1 Korin 15:28 - Nupela Testamen long tokples Kandas

²⁸ Ra a kum utna rop i sa kis utuntudu in o Karisito a Nutun o God, o Karisito kai in ubek tari ut utuntudu in o God a Tamano, i ra i ubek tar a kum utna rop utuntudu in o Karisito. O Karisito in pami lenra sur o God in mugumugu una kum utna rop.

1 Korin 15:28 ပူးပေါင်းရင်းမြစ်များ

A Wakak na Wasiso un o Iesu Karisito o Jon i tumusi 14:28

Mot sa longoro tari, ra a sa watung tari torom mot lena, ‘An nan pas ma an milet melet torom mot.’ Ra mot nem iau, mot in gas ra an nan torom o Tita, uni i, i labo tang.

1 Korin 11:3

Ikut, a nemi sur mot in tasmani lena, o Karisito in lorin a kum musano rop, ma a musano in lorin a ino, ma o God in lorin o Karisito.

1 Korin 12:6

A wur ngas na pinapam, ikut ara God kut, ra i pam a kum pinapam ra, una nilaun anun a taro rop.

1 Korin 15:29

Ra katu katkatutur melet gusun a minat, det ra di baptaiso det sur a kum minat, asau ra det in pami? Ra i lingmulus lena a kum minat ka det in katutur melet gusun a minat, sur asau ra di baptaiso a taro sur a kum minat?

1 Korin 3:23

Ma mot anun o Karisito, ma o Karisito anun o God.

Epeses 1:23

Ma a taro na lotu det a pinin o Karisito. Ma o Karisito i bukus un det, ma i ubukus a kum utna rop kai una wur ngas na kisapi rop.

Pilipai 3:21

In pukus pas a pinindat ra ke dekdek, sur in elar nama pinino ra i bukus nama minamar. In pukusi nama dekdekino. A dekdekino ra i papam nami sur in ubek tar a kum utna rop utuntudu in anun a warkurai.

Kolosi 3:11

Ra lenra, dat rop dat elar mukut: a taro Juda, a taro Grik, det ra di sa tok talilis tar det ma det ra ka di tok talilis det, ma a taro tagun osi na ngas na kabotaro, a kum tene ititula ma det kai ra ka det tene ititula. O Karisito ut i labo sakit, ma i kis un dat rop.