1 Korin 15:2 - Nupela Testamen long tokples Kandas

² Ra mot pam ukai dekdek a wasiso ra a sa warawai taru nami torom mot, o God in ulaun pas mot nama Wakak na Wasiso ri. Ra awu, mot nurnur oros kut.

1 Korin 15:2 ပူးပေါင်းရင်းမြစ်များ

Luk 8:13

Ra a kum pitino ra det puku una nubual na watat, det elar nama taro ra det longoro a wasiso, ra det pam ukai i nama gasgas. Ikut kalako wakakorin det, anundet a nurnur ke tur suano i. Ra a kum larlar i wanpat torom det, det puku.

Aposel 2:47

Ra det watung ulabo pas o God, ma a taro rop det gas nam det. Ma una kum bung rop, a Labino i ulaun a susut na taro, ra di luk tomo det nama kum tene nurnur.

Aposel 8:13

O Saimon utkai i nurnur, ma di baptaiso tari. I mur likliki mukut o Pilip, ra i tama a kum ukinalong ma a kum utna na ukisin ra o Pilip i pami, ra i kisin doko uni.

A Pas anun o Pol torom a taro Rom 1:16

Ka maimai una Wakak na Wasiso, uni i a dekdekin o God sur in ulaun pas a taro rop ra det nurnur. Torom met a taro Juda mugu, ma uniri torom mot kai, ra awu sur a taro Juda.

A Pas anun o Pol torom a taro Rom 11:22

I mo ra mot in tama a marmaris ma a kankan anun o God. I ese anun a kankan torom det ra det wan gisen gusuni, ma i ese anun a marmaris torom mot, ra mot tur dekdek una nun a marmaris, ma ka mot mana gusuni. Ikut, ra awu, in pak ru mot kai.

1 Korin 1:18

Uni a wasiso unin nanai kutus, a longlong na wasiso kut torom det ra det wan sur a iniru. Ikut, torom dat ra o God i ulaun dat, a wasiso unin nanai kutus, i a dekdekin o God.

1 Korin 1:21

Uni, una mananos anun o God, i pami sur a taro una rakrakon bual ka det in pet lari sur det in tasman o God una mananos anundeti ut. A wasiso ra met warawai nami, a taro det nuki lena a longlong na wasiso, ikut, una wasiso ra, o God i gas sur in ulaun det ra det nurnur.

1 Korin 11:2

A watung ulabo pas mot, uni mot ser nuk pas iau una kum ututna rop, ma mot mur a kum etowo ra a sa ususer tar mot nami.

1 Korin 15:14

Gunuk ra o God ken ukatutur melet pas o Karisito gusun a minat, anumet a warawai in utna oros kut, ma anumot a nurnur kai in utna oros kut.

2 Korin 2:15

Met elar nama utna ra a misino i sangnain wakak, ra o Karisito i etabor nami torom o God. Ma a sangnainino i wan torom det ra o God i ulaun pas det, ma torom det kai, ra det wan sur a iniru.

2 Korin 6:1

Met papam tomo nam o God, ra met saring mot, sur gong mot ukio orosi kut a marmaris anun o God torom mot.

Galesia 3:4

Pepetlai, a susut na ngunungut ra mot sa taramo tari, i utna oros mukut? Ka nuki lenra.

Epeses 2:8

O God i maris mot ra i ulaun pas mot ra mot nurnur. Awu sur mot ut mot kibino uni, a etabor kut anun o God torom mot.

Kolosi 1:23

Ra mot in dekdek nama nurnur, ma mot in tur dekdek uni, o God in pam a utna ri. Ma gong mot wan gisen gusun a kinkinis langlang nama nurnur sur a kum utna ra o God in pami, ra mot sa longoro tari una Wakak na Wasiso. A Wakak na Wasiso ra, di sa inanos taru nami torom a taro rop una rakrakon bual. Iau, o Pol, a wanpat a tultul tagun a Wakak na Wasiso.

2 Tesalonaika 2:15

I mo ra, a kum tistisi metul, mot in tur dekdek, ma mot in utur ukai a kum etowo ra metul sa ususer tar mot nami. A kum etowo ra metul sa watung tari ma metul sa tumus tari kai, torom mot.

2 Timoti 1:9

I ut i sa ulaun pas dat, ma i kabo pas dat sur a nilaun ra katu dur uni. Awu sur i kibino una nundat a kum wakak na pinapam, awu. I kibino ut una nun a nemnem, ma anun a marmaris, ra i pitar tari torom dat un o Karisito Iesu. Numugu utmakai, ra ke ukisi utmakai a rakrakon bual, i maris mugu dat.

Ibru 10:23

Dat in tur dekdek una nundat a kinkinis langlang nama nurnur sur asau ra o God in pami, ra dat ser wasiso puaso uni. Dat in tur dekdek, ma gong dat wan gisen gusuni, uni o God in pam soti ut asau ra i sa uliliman taru uni.

Ibru 2:1

I mo ra i wakak sur dat in mur a kum etowo ra dat sa longoro tari. Dat in mur a kum etowo ra, sur gong dat wan gisen gusuni.

Ibru 3:14

Ra dat turpas a mur o Karisito, dat tur dekdek una nurnur. Ra dat in tur dekdek una nurnur tuk una ururopino, elar nami ra dat pami numugu, dat tagun o Karisito.

Ibru 3:6

Ikut o Karisito, i a Nutun o God ma i lingmulus una nun a pinapam ra i tamtamabat a taro anun o God. Ra dat tur dekdek una nurnur, ma ka dat ngara, ma dat kis langlang sur a kum utna ra o God in pami, dat a taro anun o God.

Ibru 4:14

Dat in tur dekdek una kum etowo ra dat nurnur uni ma dat ser wasiso puaso uni. Uni anundat a labino mugumugu na tene etabor torom o God, ra i wan usapat una langit, i ra o Iesu, a Nutun o God.

Jems 2:14

A kum tistising, in wakak pepetlai ra taio in watungi lena i nurnur, ikut ke pam tu wakak na pinapam? Pepetlai, a ngas na nurnur ra, in ulauni o awu?

Jems 2:17

Lenkutkai lar a nurnur, ra ke wan tomo nam tu wakak na pinapam, a nurnur ra, a minatino kut.

Jems 2:26

Taio ra a niono i wan gusuni, i a minatino. Lenkutkai lar a nurnur, ra ke wan tomo nam lako wakak na pinapam, a nurnur ra, a minatino kut.