1 Korin 15:58 - Nupela Testamen long tokples Kandas

⁵⁸ I mo ra a kum wakak na tistising, mot in tur dekdek, ma gong i tugunu anumot a nurnur una katkatutur melet gusun a minat. Mot in pitar rop tar anumot a nilaun una pinapam anun a Labino, uni mot tasmani lena a kum pinapam rop mot pami torom a Labino awu sur a utna oros kut.

1 Korin 15:58 ပူးပေါင်းရင်းမြစ်များ

A Wakak na Wasiso un o Iesu Karisito o Mak i tumusi 3:3

Ra o Iesu i inanos a musano ra a lamano i kong lena, “Un tur tiro numugu tan a taro rop.”

Luk 19:19

Ra i balu i lena, ‘Ui kai un tamtamabat a limo na lamlabino tamon.’

1 Korin 16:10

Ra o Timoti in nanpat torom mot, mot in tamtamabati sur gong i ngara ra i kis nisamot, uni i pam a pinapam anun a Labino, elar nam iau kai a pami.

1 Korin 3:8

O naro ra i marmarut ma o naro ra i pukpuki, a nuknukin der i takai kut. Ma der in los anunder a ikul elar ut nama nunder arara pinapam.

2 Korin 7:1

A kum wakak na paspasang, dat sa rakon pas a kum liliman ri, ra i wakak sur dat in utalapor pas dat gusun a kum utna rop ra i udur a pinindat ma a niondat. Ma dat in talapor rop, uni dat urur doko torom o God.

Galesia 4:11

A ngara doko sur mot, sako anung a pinapam torom mot in utna oros kut.

Galesia 6:9

Gong a pinindat i ngoro una wakak na pinapam ra dat pami, ma gong dat mana gusuni. Ra a du bung in sot, dat in pasong pas a wino tagun anundat a pinapam.

Pilipai 1:11

Ma a wararing sur mot in bukus nama tokodosino, ra o Iesu Karisito in pam pati una numot a nilaun, sur a taro det in watung ulabo pas o God, ma det in rakon lekeleke pasi.

Pilipai 1:9

A wararing sur anumot a marmaris in labo ma in labo bing, ma a mananos ma a tastasman in lubung una numot a nilaun.

Pilipai 2:30

uni i pitar tar anun a nilaun una pinapam anun o Karisito, ra milau mo sur in mat. Ke nuk pas anun a nilaun, i pitar tari sur in warut iau, uni mot ut, ka mot pet lar pasi.

Pilipai 4:17

Awu sur anumot a etabor ra a ling suri. A nemi kut sur mot in los a ikul kura numur una numot a wakak na pinapam ra.

Kolosi 1:23

Ra mot in dekdek nama nurnur, ma mot in tur dekdek uni, o God in pam a utna ri. Ma gong mot wan gisen gusun a kinkinis langlang nama nurnur sur a kum utna ra o God in pami, ra mot sa longoro tari una Wakak na Wasiso. A Wakak na Wasiso ra, di sa inanos taru nami torom a taro rop una rakrakon bual. Iau, o Pol, a wanpat a tultul tagun a Wakak na Wasiso.

Kolosi 2:5

A lingmulus, a kis gisen gusun mot una pining, ikut una niong a kis tomo ut nam mot, ma a gas ra a tama i lena, mot warkurai kodos anumot a nilaun, ma mot tur dekdek una numot a nurnur un o Karisito.

Kolosi 2:7

Anumot a nilaun in wakakor un o Iesu sur in lubung, ma mot in tur netes uni. Mot in tur dekdek una nurnur elar nami ra di sa ususer tar mot uni, ma mot in bukus nama watung wakak torom o God ma anumot a watung wakak in pulpulas.

1 Tesalonaika 1:3

Ra metul ser wararing torom anundat a God a Tamandat, metul nuk pas anumot a kum pinapam ra anumot a nurnur i pam pati, ma metul nuk pas a kum dekdek na pinapam ra anumot a marmaris i pam pati, ma metul nuk pasi kai, anumot a tuntunur dekdek, ra anumot a kinkinis langlang nama nurnur una Labino o Iesu Karisito i pam pati.

1 Tesalonaika 3:12

Ma metul wararing kai sur a Labino in ulabo anumot a marmaris, ma in bukus ma in tilingis epotor tamot ma torom a taro gisen kai, elar nama numetul a marmaris kai torom mot.

1 Tesalonaika 3:3

sur gong taio tagun mot a nuknukino i talara kibino una kum mamaut ra i monong mot. Uni mot tasmani ut lena, a kum mamaut in monong dat.

1 Tesalonaika 3:5

I mo ra a tulu ru o Timoti torom mot. A tulu ru i torom mot sur an mananos una numot a nurnur, uni a ngara doko un mot ma ka nem na kis liklik mo. A ngara, sako a tene ululam i sa ulam pas mot, ma anumetul a pinapam torom mot in utna oros kut.

1 Tesalonaika 4:1

A kum tistisi metul, metul sa ususer tar mot una ngas na nilaun ra mot in laun nami sur in ugasgas o God, lar ut ra mot sa muri. Ra uniri metul saring mot, ma metul udekdek mot una risan a Labino o Iesu, sur anumot a nilaun in lubung dekdek lenutra.

2 Tesalonaika 1:3

A kum tistisi metul, i wakak sur metul in ser watung wakak torom o God un mot. I tokodos lenra, uni anumot a nurnur i lubung dekdek, ma a marmaris torom mot etetalai kai i lubung nanan.

Taitus 2:14

I pitar tar anun a nilaun sur dat, sur in kul langolango pas dat gusun anundat a kum sakino petutna rop, ma in gos talapor pas dat, sur dat anun a taro mulus ut, ra dat nem doko i sur dat in pam a kum wakak na pinapam.

Ibru 13:21

A wararing torom o God sur in tabor mot nama kum wakak na petutna rop, sur mot in mur anun a nemnem. A wararing kai un dat, lena, una pinapam anun o Iesu Karisito, o God in papam una nilaun anundat sur asau ra in gas nami. Dat in watung ulabo pas o Iesu Karisito, ken rop ma ken rop. Amen.

Ibru 3:14

Ra dat turpas a mur o Karisito, dat tur dekdek una nurnur. Ra dat in tur dekdek una nurnur tuk una ururopino, elar nami ra dat pami numugu, dat tagun o Karisito.

Ibru 6:10

O God ke ser pam tu utna ra ke tokodos. Ken dumano anumot a pinapam ma anumot a marmaris ra mot ese i toromi una numot a warut torom anun a taro ra mot sa pam tari ma mot pami utmakai.

2 Pita 3:14

A kum wakak na paspasang, ra mot kis langlang sur a bung ra, mot in dekdek sur gong tu dur una numot a nilaun, ma katu etakun in los mot un tu utna, ma mot in kis na malmal tomo nam o God.