1 Korin 15:42 - Nupela Testamen long tokples Kandas

⁴² I lenkutkai ra una katkatutur melet anun a kum minat. A pinindet ra di por det nami in mereseng kut, ikut ra in katutur melet, ken mereseng mo.

1 Korin 15:42 ပူးပေါင်းရင်းမြစ်များ

Matiu 13:43

Ma a kum tene tokodos det in sisio elar namin nusuan una matanitu anun a Tamandet. Osi ra arin talngano kura, i wakak sur in longoro nami.

Aposel 2:27

Uni kon madek tar iau unin nutung na minat, ma kon madek tar anum a Tene Tasur sur in mereseng.

Aposel 2:31

O Dewid i sa tasman mugu tar a utna ra in nanpat, ma i watung a wasiso ri una nilaun melet anun o Karisito, lena ka din madek tari unin nutung na minat ma a pinino ken mereseng.

A Pas anun o Pol torom a taro Rom 1:23

Ka det lotu torom o God ra i laun tukum, ma i bukus nama minamar. Det lotu kut torom a kum toktok ina kum musano ra det ser mat kut, ma torom a kum toktok ina kum piko, ma a kum wewegua, ma a kum utna ra det kaukawar nin upiso.

A Pas anun o Pol torom a taro Rom 2:7

Det ra det dekdek una wakak na pinapam sur o God in pitar a minamar torom det, ma in ulabo pas a risandet, ma det nem a nilaun ra ken rop, o God in pitar a nilaun tukum tandet.

A Pas anun o Pol torom a taro Rom 8:21

ra in palos det gusun a karabus na mereseng na minat. Det in kis langolango una minamar tomo nama kum nutnutunu.

1 Korin 15:41

In matanas a minamarino ut, ma a kalang a minamarino i senene ut, ma a minamar ina kum nangnang i senene ut, ma a minamar ina kum nangnang taktakai i senene utkai.

Galesia 6:8

Osi ra i muri kut a kum sakino nemnem ina pinino, in pasong pas a minat tukum. Ma osi ra i mur a Tokodos na Nion, in pasong a nilaun tukum tan a Tokodos na Nion.

1 Pita 1:4

ma dat in rakon pas a utna ra o God i sa ubek tari sapat una langit. A utna ra ken mereseng, ken laulau ma ken rorom. O God i sa ubek tari sur mot.