum tene nurnur det in pam murmuri.

Taitus 2:15

Un ususer det nama kum wasiso ri. Un uragot a taro, ma un watung puaso anundet a niraro umatandet. Un pami nama dekdek ra kura torom ui. Ma gong u madek tar taio sur in tama pisopiso ui.

3 Jon 1:6

Ma ara taro tagun det, det wanpat nin, det wasiso puaso torom a taro na lotu una num a marmaris. I wakak ra un warut det nam lako kum utna una nundet a inawan. A petutna ra, o God i gas uni.