1 Korin 15:6 - Nupela Testamen long tokples Kandas

⁶ Numur i wanpat torom a kum tistisin dat una nurnur. A nilulukin det i elar nama limo na mar ma i puku, ra det kis tomo una du bung ra. Ma a susut sakit tagun det, det laun utmakai, ikut, a ramano det sa mat.

1 Korin 15:6 ပူးပေါင်းရင်းမြစ်များ

Matiu 28:10

Ma o Iesu i watungi tander lena, “Gong mur ngara. Mur in nan ma mur in inanos a kum tistising, sur det in nan utong o Galili, ma det in tama iau tong.”

A Wakak na Wasiso un o Iesu Karisito o Mak i tumusi 16:7

Motul nan, ma motul in inanos anun a kum nat na ususer ma o Pita kai lena, ‘O Iesu in mugu utong o Galili. Mot in tama i tong, elar nami ra i sa inanos mugu tar mot.’”

Aposel 13:36

“O Dewid i pam sot rop pas a nemnem anun o God una nun a kum bung na nilaun. Numur i mat, ra di pori tomo nama kum tumtubunu, ma a pinino i mereseng.

Aposel 7:60

Ra i sing a ru but na kikino una piso, ma i kakabo lena, “Labino, gong u balu a sakino petutna ri det pami.” I watung len tari ra, ra i mat.

1 Korin 15:18

Ma a kum tene nurnur kai un o Karisito ra det sa mat, det mat tukum.

1 Korin 15:20

Ikut i lingmulus, o God i sa ukatutur melet o Karisito gusun a minat. I a mugano musano ra i katutur melet gusun a minat, ma i ese i lena numur a kum minat kai det in katutur melet.

1 Tesalonaika 4:13

A kum tistisi metul, metul nemi sur mot in mananos un det ra det sa mat, ma gong mot tupunuk dekdek elar nama taro ra ka det nurnur una katkatutur melet gusun a minat.

1 Tesalonaika 4:15

A wasiso ri ra metul watungi tamot, a wasiso ut anun a Labino. I lenri: Dat ra dat sa laun tuk una bung ra a Labino in nanpat melet, ka dat in mugu tandet ra det sa mat.

2 Pita 3:4

ma det in watungi lena, “Awai mi a inawan pat melet anun o Iesu, ra i uliliman taru uni? Turpasi una kum kilalo ra a kum tumtubun dat tagun numugu det mat, a kum utna i kis lenutra o God i ukis tari, una turturkibin a ukukis.”