1 Korin 15:54 - Nupela Testamen long tokples Kandas

⁵⁴ Ma ra a pinindat ra i ser mereseng kut, in tupukus sur a pinindat ra ken mereseng mo, ma ra a pinindat ra i ser mat kut in tupukus sur a pinindat ra ken mat mo, a tumtumus una Buk Tabu in sot maragom, lenri, “O God i sa pas tataun tar a minat, ma i kamar rop ru i.” Ais 25:8

1 Korin 15:54 ပူးပေါင်းရင်းမြစ်များ

Luk 20:36

Ma ka det in mat melet, uni det elar mukut nama kum ensel. Det a kum nutnutun o God, uni det sa laun melet gusun a minat.

A Pas anun o Pol torom a taro Rom 1:23

Ka det lotu torom o God ra i laun tukum, ma i bukus nama minamar. Det lotu kut torom a kum toktok ina kum musano ra det ser mat kut, ma torom a kum toktok ina kum piko, ma a kum wewegua, ma a kum utna ra det kaukawar nin upiso.

A Pas anun o Pol torom a taro Rom 2:7

Det ra det dekdek una wakak na pinapam sur o God in pitar a minamar torom det, ma in ulabo pas a risandet, ma det nem a nilaun ra ken rop, o God in pitar a nilaun tukum tandet.

A Pas anun o Pol torom a taro Rom 6:12

I mo ra gong melet mo mot pitar a pinimot, ra i ser mat, sur in kis utuntudu ina dekdekin a sakino petutna, sur mot in mur a kum sakino nemnem ina pinimot.

A Pas anun o Pol torom a taro Rom 8:11

A Nion o God, ra i ukatutur pas o Iesu gusun a minat, i laun un mot. Una pinapam anun a Niono ra i laun un mot, i ra i ukatutur pas o Karisito gusun a minat, in pitar a nilaun una pinimot, ra i ser mat.

2 Korin 5:4

Ra dat laun utmakai nama pinindat ri, dat tangis nin ubalandat, ma dat taramo a mamaut. Uni ka dat nemi sur dat in mat, dat nemi sur dat in emar nama pinindat tagisapat una langit, sur a pinindat ra in mat kut, in keles sur a pinindat ra in laun tukum.

2 Tesalonaika 1:10

A warkurai ri in nanpat una bung ra a Labino in nanpat sur din ulabo pasi kibino una nun a tokodos na taro, ma det rop ra det nurnur uni det in ru i. Mot kai tomo nam det, uni mot nurnur una numetul a wasiso talapor torom mot.

Tamtama 20:14

Numur di woro pirso ru a minat ma o Edes unin labino tung na sungun. In nutung na sungun ra, i a manru na minat.

Tamtama 21:4

Ma in wus ru a lurlur na matandet rop. Katu minat melet mo, kalako tupunuk, kalako tinangis ma kalako ngunungut mo, uni a kum utna tagun numugu det sa rorom.”