1 Korin 15:50 - Nupela Testamen long tokples Kandas

⁵⁰ A kum tistising, a watungi tamot lena, a pinindat taginin upiso ken ruk una matanitu anun o God. A pinindat ra i ser mereseng kut, ken ruk una matanitu anun o God, uni a matanitu anun o God ken mereseng.

1 Korin 15:50 ပူးပေါင်းရင်းမြစ်များ

Matiu 16:17

Ra o Iesu i watungi tano lena, “Saimon, a nutun o Jon, u sa dan, uni kataio i inanos ui nama wasiso ra. O Tita ut ra i kis sapat una langit i unuk tar ui nami.

Matiu 25:34

A king in watungi tandet ra kura una papor sot na lamano lena, ‘Mot wan urin, mot ra o Tita i sa watung udan tar mot. Mot in rakon pas a matanitu di sa waninar tari sur anumot, tagun numnumugu utmakai una turturkibin ina rakrakon bual.

A Pas anun o Pol torom a taro Rom 2:7

Det ra det dekdek una wakak na pinapam sur o God in pitar a minamar torom det, ma in ulabo pas a risandet, ma det nem a nilaun ra ken rop, o God in pitar a nilaun tukum tandet.

1 Korin 1:12

An palos a kukurai ina wasiso ri lena: Ara taro tagun mot det watungi lena, “A mur o Pol,” ara taro det watungi lena, “A mur o Apolos,” ara taro det watungi lena, “A mur o Pita,” ma ara taro kai det watungi lena, “A mur o Karisito.”

1 Korin 15:42

I lenkutkai ra una katkatutur melet anun a kum minat. A pinindet ra di por det nami in mereseng kut, ikut ra in katutur melet, ken mereseng mo.

1 Korin 15:44

A pinino ra di por tari nami, i taginin ut upiso, ikut ra in katutur melet, in katutur nama pinino ra i nion, tagisapat una langit. I lingmulus ara pinindat taginin upiso, ma ara pinindat kai ra i nion.

1 Korin 6:10

ma a kum tene wolong, ma a kum matano muk, ma a kum tene ininum, ma det ra det emang, ma det ra det ras pas a ututna ra awu sur anundet, det rop ra, ka det in rakon a matanitu anun o God.

1 Korin 6:13

Sako taio in watungi kai lenri, “A utna na inangon sur a balandat, ma a balandat sur a utna na inangon.” Ikut o God in kamar rop ru der. A pinindat awu sur tagun a kum pamuk na petutna, awu, sur a Labino ut, ma a Labino sur a pinindat.

1 Korin 6:9

Pepetlai, ka mot tasmani lena det ra det pam a sakino ka det in rakon a matanitu anun o God? Gong mot toro mot ut. Uni det ra det pam a kum pamuk na petutna, ma det ra det lotu torom a kum torotoro na god, ma det ra ka det ru a kinkinis na nolin, ma det ra a kum pamuk na musano ra det siuru a pinpinin det, ma a kum musano ra det nolin melet nama kum musano,

1 Korin 7:29

A kum tistising, a watungi lenri, a du bung i sa milau. Turpasi uniri, a kum musano ra det nolin, det in laun lari ra ka det nolin.

2 Korin 5:1

A pinindat i elar nama rumu na sel ra dat laun uni nin una rakrakon bual. Ma dat tasmani lena, ra in laulau, o God in pitar a rumu torom dat sapat una langit. A rumu ra, awu sur a taro det pami nama lamandet, awu. O God ut i sa pam tari, ma a rumu ra in tur tukum.

2 Korin 9:6

Mot in nuk pasi, osi ra i marut a lilik, in pasong pasi utkai a lilik. Ma osi ra i marut a susut, in pasong pasi utkai a susut.

Galesia 3:17

Iri a kukurai ina nung a wasiso: O God i uliliman mugu taru torom o Abaram, nama kum utna ra in pam sot pasi ut. A kum Warkurai, ra det wanpat a wat na mar ma tulu noino kilalo numur, ka det pukus lar pas a liliman anun o God torom o Abaram.

Galesia 5:16

Ra uniri, an watungi torom mot lena: Ra mot in mur a Tokodos na Nion, ka mot in mur a kum sakino nemnem ina pinimot.

Epeses 4:17

Una risan a Labino, a inanos mot ma a utumarong mot lena, gong melet mo mot laun elar nama kum taro ra ka det nurnur. A nuknukin det ke topas tu utna.

Kolosi 2:4

A watungi lenri torom mot, sur gong taio i toro pas mot nam tu namnamin na wasiso.

2 Timoti 4:18

A Labino in ulaun iau gusun a kum sakino utna rop ra det nem na pami un iau, ma in ukis iau una nun a matanitu sapat una langit. Dat in watung ulabo pasi, ken rop ma ken rop. Amen.