1 Korin 15:57 - Nupela Testamen long tokples Kandas

⁵⁷ Ikut, dat in watung wakak torom o God, uni i tabor dat nama dekdek sur dat in winim pas a sakino petutna ma a minat nami, una pinapam ra o Iesu Karisito anundat a Labino i sa pam tari.

1 Korin 15:57 ပူးပေါင်းရင်းမြစ်များ

A Wakak na Wasiso un o Iesu Karisito o Jon i tumusi 16:33

“A watung a kum wasiso ri tamot sur mot in laun un iau, ma a balamot in bukus nama malmal. Nin una rakrakon bual, mot in taramo a mamaut. Ikut gong mot ngara, uni a sa winim pas a rakrakon bual.”

Aposel 27:35

Ra o Pol i sa watung tari lenri, i los pas a beret, i watung wakak pas uni torom o God umatandet rop, i tibiki, ra i wangon.

A Pas anun o Pol torom a taro Rom 7:25

O God ut. A watung wakak toromi ra i tulu ru o Iesu Karisito anundat a Labino, ra i ulangolango pas iau. I mo ra iau ut, una nuknuking, iau a tene ititula anun a kum Warkurai anun o God, ikut, ra a mur a sakino nemnem ina pining, iau a tene ititula utuntudu ina dekdekin a sakino petutna.

A Pas anun o Pol torom a taro Rom 8:37

Awu, dat in pas pisopiso a kum utna ri, kibino un o Karisito ra i maris doko dat.

1 Korin 15:51

Mot longoro, an inanos mot una utna ra numugu i kis eno lenri: Awu sur dat rop dat in mat, ikut o God in pukus senene pas dat rop.

2 Korin 1:11

ra mot in warut met nama niaring. I mo ra a susut na taro det in watung wakak torom o God, sur met, uni i maris met ra i longoro anundet a kum niaring.

2 Korin 2:14

Ikut a watung wakak torom o God, uni o Karisito i mugu met elar nama king ra i win. O God i tulu sarara met, sur met in wasiso puaso un o Karisito, sur a taro una kum tamon rop det in tasmani. A tastasman ra, i elar nama utna i sangnain wakak.

2 Korin 9:15

Dat in watung wakak sakit torom o God, una nun a labino etabor, ra kataio in watung palos lar pasi.

Epeses 5:20

Ma una kum bung rop, mot in watung wakak una kum utna rop torom o God a Tamandat, nama risan anundat a Labino o Iesu Karisito.

Ibru 2:14

A kukurai ina kum nat liklik ra, a kum mulusino ut. Ma o Iesu kai i wanpat a mulusino, a pinino ma a gapino ut. I pami lenra sur una nun a minat in ban laulau ru o Satan, i ra i utur ukai a dekdekin a minat.

Tamtama 12:11

A kum tistisin dat det sa winim pasi nama gapin a Barman na Sipsip, ma nama nundet a wasiso puaso. Ma ka det maris bat anundet a nilaun gusun a minat.

Tamtama 21:4

Ma in wus ru a lurlur na matandet rop. Katu minat melet mo, kalako tupunuk, kalako tinangis ma kalako ngunungut mo, uni a kum utna tagun numugu det sa rorom.”