1 Korin 14:31 - Nupela Testamen long tokples Kandas

³¹ Ra mot rop mot nem na wasiso na poropet, i wakak sur ara munung in wasiso, ra numur ara bulung, tuk mot rop mot in wasiso. Mot in pami lenra, sur a taro rop det in los a etowo, ma in uragot det.

1 Korin 14:31 ပူးပေါင်းရင်းမြစ်များ

A Pas anun o Pol torom a taro Rom 1:12

Lenra, ra an tama anumot a nurnur, ma mot kai mot in tama anung a nurnur, dat in uragot etetalai dat.

1 Korin 14:19

Ikut ra a kis tomo nama taro una lotu ma an watungi kut lako limo na du wasiso ra a kukuraino in talapor torom det sur an ususer det nami, i ra i wakak doko taun a noino arip na du wasiso una wasiso gisen, ra ka det in longoro lele i.

1 Korin 14:3

Ikut, taio ra i wasiso na poropet, i wasiso torom a taro sur in udekdek det, in uragot det ma in umarom det.

1 Korin 14:30

Ra taio kura i kis una lotu, in rakon tu wasiso tan o God, o naro ra kura i wasiso in mana.

1 Korin 14:32

A wasiso na poropet i kis utuntudu ina warkurai anun a poropet ut.

1 Korin 14:35

Ra det nem na iting un tu utna, i wakak sur det in ting anundet a kum musano uni tiro una nundet a kum rumu. Uni a utna na maimai ra a ino in wasiso una lotu.

2 Korin 1:4

I ser umarom met una kum mamaut rop ra met taramo i, sur met kai met in umarom a taro, ra a kum mamaut i los det, nama umumarom ra o God i pitar tari tamet.

Epeses 6:22

I mo ra a tulu ru i torom mot, sur mot in tasman anumet a nilaun nin i pepetlai, ma sur in uragot mot.

Kolosi 2:2

A pami lenra, sur in uragot anundet a nilaun, ma det in kis na marmaris tomo, sur det in bukus nama labino mananos, sur det in tasman a utna anun o God, ra numugu i kis eno, i ra o Karisito ut.

1 Tesalonaika 4:18

I mo ra mot in uragot etetalai mot nama kum wasiso ri.

1 Tesalonaika 5:11

I mo ra mot in uragot etetalai mot, ma mot in udekdek mot, lenutra mot ser pami.

1 Tesalonaika 5:14

A kum tistisi metul, metul saring mot sur mot in tumarong a kum tubunu wok na taro, mot in uragot det ra det ser ngara, mot in warut det ra ka det dekdek una nurnur, ma mot in ese a wowowon na petutna torom a taro rop.

1 Tesalonaika 5:20

Gong mot nuk penpen una kum wasiso na poropet.