1 Korin 15:31 - Nupela Testamen long tokples Kandas

³¹ A kum tistising, una kum bung rop a barato a kum mamaut ma a taramo i lena a sa mat. A wasiso ri i lingmulus elar nami ra anung a gasgas un mot i lingmulus. A gas nam mot uni dat kis tomo nam o Karisito Iesu anundat a Labino.

1 Korin 15:31 ပူးပေါင်းရင်းမြစ်များ

Aposel 20:23

A tasmani kut lenri, una kum tamon rop, a Tokodos na Nion i inanos iau lena a karabus ma a kum mamaut det kis pas iau.

A Pas anun o Pol torom a taro Rom 8:36

Elar nami ra di sa tumus tari una Buk Tabu, “A kum bung rop a taro det nem na um doko met, uni met anum a taro. Met elar nama kum sipsip ra di waninar sur din um doko det.” Sng 44:22

2 Korin 1:12

Iri a utna ra met warango met nami: a balamet ke takun met un tu utna, uni met tasmani lena, ka met toro, met muri ut a tokodos na petutna tan o God, una numet a nilaun nin upiso, ma una numet a kinkinis tomo nam mot. Ka met mur a mananos anun a taro, met papam murmuri ut a marmaris anun o God.

2 Korin 11:23

Det a kum tultul anun o Karisito, niko? Iau a wakak na tultul tandet rop. A wasiso elar nama longlong. A papam dekdek bing tandet rop, a sa kis papas una karabus, a kum inaim di pami un iau i dekdek sakit, a susut na dino milau an mat. A kum utna rop ri, ra di pami un iau, i labo taun a utna ra di pami un det.

2 Korin 2:14

Ikut a watung wakak torom o God, uni o Karisito i mugu met elar nama king ra i win. O God i tulu sarara met, sur met in wasiso puaso un o Karisito, sur a taro una kum tamon rop det in tasmani. A tastasman ra, i elar nama utna i sangnain wakak.

Pilipai 3:3

Dat ra dat lotu torom o God nama dekdekin a Niono, dat kut ra, a taro mulus anun o God, i elar nami ra di sa tok talilis tar a pinindat. Ka dat nurnur una pinapam ra a taro det pami, awu. Dat gas kut una pinapam ra o Karisito Iesu i sa pam tari un dat.

1 Tesalonaika 2:19

Metul nem doko i sur metul in tama melet mot, uni metul nurnur un mot lena, mot sa tur dekdek, ma mot, mot kibino una numetul a gasgas, ma mot kibino una numetul a kunukul tagun anumetul a pinapam, una bung ra anundat a Labino o Iesu in nanpat, ma dat in tur umatano.

1 Tesalonaika 3:9

Metul gas doko nam mot umatan anundat a God, ma metul watung wakak toromi. Metul in watung wakak pepetlai toromi? Uni anumetul a gasgas i labo doko.